سؤال وجواب 2-2-2012 ينتهي اشتراكي مع الفاستلكو دي اس ال

[ابعتذر]

صبحكم الله بالخير أخواني أعضاء هالشبكه الغاليه والعزيزه على جاش جوفي

كم يوم وينتهي اشتراكي بالنت

للأمانه 3 سنين مشترك في فاستلكو ولا لقيت منهم إلا الخدمه الطيبه

أخواني منطقتي اسلاك يعني اعلى سرعه يتحمل خط البيت هو 5.9 ميقابايت

ابي النصيحه اجدد اشتراكي بالفاستلكو

أو اغير إلى شركة مدى لزيادة السرعه والتنقل يعني مو ثابت بالبيت

الي مجرب مدى هل يقطع وياه النت والا شغل عدل مدل

والتحميل ابيه غير محدووود والسرعه بدون حدود



ولكم جزيل الشكر

الله الله بالردود وعدم إختصار الاجابات لكي استفيد ويستفيدون الاخوه الاعضاء الكرام:وردة:
​

 

[تشالنجر]

انا افضل اشتراك dsl لثبات السسرعه وثبات الاتصال عكس الاتصالات الثانية وبخصوص مدى شركة ممتازه بس اعتقد بعد توجهه الناس لها راح يصير ضغط لذالك جدد بفاست تلكو

 

[عبدالرزّاق السّنْهُوري]

وين تصير مدى اذا بسوي اشتراك فيها .​

 

[KGOC]

هلا اخوي اللى سمعته عندهم بالافنيوز بالممر تلقاهم ولهم كذا فرع بمحلات التلفونات http://mada.com.kw/ وهذا موقعهم

 

[ابعتذر]

الاشتراك ينتهي الليله

وناطر الجواب يا جماعة الربع

 

[بدركوم]

اخوي مدى خدمة غير ثابته وغير مستقره وتعتمد على الابراج وعدد المستخدمين وياه والتغطية لديك يعني سالفتها سالفة وانا شخصيا اشتركة عندهم ورجعت الجهاز واخذت فلوسي ولقيت شخص يرجعه وشخص يستلم فلوسه

اذا مرتاح مع فاست جدد اشتراكك وياهم في ارض المعارض وعندهم سحوبات او خصومات

بتوفيق

 

[سايروس]

جرب غولف نت 1816666
انا مشترك معاهم ومرتاااح ​

 

[geology-teacher]

أنا بعد مشتركة مع فاستلكو والصراحة ما شفت منهم إلا الخير يمكن من 5 سنوات
السرعة 1 ميجا
والسعر 150 دينار بالسنة
أحوي كم قالوا لك اشتراك هاالسنة ، لأنهم حاطين عرض شهر زيادة

 

[الشعلي]

^^^^

هذا قبل 150 ..

انا مجدد أشتراكي وياهم قبل شهرين .. سرعة 1.5 ميجا بـ 89 دينار

جدد مع فاستلكو وأنت مرتاح .. شي مجربه ومرتاح فيه أفضل من تغامر مع شي جديد ومو عارفه

 

[geology-teacher]

^^^^

هذا قبل 150 ..

انا مجدد أشتراكي وياهم قبل شهرين .. سرعة 1.5 ميجا بـ 89 دينار

جدد مع فاستلكو وأنت مرتاح .. شي مجربه ومرتاح فيه أفضل من تغامر مع شي جديد ومو عارفه

زين الله يبشرك بالخير ، أنا العام شهر 5 دفعت 150 دينار

 

[الشعلي]

ويبشرج بالجنة إن شاءالله

هذي الأسعار
http://www.fasttelco.net/AxCMSwebLive/HomeADSLService_Ar.cms

يخرب بيت عدوهم بورصة مو أسعار مرة صاعدة مرة نازلة

 

[ابعتذر]

انا داش الحين ارض المعارض الحين

وعسا الله يختار لي الخيره

 

[●°يقظة فكر°●]

عاسف

مدى مدى !!

تسمعني !!

< شابك من مدى وهو يكلمك
السرعه مو صج. ... التحميل ما يقل عن 1 ميقا بالثانيه

ولا يفصل .. والسرعه ما تنقص لأن مخصصين لك بروحك سرعه


اشترك مدى !!!!!!!!!!!!!



