قصيدة ( سلم على حايل وسلم على شمر ) للشاعر القحطاني و قصيدة رد عليها من شاعر شمري

[شمري كويتي]

قصيدة
​

( سلم على حايل وسلم على شمر )



هذه قصيدة
​

الشاعر ناصر القحطاني
​

الرائعة في قبيلة شمر
​

الشمس غابت وكل ٍ دوّر سراجه​

والشوق جمّر محرّ الشوق لاجمّر

​

دام اتجاهك شمال مودعك حاجه​

سلّم على حايل وسلّم على شمّر


​

قدامك الخافق اللي ينشد علاجه​

كنه معلّق على برزان و مسمّر​

وانت تعرف يا بعد حيي من تواجه​

بيضان الافعال لامن الزمن سمّر​

ان ضاقوا أعنف من البحر وامواجه​

وان راقو اركد من الخرمان لا عمّر​

كم صيت بيت ٍعتق في الباب مزلاجه​

وكم شيخ اماره قبل تعيينه مومر​

وكم حاتمي ٍ تكفيّ فلّة احجاجه​

وش لون للضيف لوعن ساعده شمّر ؟​

وان مر تاريخهم متلبس ٍ تاجه​

كم عاشق ٍ كيّف وكم حاسد ٍ زمّر​

في جو ٍ اغلى على الرجلي الى داجه​

من ديرة السادس ومن ديرة معمّر​

كنّه الا اهدى له البراق فجاجه​

خلت غرير ٍ ضحك ومن الخجل حمّر​

توارثو حرثه وتمتير ديباجه​

ركابة الجيب من ركابة الضمّر​

الودّ لا غرس بدري صعب مخراجه​

والله ولا الذّ واحلى منه لا ثمّر​

ادخل على اللي تطوف البيت حجاجه​

من ناقص ٍ عند مدح الغير يتذمّر​

والمدح لو كان في الرديان للصاجه​

ويقال عمّر بلد بالعون ما عمّر​

والذّم لو زاد في الطيب تولاجه​

لا احرق ولا اغرق ولا عمّر ولا دمّر​

ماني بمتحسف بشعري على حاجه​

الا اني اروح ما غنيت في شمّر​

************************​

هذا رد الشاعر ​

احمد الجريفاني الشمري​

على قصيدة الشاعر ناصر القحطاني​

في حائل و شمّر

​

هلا بشهمٍ صدق في رسـم منهاجـه​

هلا بمنهو تمثّل فـي جبـل شمّـر

​

هلا بمن تعجـز القيفـان لحراجـه​

ومن حقه إنه على القيفـان يتأمّـر
​

وصل سلامك ولا يحتـاج ديباجـه​

عمّرت صرح الغلا ياعلّـك تعمّـر
​

نظمت عذرا تهبّـل فـي تغنّاجـه​

لو حاول احدن يجاري حسنها قصّر
​

يامير الاشعار يامن يحسـده تاجـه​

اعذر محاكيك بالقيفـان لـو كـرّر
​

لو يمرض الجود نادوا فيك لعلاجـه​

تعطى البشاره لمن في جيتك بشّـر
​

لو يظلم الكون نورك يجلب افراجـه​

ماعاشرك في حياتك حـي ويكـدّر
​

يشهد لك الليل لامن ضوت ابراجه​

ويشهد لك الحبر والاقـلام والدفتّـر
​

والطيب يشهد لك انك صرت هداجه​

نعم المراجل ونعم الاصل والمخبـر
​

قحطان كنه محيـطٍ تلطـم امواجـه​

طوفان عارم ليامن الهـوى زمجـر
​

ولامن هدا الموج يهدي غالي انتاجه​

الدر واللـول والمرجـان والعنبـر
​

ما رامهم طامع إلا يرجـع ادراجـه​

الليث ماينقرب خـصٍ ليـا كشّـر
​

نبراس عزٍ يسـرك فـي توهّاجـه​

من خلقت الكون حتى ساعة المحشر
​

يامن نظمت البيوت وقمت بخراجـه​

عسى حياتك سهود ولايجيك الشّـر
​

منت الذي يحسب بيوته على حاجه​

حنّا هلك والجبل في مثلكـم يفخـر
​

ولا غابت الشمس محدن دور سراجه​

نور القحاطين ساطع في جبل شمّـر
​

​

منقول​

 

[بو عبدالله السعيدي]

ومليون نعم بشمر وبقحطان . بو حواس يقول حق الامريكي (( حنا خوالكم))


http://www.youtube.com/watch?v=IIcknZA13hw&feature=youtube_gdata_player

 

[شمري كويتي]

ومليون نعم بشمر وبقحطان . بو حواس يقول حق الامريكي (( حنا خوالكم))

انا ما شفت المقطع

عندي مشكلة في الصوت والانترنت بطئ

لكن منو ابوحواس

وشنو علاقته بالقصيدة​

 

[الخاطر]

بيض الله وجه القايل ولاهان الناقل
نقله تشكر عليها وونتظر جديدك

 

[احلى بلد]

ونعم بقحطان ونعم بشمر

بس ممكن اسم الشاعر القحطاني كامل اذا تعرفه او على الاقل اسم ابوه

 

[خيــال]

سلم حايل وسلم على شمر

تستاهل الرفع من أجمل قصائد المدح السهلة الممتنعة


وشاعرها حضى بلقب شاعر الأندلس /لأنه تغنى بالألندس المفقود بتميز

شاعر متميز يستحق القاء الضوء على قصائده العذبة

 

[تباشيرالأمل]

صح السان الشاعر
قصيدة وردها جدا مميزه وجزله
لاهنت على النقل

 

[شمري كويتي]

بيض الله وجه القايل ولاهان الناقل
نقله تشكر عليها وونتظر جديدك

لا هنت وجهك ابيض

 

[شمري كويتي]

ونعم بقحطان ونعم بشمر

بس ممكن اسم الشاعر القحطاني كامل اذا تعرفه او على الاقل اسم ابوه

ناصر محمد القحطاني

بكالوريوس (( بحوث عمليات )) من جامعة الملك سعود بالرياض

يكتب الشعر بلسان فصيح وآخر عامي

 

[شمري كويتي]

سلم حايل وسلم على شمر

تستاهل الرفع من أجمل قصائد المدح السهلة الممتنعة


وشاعرها حضى بلقب شاعر الأندلس /لأنه تغنى بالألندس المفقود بتميز

شاعر متميز يستحق القاء الضوء على قصائده العذبة

شكرا جزيلا اختي خيال على رفع هذا الموضوع

 

[شمري كويتي]

صح السان الشاعر
قصيدة وردها جدا مميزه وجزله
لاهنت على النقل

شكرا على الكلام الطيب والشاعر ناصر القحطاني يستاهل المدح