سؤال وجواب ابي رايكم وشوركم يا رواد مصر

[ابو عزوز العصفور]

السلام عليكم جميعا
واشلونكم يا اعضاء الشبكة الحبيبة
انا ابي رايكم ومشورتكم
انا ابي اخذ شقة بالقاهرة
وابي اعرف الاسعار علي كم ؟
وشنو تنصحوني في اي منطقة اشتري؟
او شنو احسن واحلي وارقي منطقة بنظركم؟
وطبعا اشرايكم اشتري شقة محارة واشطبها اهناك او اشتري جاهزة؟
وانا ابي من 140 متر وتحت.
وانا ابخاطري بالمعادي او مدينة نصر حيث انه هادية وراقية وما فيها نصابين
واللي عنده معلومة لا يبخل علينا او اللي عنده موقع او رابط لبيع الشقق بالقاهرة لا يبخل علينا
واللي عنده نصحية بخصوص المشتري ايعلمنا
ومشكورين يالربع
وجزاكم الله خير

 

[الحر_189]

رد

السلام عليكم جميعا
واشلونكم يا اعضاء الشبكة الحبيبة
انا ابي رايكم ومشورتكم
انا ابي اخذ شقة بالقاهرة
وابي اعرف الاسعار علي كم ؟
وشنو تنصحوني في اي منطقة اشتري؟
او شنو احسن واحلي وارقي منطقة بنظركم؟
وطبعا اشرايكم اشتري شقة محارة واشطبها اهناك او اشتري جاهزة؟
وانا ابي من 140 متر وتحت.
وانا ابخاطري بالمعادي او مدينة نصر حيث انه هادية وراقية وما فيها نصابين
واللي عنده معلومة لا يبخل علينا او اللي عنده موقع او رابط لبيع الشقق بالقاهرة لا يبخل علينا
واللي عنده نصحية بخصوص المشتري ايعلمنا
ومشكورين يالربع
وجزاكم الله خير

حبيبي اسمع نصيحتي لك وخذها بعين الاعتبار

اذا انت بتشتري شقه علشان انت تدرس هناك او عندك احد يدرس ( اهنيه ارفع لك القبعه )

اما انك بتشتريها للنزول فتره الصيف سياحه او استثمار ( فالفكره اهنيه فاشلة)

الاسعار تختلف اختلاف شاسع بين منطقه والثانيه عندك مدينه زايد رخيصه وهاديه وعندك المعهندسين غاليه وفي ازعاج شويه

بس صعب تحصل شقه موقعها ممتاز ومساحه سنع 140 وانت طالع بسعراقل من 20 الف

نصيحتي اشتري بالزمالك او مدينه نصر ( هذا اذا معاك فلوس وراهي ) واذا انت على قد الحال اشتري بمدينه زايد او المدن الجديده

لايحووووووووووووشك شقه محاره اهنيه راح ينصبون عليك النصبه الصح

اشتر جاهزه او مفروشه فقطططططططط

هههههههههه ضحكتني مافيها نصابين حبيبي كل مكان فيه نصابين بس خلك حذر وخلاص

نصيحه بخصوص المشترى خلك حريص وروح للشهر العقاري اتاكد انه الشقه مو بايعها لواحد غيرك او يمكن تطلع مو شقته وبينصب عليك فديربالك ديرباااااااااااااااااااااالك وشوفلك محامي ثقه كنصيحه اخويه

وتحياتي لك

 

[اليعربي]

ماكوا احسن من نصيحه العضو الي رد قبلي
اذا تبيها استثمار يمكن فكره حلوه خصوصا اذا فيه مؤشرات بهدوء الوضع عندهم اذا الفوضى تبي تستمر وهذا المتوقع انحش

اذا تبيها سياحه وتصيف انا عن نفسي سافرت مصر مره ومن عقبها حرمت اطب بلد عربي مره ثانيه غير السعوديه للعمره والحج ويمكن كلش كلش دول الخليج

 

[ابو عزوز العصفور]

حبيبي اسمع نصيحتي لك وخذها بعين الاعتبار

اذا انت بتشتري شقه علشان انت تدرس هناك او عندك احد يدرس ( اهنيه ارفع لك القبعه )

اما انك بتشتريها للنزول فتره الصيف سياحه او استثمار ( فالفكره اهنيه فاشلة)

الاسعار تختلف اختلاف شاسع بين منطقه والثانيه عندك مدينه زايد رخيصه وهاديه وعندك المعهندسين غاليه وفي ازعاج شويه

بس صعب تحصل شقه موقعها ممتاز ومساحه سنع 140 وانت طالع بسعراقل من 20 الف

نصيحتي اشتري بالزمالك او مدينه نصر ( هذا اذا معاك فلوس وراهي ) واذا انت على قد الحال اشتري بمدينه زايد او المدن الجديده

لايحووووووووووووشك شقه محاره اهنيه راح ينصبون عليك النصبه الصح

اشتر جاهزه او مفروشه فقطططططططط

هههههههههه ضحكتني مافيها نصابين حبيبي كل مكان فيه نصابين بس خلك حذر وخلاص

نصيحه بخصوص المشترى خلك حريص وروح للشهر العقاري اتاكد انه الشقه مو بايعها لواحد غيرك او يمكن تطلع مو شقته وبينصب عليك فديربالك ديرباااااااااااااااااااااالك وشوفلك محامي ثقه كنصيحه اخويه

