ثــلاث أيــام فــي دبــي دار الــحي.......تــقــريــر مــصــور



السلام عليكم ورحمة الله وبركاته

سفره لتغيير الروتين والهروب من البرررررد القارصالى شمس دبي ودفئها

((في الصيف نسافر نبي البراد وفي الشتا نسافر نبي الدفى))

راح أكون معاكم أول بأول من مطار الكويت وحتى عودتي الميمونهلأرض الوطن بأذن الله

معلومات أوليه :

الطيران : الكويتيه

سعر التذكره : 80 دينار للشخص

الدرجه : كالعاده سياحيه

الفندق : روز جاردن في البرشا((أعتقد أربع))

سعر الغرقه : تقريبا 200 دينار لثلاث ليال (( في العاده يكون أرخص ولكن دبي الآن زحمه لذلك أرتفع سعره))

أنتظروا الصور ولكن بعد الراحه من تعب المطارات وأنتظار الشنط في الشحن ((وضجيج طيران الكويتيه ))

شاكر لكم متابعتكم:وردة:

 


أهلا بأحبائي

طبعا المتعارف عليه والمعتاد بأن الرحله من الكويت لدبي سهله وقريبه ولكن هالمره غير

تعب وأنتظار ممل وخوف (( ونفس شينه ))

خل نبدأ أول بالفرحه اللي تسبق السفر

جهزنا الشنط

CAUD2.jpg


وماشاء الله الأهل متبقى شي ماحطوه في الشنط لدرجة أنهم مانسوا حتا أعواد الأذاني والأسنان

شلنا الشنط وحطيناها بسيارة السايق ويالله يبو هناد عالمطار

طبعا الله لايوريكم نفسية السايق اليوم راكب معاه وأحس أنه بيفتح الباب ويرفسني عند بوابة المطار من كثر ماهو معصب ويقول

دفعة مردي والهوا شرجي

بس عادي يمون صارله تقريبا ٢٠ سنه عندنا مره يعصب مايضر

المهم وصلنا للمطار اللي المفروض يكون على أسمه ((دولي ))

وركضه عالكاونتر مافيه وقت

NgiNR.jpg



طلعت البوردنق وركضه على البوابه مع مرور بسيط عالسوق الحره

dI0bW.jpg


ومن ثم وصلت للبوابه وشفت هالمنظر اللي يفشل

ty5Pw.jpg


ركاب طياره كامله وكراسي الأنتظار ٢٠ تقريبا نزين حنا أهل البلد نوقف ونتحمل خمال بعض بس الضيوف اللي زايرينا!!!!

المهم وقفنا ساعه الا ربع تقريبا شوي ولا يقولون في تأخير بالرحله

بلعناها وقلنا كل تأخيره فيها خيره طيب جم التأخير قالو ساعه تقريبا

تأخرنا وأكلنا هوا وسكتنا والساعه صارت ساعتين الا ربع وأغلب هالوقت واقفين

المهم فتحوا البوابات وركبنا الطياره وهذي صورتها

wifYI.jpg


مادري ليش تذكرت تكاسي مصر

وهذا ممر الطائره

gaTZs.jpg


ركبنا وكل واحد أخذ مقعده والحمدلله لي الحين كل شي تمام

ysacP.jpg


توقف مؤقت والقاكم بمطار دبي (( الدولي )) بحق

أنتظروا هبوطنا المررررعب

تحياتي لكم






 
 

مسك الورد

عضو بلاتيني
مرحبا الساع :) هيه هاي المواضيع اللي تونس ما روم ما اعلق على الموضوع هاي دبي دار الحي .متابعة :إستحسان: احب هالدولة اليوم اساحل اخوي اروح انا وياه وقدمت جميع الإغراءات بس ماكو فايدة للأسف :باكي:
عليكم بالف عافية وحمدلله على السلامة وخطاكم السو دام رايحين على الكويتية انكتبلكم عمر يديد :( اما بخصوص أغراض البنات نحط كلشي فديتنا واحنا اللي دائماً ننقذكم لانه نهتم بأدق التفاصيل :D
 
مرحبا الساع :) هيه هاي المواضيع اللي تونس ما روم ما اعلق على الموضوع هاي دبي دار الحي .متابعة :إستحسان: احب هالدولة اليوم اساحل اخوي اروح انا وياه وقدمت جميع الإغراءات بس ماكو فايدة للأسف :باكي:
عليكم بالف عافية وحمدلله على السلامة وخطاكم السو دام رايحين على الكويتية انكتبلكم عمر يديد :( اما بخصوص أغراض البنات نحط كلشي فديتنا واحنا اللي دائماً ننقذكم لانه نهتم بأدق التفاصيل :D

هلا بختي مسم الورد منوره الموضوع

اللي سماها دار الحي ماكذب فعلا أسم على مسمى

عندي لج مفاجئه بتحرررررج;)

تابعي التقرير وبتعرفينها:)

 


وصلنا بحمدالله لمطار دبي

بعد شق الأنفس بهبوط (( عربجبي ))

بصراحه كان هبوط يخلي الأدريالين (( أعتقد أسمه جذي )) يوصل لقمة الرأس من الخوف

 لكن روعة مطار دبي وروعة تصميمه نستنا كل هالتعب والخوف

صور للمطار التحفه

dq3gQ.jpg


VwwWP.jpg


2wHOk.jpg


dn1mQ.jpg


NC6I2.jpg


من كبر المطار تحس أنك ضاااااايع وتدربي راسك ورى هالناس وين ماراحو ا رحت لين توصل الجوازات:)

