القروض سوف تسقط عاجلا ام اجلا

bujassim

عضو مميز
أحمد الجار الله كلامه نقلا من حسابه بالتويتر:

@Ahmadaljaralah

ahmadaljaralh.jpg

اصحاب القروض لن يتركوا ضحيه المتاجره بهم من قبل تجار الانتخابات ونواب التهم المعلبه لن افصح. عن معلومات مهمه الان



كلنا نعرف مصادر الاستاذ احمد الجار الله

ولكن ننتظر الاخبار ولله اعلم :confused:
 

36rgoogle

عضو ذهبي
يالله ياكريم
تسقط القروض عن الشعب
البلد بخير ونعمه اذا ماأنتعش الاقتصاد الحينـ متي ينتعش !
مشكور ع هالخبر
الظاهر عروقه بالمايـ

 

بو دايخ

عضو جديد
الوضع صعب

يا جماعة انا مقترض خذيت الحد الاقصى 70 الف

والله نصهم شغلتهم في البورصه والنص الثاني عطيته الوالد لتسديد دين عليه.

فلوس البورصه خسرتهم , والحين 40 بالميه من الراتب رايح والمشكله العيال كبروا وطلباتهم زادت انا مصروفي الشخصي كله شهريا ما يتعدى 60 دينار بدون مبالغه ترى حاسب مكالمات التلفون بس علشان تعرفون اشكثر اني مو من اللي يلعب بفلوسه وبافي المعاش على البيت والعيال وقبل نهاية الشهر باسبوع اذا عندي 20 دينار يكون وضعي زين, وللعلم معاشي فوق الالف بس والله الاقساط مو مخليتني اعيش نفس هالبشر.


لا انا من اهل الكشخه ولا انا من اللي يغير سيارته كل سنه شغلي كله بالمعقول ولا انا من اللي يسافر كل سنه.

قمت امشي واحاجي عمري.

ادري ان اللي كتبته يعني صعب الواحد يكتبه لكن شسوي الشكوى لله.


عموما ما اعتقد ان في رغبه لاسقاط القروض لان الموضوع اصبح اكبر مننا احنا اللي ضايعيين ,


الله يذكره بالخير الشيخ ناصر صباح الاحمد حاول في هالمواضيع كثير لكن ما قدر الشكوى لله.
 

حسين

عضو ذهبي
الكلام والقرار عند أبوناصر

وأبوناصر خير وبركة على الشعب


أبشروا بالخير:إستحسان:
 

غير

عضو
ان شاءالله ما يسقطونها عن الي ماخذ قرض ربوي وهو يعلم ان الربا حرام

الا اذا تاب
 

ZR-1

عضو فعال
يعني نتوكل على الله وناخذ ال ٤٠٪ من الراتب ،،
لكن مو يوهقنا مثل ماوهق بورمية الشباب ،،
 

قلم شريف

عضو بلاتيني
المفروض الحكمومه تقوم بالمبادره وتسقط القروض على الاقل اذا مو كل القرض نص القرض يسقطونه
والعجيب ان الصندوق الكويتي لتنمية هذا اللى مثل ما يقولون صاير عين عذاري ! يسقي البعيد ويخلي القريب
الى متى يا صندوق الكويتي توزع الملايين على الدول الصديقه والغير صديقه
يا صندوق التنمية لا تصير بخيل على شعب الكويت وعطهم من الهملايين اللى مو عارف وين توديها !
شوف الشيخ سالم العلي الله يطول بعمره كل سنه يقدم منحه للشعب الكويتي العام موزع 100 مليون وهالسنه 60 مليون !!!
وانت يا صندوق المبيت بخيل وحزه على شعب الكويت !
لا حياة لمن تنادي
 
يا جماعة انا مقترض خذيت الحد الاقصى 70 الف

والله نصهم شغلتهم في البورصه والنص الثاني عطيته الوالد لتسديد دين عليه.

فلوس البورصه خسرتهم , والحين 40 بالميه من الراتب رايح والمشكله العيال كبروا وطلباتهم زادت انا مصروفي الشخصي كله شهريا ما يتعدى 60 دينار بدون مبالغه ترى حاسب مكالمات التلفون بس علشان تعرفون اشكثر اني مو من اللي يلعب بفلوسه وبافي المعاش على البيت والعيال وقبل نهاية الشهر باسبوع اذا عندي 20 دينار يكون وضعي زين, وللعلم معاشي فوق الالف بس والله الاقساط مو مخليتني اعيش نفس هالبشر.


