الأخ نيو حياك الله ...... ممكن أعرف شنو تقصد في كلمة ارتباك ؟؟؟؟ تدري إني بأرد عليك ... لكن عادي ترى احترم وجهة نظرك ... والرد منطقي وعقلاني ... حتى لو إنت رئيس دولة ومتعين يديد وعطوك مكرفون عشان تكلم الرعية ... لابد ما تكون عندك لو نسبة ضئيلة رهبة من المكروفون .... وحتى يصير مع المذيع اليديد اللي أساسا هذي شغلته ... ترى الانسان الطبيعي لازم تشوفه طبيعي في المواقف اللي يتعرض لها أي شخص في مثل ظرفه ... لكن لا تبالغ .. كان طلال الغانم رغم ظهوره الأول في الندوة انسان متحدث لبق ... مراعي آداب الحوار ... عنده جرأة في اطروحاته وأفكاره ... تسجيل الندوة موجود على الموقع الرسمي لطلال الغانم تقدر ترجع للرابط وتسمعها مرة ثانية ....
www.tatalalghanim.net
يا أخ نيو ... ميزان التفاضل بين الناس واسع وفيه معايير كثيرة ، ويرجع إلى نظرتك له من أي زاوية ... كل شخص عنده طموحات وينظر من وحي طموحاته .. أغلب الناس يبون التغيير ، وطلال شاب ناضج وعنده خبرة وعلم وطموحاته مثل الطموحات اللي تدور بأغلب أذهان عيال الديرة ، وده يوصلها لأرض الواقع ... ويشوف الكويت سباقة في كل شي وترجع مكانتها المرموقة مثل أول .. إذا بتدور على انسان متحدث وخطيب مفوه ، ترى شبعنا خطباء في المجالس السابقة .. فن الحديث ممكن تتعلمه .. لكن الأهم فنون التطبيق ... فنون الأفعال ... ياليت ندور على انجازات الناس اللي قاعدين نسمعها ...
اليوم كانت ندوة النساء ، ماشاءالله بومبارك أبدع في أطروحاته "لله الحمد" وكان من أروع ما يكون في الردود العقلانية على أسئلة خواته النساء ... وما تحيز مع فئة ضد أخرى ، ولكن دائما كان عاقل في ردوده ، وعطى حلول ترضي جميع الأطراف ... وفعلا هذا اللي محتاجينه في المجلس ... نحتاج طموحاتنا تتحقق بحوارات راقية وعقول خبيرة وقلوب مليئة بحب الكويت 100% ....
أتمنى نشوفك يا أخ نيو في الندو الختامية للرجال والنساء يوم 11/5/2008 (الأحد) وأكيد راح يعجبك الحوار .... لأنك هالمرة راح تستشف الأفعال والجوهر من الحوار ، وأكيد ماراح تهمك الكلمات المنمقة ...