حبيبنا واخونا كش ملك اسعد الله صباحك
حبيبي انت ليش زعلان
اولا بالنسبه بالنسبه لضباط تغنينا عن القواعد الامريكيه هذا من المستحيلات ولاهانت المؤسسات العسكريه بالكويت لان الكويت بحاجه للقواعد الامريكيه والفرنسيه والبريطانيه وان شالله الاثيوبيه بعد لصغر حجم الكويت من الناحيه التعداد العسكري يعني شوف اللى حوالينك ايران والعراق جيوشهم بالملاين وحنا مانتعدي حرسنا على جيشنا على شرطتنا 60 الف وهذا مو تقليل بشأن العسكرين بس اتكلم بالواقع وبالحاله هذي لازم تكون هناك قواعد لحماية الكويت لانك تعيش بين عصابات امثال ايران والعراق
وبالنسبه للجيش قبل الغزو افضل صح معاك بس افضل بالاوامر العسكريه والضبط والربط العسكري فقط وليس بالمعدات والتطور التكنلوجي العسكري
اما بالنسبه للرواتب العسكرين حلال عليهم وتكفا لاتحسدهم تري والله يتعبون من اوامر ضباط طيور الجنه الجدد اللى كل يوم له قرار ومايدري وينه رايح
وبالنسبه انك ماتسلم من الوضائف والمناصب صح مو من حقت تستلم أي منصب حتي لو شهادتك اعلي الشهادات من قالك ماتجيب واسطه انسي الشهاده واسعي ورى الواسطه ترى الواسطه احسن واضمن من الشهاده
لان الشهاده مجرد ورقه والواسطه حبة خشم هنييه الفرق
وبعدين تقول الهيئه التدريسيه انت ويينك ضاايع يااحبيبي التدريس على البركه وبعدين المدرسين اللى تقول عنهم نص شهاداتهم بفلوس ماخذينها والدوله عندها علم بالشي هذا وتبيه يحصل ولا على زمان اول يوم الفلسطينين يدرسونا والاردنين يدرسونا ماكان التعليم بالمستوي هذا كان فعلا تشوف الطالب يفهم المعلومه صحيحه وتكون في مخه صح اجل تدريس الحين
( سم زهب التلميزو الي المدرسه = ثم ذهب التلميذ الى المدرسه )
في فرق باللغات العربيه البحته والعربيه المرقعه بس تكفا ياكش ملك انت والاخوان لاتشدون حيلكم لانكم بتتعبون باصلاح التعليم والمشاكل اللى تحصل بين الطلبه وحلها سهل والله العظيم انه سهل وعندي الحل
وبالاخير اقولك خل الدرعا ترعا مثل ماتبيه الحكومه
انت ياكش ملك شهادتك جامعيه وانا ثانوي اشيخ عليك واصير مسؤل عليك وراتبي اعلي من راتبك بالواسطه واقولك كش ملك
انت تدرس وتشد حيلك وتسهر الليالي وتتعب وتعب اهلك وراك على شان تجيب معدل وشهاده حلوه وانا اكبر الوساده بالنووم واجيب الشهاده بالفلوس واصير مسؤل عليك وانت تفهم وانا ما افهم بس هم اصير مسؤلك بالتزوير واقولك كش ملك
وفيه ناس كثييره ماسكه مناصب قويه ومدراء وراساء مجالس اداريه وشهاداتهم من بلد اخري بفلوس
ياخوي عندك مدرسة الفجر اللى بجليب الشيوخ شوف البلاوي فيها شوف المشاكل فيها شوف الطلبه
طالب مايدخل الاختبار اخر السنه وينجح ههههههه
والله والله والله ان فيه طلاب ماادخلو الاختبار ونجحو واهم نايمين في بيوتهم ناجحين
وبعدين حتي لو تبي تنجح اعطيك بعض الحلول يا اخي خل لك معرفه في ثلاث جهات وتنجح
1- المرور
2- الشئون
3- المطار
واظمن النجاح وتاخذ شهادتك من غير أي دراسه
اتمنا انك ماتجهد نفسك اخوي كش ملك لان الناس تبي كذا وخلك لين شوي وتمشي اموورك
ولك تحياتي