لا انا من اهل الكشخه ولا انا من اللي يغير سيارته كل سنه شغلي كله بالمعقول ولا انا من اللي يسافر كل سنه.

قمت امشي واحاجي عمري.

ادري ان اللي كتبته يعني صعب الواحد يكتبه لكن شسوي الشكوى لله.


عموما ما اعتقد ان في رغبه لاسقاط القروض لان الموضوع اصبح اكبر مننا احنا اللي ضايعيين ,


الله يذكره بالخير الشيخ ناصر صباح الاحمد حاول في هالمواضيع كثير لكن ما قدر الشكوى لله.

الله يعينك نعاني ماتعاني منه وفوف قرض البنك سيارات أقساط وتم بيعها نقدا وبكمبيالات

وخسرناهم بالأسهم الله المستعان والراتب مايكفي وعسى ربي يفرجها وتطيح كل القروض

وياليت البنك الوطني يصير اسلامي ويقول طايحه القروض وبيصير اسلامي بالتورق فقط..
 

عقرب كويتي

عضو جديد
للأسف الشديد...هذا مستوى الذي وصلنا إليه هناك شعوب (اليابانيون و الصينيون) يعانون من مشكلة " الأدمان على العمل " والعمل ساعات اضافيه أكثر مما هو مطلوب منهم , ومدراء المصانع "متوهقين معاهم" يبونهم يفشون عن الشغل شوي ....:D

وربعنا طايحيله قعده بالدواوين وفر على الهقنوات وحش بخلق الله لأذان الفجر , وشوف وقت الدوام -هذا إذا دوام بالأصل-ماد بوزه 4,5 امتار ماله خلقك ..أنت يالمراجع ويقولك راجعنا باجر ولا أوراقك ضايعه .....وفوق شينه وقوات عينه .........................................يبي من الحكومه تطيحله القروض إلي عليه (( مقترض يتاجر أو الأصح يلعب قمار بالبورصه وشوفه 24 ساعه متربع ومترزز بالبورصه - طبعا هذا قبل ماتنهار البورصه - ومايدري عن دوامه خير شر " يا أخي حلل راتبك شوي ", ولا شوفه طاقله مرسيدس ب35 ألف وهو ماعنده ربع دينار يترس بنزين ...!! ولا بترول جديد من البابطين ولا مقترض يحق يقضي اجازة الصيف في ربوع إلمانيا والنمسا عند زلمسي هو العائله الكريه وهو حافي منتف )) وبعدها اشوفه متحلطم ويلعن سلسفين الحكومه إلى ماتطيح القروض عنه ....وكل حجته (( يبا أحنا بالكويت عايشين بنعمه وخير ولازم نتمتع .....!!)) ولما تقوله ياحجي وشنهو خليت حق اجيالك القادمه ........ يقوم يشغلك اسطونة (((( فلوس الكويت وزعوها بره يمين وشمال , وباقوا الأستثمارات والناقلات و وصندوق التنميه والفساد .....ألخ ))...وأخر شي يبي (يكبر المخده ويحط راسه وينام ويبي يجيه معاشه واسقاط قرضه لعند راسه ......... وهم بعد موراضي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بالله عليكم هذا شعب .....

والله أني متوقع لهذا الشعب العجيب نهاية نفس نهاية ...........................................الديناصورات .

بس تعرفون شلون انقرضت الديوناصورات ...يالربع

وهيك شعب..... بدو هيك حكومه


والله أني خايف عليك ياكويت ...من هكذا شعب وهكذا حكومه

وماأدري شنهو راح تسوي فينا الأيام إذا استمر الحال هكذا..

الله الحافظ......الله الحافظ استر يارب

اتعظوا ياناس..لاحول ولاقوة إلا بالله
 

master-70

عضو جديد
ان شاءالله ما يسقطونها عن الي ماخذ قرض ربوي وهو يعلم ان الربا حرام

الا اذا تاب

وليش ماتدعي علي الي سمح بالربا واجازه
بس حيلكم علي الفقير والي ظروفه حدته
ولا ابوي مايقدر الا علي امي
 
أعلى