خذينا تاكسي ومثل ماقالو أخوانا المصريين (( يافكييك )) عالفندق ولسان حالي يقول

النوم رأس اللوم لو يدري الفتى:)

وصلنا للفندق وكان بأستقبالنا هالحلوين

othbz.jpg


سوينا أجرائات الدخول وتوجهنا للغرفه

هذا الممر وبلهجة أخوانا السعوديين اللي ماشاء الله تارسين دبي (( السيب ))

NVNo3.jpg


وهذي الغرفه

6to10.jpg


xb15m.jpg


مطبخ تحضيري

vSTQw.jpg


قصطا من الراحه بعد عناء الفراره في السوقه والمجمعات ولي عوده بصور برج خليفه والنافوره والمطعم اللبناني الرااااائع (( كرم لبنان )) المطل عالنافوره الراقصه

تقبلوا تحياتي​
 

عذب الاطباع

عضو فعال
الحمد لله ع السلامه

ههههههه

والله مدري وش نسميك عبدالملك ولا بن بطوطه :p


اجازه سعيده يا عزيزي

وانتبه على نفسك :وردة:
 

طبعا بعد غفوه لسويعات حبينا نستغل كل دقيقه بهالرحله وداااااايركت على المجمعات والسوقه

وهذا أهداء لأختي نسج الورود مثل ماوعدتها;)

مجمع أبو الهيل للعبي محبوب النساء:)

بصراحه ماكنت بحط صور هالمجمع بس عشان أختي نسج الورود تتحمس للسفره:)

qIZQ6.jpg


nMFKH.jpg


وبعد فره بسيطه في أروقته قررنا الذهاب لدبي مول

وفور وصولنا شاهدنا النافوره الراقصه تستعرض محاسنها

بدأتها بنثر غيومها على الحضور الهائل من السياح

cdyFy.jpg


XB3eT.jpg


TuCy2.jpg


5KI23.jpg


ومن ثم بدأت وصلة الرقص

9QgTC.jpg


qKJmj.jpg


BWBSo.jpg


BiUUw.jpg


neqGg.jpg


x5sIa.jpg


lyccd.jpg


80BGR.jpg


وبعد هذي المشاهد الرائعه (( قرصنا الجوع )) وتذكر هالمطعم اللبناني جنب النافوره أسمه (( كرم لبنان )) بصراحه رووووووعه وبالذات

الفتوش....بس السيرفس شوي تعبان عندهم يمكن من الزحمه!!!!

الفتووووووش ياأم مؤمن ولا أطيب من هيك:D

ybmHy.jpg


التبوله اللبنانيه على أصولها

ejH5u.jpg


والكبه والحمص باللحمه والخبز الطازج الحار

1aUxn.jpg


cAyOp.jpg


وهذا شكل المحل من الخارج

ogRnn.jpg


أنتظروني غدا مع القريه العالميه ومول الأمارات والمدينه الثلجيه

تقبلوا تحياتي

 
الحمد لله ع السلامه

ههههههه

والله مدري وش نسميك عبدالملك ولا بن بطوطه :p


اجازه سعيده يا عزيزي

وانتبه على نفسك :وردة:

هلا بأختي العزيزه عذب الأطباع منوره

على طاري بن بطوطه أنشاء الله يسعفني الوقت ومر مجمع بن بطوطه:D:D:D

بصراحه جيته قبل سنتين رووعه بس بعيد بحاول أمره باجر بأذن الله

الله يعطيج العافيه ولاتحرمينا من مرورج الكريم

تقبلي تحيات أخوج عبدالملك

 

عذب الاطباع

عضو فعال
هلا بأختي العزيزه عذب الأطباع منوره

على طاري بن بطوطه أنشاء الله يسعفني الوقت ومر مجمع بن بطوطه:D:D:D

بصراحه جيته قبل سنتين رووعه بس بعيد بحاول أمره باجر بأذن الله

الله يعطيج العافيه ولاتحرمينا من مرورج الكريم

تقبلي تحيات أخوج عبدالملك


اخوك مو أختك :eek:


..........
 

جواهر*

مشرفة
طاقم الإشراف
اجازة وسفرة موفقة وسعيده ومريحة يارب

جميله الاماكن والصور حلوة ...

وترجع بالسلامة ان شاء الله


 
الحمدالله على سلامه الوصوول

وابو الهيل مضى له دووور جيته من سبع سنين يمكن

الله يرحم هذيج الايام شريت منه ثلاث عبايات وحلويات من البقاله اللي اول ماتدش المجمع يساار عنده اشياء غريبه وعجيبه

 
الحمدالله على سلامه الوصوول

وابو الهيل مضى له دووور جيته من سبع سنين يمكن

الله يرحم هذيج الايام شريت منه ثلاث عبايات وحلويات من البقاله اللي اول ماتدش المجمع يساار عنده اشياء غريبه وعجيبه




هلا بأختي وطني الكويت لاعدمناك

الله يسلمج

عاد والله أني أطالع الحلويات من برا المحل نفسه وشاور نفسي آخذ أو ما آخذ:(

خليتيني أندم أني ماخذت منه أنا عبالي محل عادي مافيه شي مميز عاد الحين طقت براسي:)

الله يعطيج العافيه يازميله
 
أعلى