مسلسل كويتي

الرحال

عضو بلاتيني
:D

من باب شر البلية ما يضحك والشكوى لله ولنلطف الأجواء قليلا

أقول وبلاتعميم طبعا :

يتكون المسلسل الكويتي ممايلي :

****ممثلة طول المسلسل حاطة مكياج بالكيلو قاعدة وقايمة وهي حاطته ليل ونهار--- أجل فيه وحدة تقوم من نومها حاطة مكياج كامل !!:eek:

***ممثل طول المسلسل من الحلقة الأولى للأخيرة كله يهاوش ويصايح على كل شيء ولأجل كل شيء وعلى أمه وأبوه وعلى الخدامة وعلى ربعه :mad:---الخ يعني ما يخلص المسلسل إلا يبيله عملية لوز!!

***الممثلين بالمسلسل كله يستعملون النقال زين أنتم في البيت وعندكم الأرضي ليش تتكلمون بالنقال ؟!!

***ممثلة يمكن صكت الخمسين :eek: وشادة بشرتها ومتفخة خدودها ومطولة رموشها وتمثل دور الحبيبة التي يتصارع عليها أبطال المسلسل والأبو يحبها وولده يحبها ومديرها في العمل يحبها واللي شافته عند الجمعية عشقها واللي دعمها يعجب فيها ويغازلها:وردة:!!!!!

***ممثلة كله تبجي ليل ونهار:باكي: وحياتها محطمة ومأساوية ومحد يرحمها وكله يكفخونها ويصكونها طراقات ويشدون شعرها من أول حلقة لآخر حلقة وكل لقطة لها ماسكة منديل وتقول اهى اهي اهي :باكي:وتمسح خشمها موعينها !! شوي شوي علشان مايخرب المكياج !

***شاب خبل ومايع ويفشل ودايما مع خواته وما يعرف يقول كلمتين على بعض:confused: وما ينادونه إلا يا حمود وإلايا فهود وإلا ياعبود وهو يبي يدش الثلاثين وكله يبي يطلع مع ربعه !

***كل مشاكل المسلسل والممثلين تنحل بالحلقة الأخيرة أم نص ساعة فالمجرم يموت والغائب يعود والأحباب يتزوجون والشرطة يكشفون اللغزاللي طول الحلقات ما اكتشفوه لكن سبحان الله اكتشفوه في الحلقة الأخيرة –سبحان الله !
ترى كل هذا في الحلقة الأخيرة أم نص ساعة!!

مسرح كويتي :

****يا الطنطل يالخال يالزرافة يالبطة يالجيكر!!!:) بسم الله الرحمن الرحيم ما امدانا ----وين داش هووشة !! لا عفوا مسرحية هادفة!!

****أغاني وموالات عراقية ودق مرواس !

****ايحاءات جنسية :eek:وبعدها نصائح دينية ووطنية:eek: وكلنا نحب الكويت !!!

****المسرحية ساعتين لكن قابلة للتمديد مع السوالف والخروج عن النص تصير 4 ساعات !



الديكور :

****البيت فخم جداجدا ثلاث أرباع الكويتيين مايسكنونه والله يمكن مافي غيرهالبيت يصورون فيه خوش واقعية!! مافي عايلة فقيرة أومتوسطة في الكويت --- تعالوا صوروا عندنا في الجهراء وإلا الفردوس أو العارضية – تبون تشوفون جو غيرغير :)

****الدرج طويل طويل من 40 درجة ولاف ووسط الصالة والدور الثاني يكشف الأول ومافي خصوصية

السايق كشخة ولابس كرفتة :)واسمه بعد راجووحتى هو بعد يزف مومثل سواويقنا هذولا نعرفهم من أشكالهم والخدامة كشخة ونظيفة :Dولازم اسمها في المسلسل ميري يعني كيري ما يصير وإلا يخرب المسلسل و تلبس شسمه هذا لبس المطبخ اللي ما عمري شفت خداماتنا طول عمري يلبسنه وتكلم انجليزي وهي بعد مثلهم تعصب وتلبس قصير:) هذي لو بمناطقنا كان----:)
ودايما بيدها مخمة يعني تشتغل خدامة !!


 

سايروس

عضو بلاتيني
شكلك مغثوث من المسلسلات الكويتية :)
غير الموجه على مسلسلات خليجية وعربية واجنبية
بس عموما كل اللي قلتة صحيح ولا غبار علية
بس عندك الحل؟
 

لاتستغرب أخي المحترم

الرحــاّل

لم نعهد من هذا الوسط السيء إلا كــل شــر
وســوء

والمصيبة من يشوّه صورة مجتمعنا هم من الغربااااء

إيرانيين ومصريين وووووووو

الله المستعاااان

لكن بجد أضجكتني ملاحظاتــك
وشر البليّة ما يضحــك
 

نجلآء

عضو ذهبي
المؤسف انهم بضحالتهم وسخافتهم يعكسون عن الخليج صوره سلبيه جداً

يطلع لك الممثل يا اما اهبل يا اما يخون او يهرب مخدرات ، طبعاً غير انه يصبح زوجته بطراق ويمسيها بالعقال

خير ياطير ؟ ماعمري شفت مسلسل يخلو من هالاشياء

والممثلات يفشلن وكان الخليجيات كذا قرويات !!!

انا ماذبحني غير مسلسل ينعرض بأم بي سي بطولة وتأليف المسخره ( المسلم ) شي يفشل لا تمثيل ولاسيناريو انا

احياناً احطها عشان اتفرج علئ كمية الانحطاط والسماجه الي فيه :D

براڤو عليك يا الرحال جبتها ع الجرح ! فاقعين مرارتي من زمان​
 

engineer-5

عضو بلاتيني
لن نرتقي بمسلسلاتنا واعلامنا في ظل وجود تمسك بعض قيادات الاعلام في كراسيهم وانتهت صلاحيتهم الابداعية والانتاجية والتفكيرية!!!
د
 
أعلى