مدري لحقت على الرجال ولا لا ؟

 

[ابعتذر]

عاسف

مدى مدى !!

تسمعني !!

< شابك من مدى وهو يكلمك
السرعه مو صج. ... التحميل ما يقل عن 1 ميقا بالثانيه

ولا يفصل .. والسرعه ما تنقص لأن مخصصين لك بروحك سرعه


اشترك مدى !!!!!!!!!!!!!



مدري لحقت على الرجال ولا لا ؟

اشتركت في فاستلكو ب 247 دينار يا بلاش

المهم بدوم ما اظلمهم خدمتهم فوق الممتازه ولا عمري اشتكيت من انقطاع

شكرا لمن تجاوب معي
​

 

[geology-teacher]

اشتركت في فاستلكو ب 247 دينار يا بلاش ​

وكم السرعة ! لا طبنا ولا غدا الشر
اشلون يقولون وزارة المواصلات خفضت الأسعار

 

[تشالنجر]

وكم السرعة ! لا طبنا ولا غدا الشر
اشلون يقولون وزارة المواصلات خفضت الأسعار

اعتقد 5 ميجا

سمعت عن خدمة جديده اسمها vdsl راح تحطم dsl وراح يعلنون عنها بالاسابيع المقبله ان شاء تكوون على جميع المناطق

 

[ابعتذر]

وكم السرعة ! لا طبنا ولا غدا الشر
اشلون يقولون وزارة المواصلات خفضت الأسعار

5 ميجا وعطوني هديه اشتراك شهر اضافي بس احتفظ بالكوبون لما تنتهي السنه اعطيهم الكوبون يمددون :باكي:

وعطوني 54 كوبون للسحب على سياره زد نيسان و 1500 دولار

عالعموم احلى شي عندهم الشوكلاته لا تطوفك + تذاكر سينما عدد 3 اشخاص

 

[الح ـر]

بعداذن صاحب الموضوع

بغيت اسأل عن الـ Dsl كم يوصل سرعته في المناطق القديمة؟

انا ساكن بصباح الناصر القديمة و حسب ما اعرف ان الDsl بطئ

ودي اغير النت تعبت من الايقو الخايس .. متذبذب و كل شوي يفصل لااا و فوق هذا كله دانلود محدود حدك 20 قيقا بالشهر :إستنكار:

و اعذروني ع هالاسألة البايخة .. أخوكم عليمي إلى أقصى درجة




​

 

[ابعتذر]

بعداذن صاحب الموضوع

بغيت اسأل عن الـ Dsl كم يوصل سرعته في المناطق القديمة؟

انا ساكن بصباح الناصر القديمة و حسب ما اعرف ان الDsl بطئ

ودي اغير النت تعبت من الايقو الخايس .. متذبذب و كل شوي يفصل لااا و فوق هذا كله دانلود محدود حدك 20 قيقا بالشهر :إستنكار:

و اعذروني ع هالاسألة البايخة .. أخوكم عليمي إلى أقصى درجة




​

من تجربه واقعيه وجايز عند غيري أفضل مما عندي

أنا من سكان العاشره و من أهل الأحمدي يعني نظام قديم

عليك بشركه فاست لكو

وخط البيت عندي يتحمل سرعه 5.9 ميغابايت يعني لو يحطونه 6 ميغابايت كل 5 دقايق يفصل لأن الخط ما يتحمل

الدي اس ال له فوائد كثيره

ثبات السرعه

قليل الانقطاع

ما عندهم نظام الاستخدام العادل يعني داون لود مفتوح والسرعه مفتوحه

الاهل يستخدمونه والجيران وبني عمك والرفاقه

عيوبه

يحكمك في البيت

حبيت افيدك والله يوفقك
​

 

[خـالد]

فاستيلكو من 2003 ، ومالقيت منهم الا الخدمة الجيدة ، اما عن مدى فاهو اشتراك وايماكس يتأُثر بالاحوال الجوية

الخطوط العادية تتحمل 8 ميغا بشرط انه يكون البيت قريب من المقسم او مايبعد عنه مسافة 2 كيلو واكثر.