وتحياتي لك

اهلا وسهلا اخي الفاضل الحر
وجزاك الله الف خير علي الرد الواضح والشفاف والحلو اللي مثل راعية :وردة::وردة:
اما بخصوص الشقة انا اكون معاكم صادق انا درست في مصر اربع سنوات وتحسفت اني ما شريت شقة او بمعني ما كانت الفكرة موجودة عندي حيث اخذ عقود سنوية وبسعر رخيص وطفسة
ولو اني مأخذ شقة بوقتها جان الحين طالعة علي ابلاش وابيعها دبل السعر ولكن قدر الله وما شاء فعل وهذا اللي الله كاتبة
وانا ابي ادرس بمصر واحتمال من اربع سنوات الي خمس سنوات والحين العقار طايح بمصر والسبب الاوضاع عندهم
وعسي الله يفك كربتهم
وبيني وبينك انا ارتاح حق القاهرة
او بمعني اموووووووووت علي القاهرة
واعشق مصر ولها عندي ذكريات الطفولة
ومشكور اخي المحترم
وبيض الله وجهك

 

[ابو عزوز العصفور]

ماكوا احسن من نصيحه العضو الي رد قبلي
اذا تبيها استثمار يمكن فكره حلوه خصوصا اذا فيه مؤشرات بهدوء الوضع عندهم اذا الفوضى تبي تستمر وهذا المتوقع انحش

اذا تبيها سياحه وتصيف انا عن نفسي سافرت مصر مره ومن عقبها حرمت اطب بلد عربي مره ثانيه غير السعوديه للعمره والحج ويمكن كلش كلش دول الخليج

اهلا وسهلا اخي اليعربي
والله ابيها حق دراسة
ولو ابي احسبها افلوس ايجارات علي اربع سنوات الي خمش سنوات تطلع حق شقة تمليك هيه هيه
ولكن التملك افضل واحسن واوفر وتطلع علي ابلاش من سكن ومن افلوس الشقة
وشكرا اخي الفاضل اليعربي

 

[ام الخير100]

عندي فكرة احسن لك توجد قطعه ارض للبيع بمصر قريبه من مصر الجديده اشترها 500 متر وتقدر تبنيها شقق لك وللحبايب للاستفسار عالخاص

 

[كعضول]

السلام عليكم

نصيحه لك قبل كل شي خلك مرتبط بمحامي و كل اجراءاتك تكون لك فيها سند
ترا النصب أيام الثورة شغال و الكل متخوف من التملك هناك

لو تنطر شوي على ما تهدا الظروف هناك و تستقر تكون احسن لان لالحين الوضع متذبذب
عشان تتضح لك صورة التملك اكثر ان كانت لها فائدة او العكس من قانونية لحفظ حقك سعر و ايراد لك و لآخره

 

[ابو عزوز العصفور]

عندي فكرة احسن لك توجد قطعه ارض للبيع بمصر قريبه من مصر الجديده اشترها 500 متر وتقدر تبنيها شقق لك وللحبايب للاستفسار عالخاص

هلا اختي الفاضلة ام الخير وان شالله دايم اتكونين ابخير يا ام الخير


اما بخصوص النصيحة الارض الفضاء واني ابنيها تبي وقت وانا والله مو فاضي اقابل
وشيبانا ايقولون حلال اتودعه بيعة
وخلينا علي الشقة واجد افضل من العمارة وغثاها من بنيان وامقابل واهناك يومهم عن سنة والنصب يأكلوني من الشق لي الشق
واما اني ابني حق الحبايب انا عندي الحبايب وست الحبايب وشيخة الحبايب هي الوالدة اطال الله في عمرة
واما بخصوص الاستفار علي الخاص انا ما اكلم بنات علي الخاص امي اموصيتني وامقرصه اذوني
وشكرا اختي الفاضل علي الرد
وجزاج الله خير يام الخير

 

[ابو عزوز العصفور]

السلام عليكم

نصيحه لك قبل كل شي خلك مرتبط بمحامي و كل اجراءاتك تكون لك فيها سند
ترا النصب أيام الثورة شغال و الكل متخوف من التملك هناك

لو تنطر شوي على ما تهدا الظروف هناك و تستقر تكون احسن لان لالحين الوضع متذبذب
عشان تتضح لك صورة التملك اكثر ان كانت لها فائدة او العكس من قانونية لحفظ حقك سعر و ايراد لك و لآخره

جزاك الله خير يا عضؤنا الجديد والحين العقار نايم حيل ابمصر وفرصة للجميع ومن يبي الربح ولكن مو معني ذلك انك اتخليهم ينصبون عليك
لازم اخذ الحيطة والحذر
وجزاك الله خير

 

[ابو عزوز العصفور]

ابي رايكم يالنشاما

 

[ولد وايل]

ادخل على موقع ( عقارات مصر )

وشوف الاسعار واختار اللي تبيه ..

ونصيحه لك .. رتب أمورك كلها عن طريق " محامي سفارة دولة الكويت " علشان ترتاح وتضمن حقك ..

شغل المحامين هناك .. مشي حالك .. وديربالك ..

وتحياتي لك وعسى الله يوفقك

:وردة: ​