سؤال وجواب ارجو الدخول ضروري

السلام عليكم يا شباب

يا شباب انا كنت مؤجر سيارة وصادتني كمرتين اشارة حمراء وكامرة 140 ومخالفة صفطت بمكان المعاقين ماكو مكان كان زحمة :eek:

هالحين السؤال شلون ابعرف كم مخالفاتي كم المبلغ انا حالياً برى الكويت ونسيت من اي مكتب اجرت السيارة يعني ما عندي لا اللوحة السيارة ولا الرقم حقها ما عندي غير الليسن شسوي شلون بعرف كم علي مخالفات عن طريق الانترنت وشكراً
 

مساعد الشويب

عضو بلاتيني
علي حسب المكتب الي انت مأجر منه

يمكن حطو المخالفات بسم شخص ثاني

او تحملها المكتب او انه الي الان مابيم سياراته بالمرور

اعتقد نازله نازله عليك




وهذا رابط مخالفات المرور

حط رقمك المدني

وعيييييييييش



http://eservices2.moi.gov.kw/2010/M...Services.nsf/ViolPlateNum?OpenForm&AutoFramed
 

Q8 1

عضو مميز
لاتحاتى المكاتب حقهم مضمون
المخالفات راح تنزل على بيانات اليسن حقك حتى لو ماعندك سياره
اتفاق بينهم وبين المرور
مايروح لهم شى اصبر وشوف متى راح تنزل بأسمك حتى لورجعت السياره وتأجرت لغيرك
يرجعون لتاريخ المخالفه ويخاطبون المرور ويرسلون عقدك مع صورة اليسن ويحطونهم عليك
وحط فبالك انها ممكن تتأخر سنتين بس بتالى ترجع لك

وسلامتك وتعيش
 
مكان المعاقين 10 والكاميرا علي حسب سرعتك وبالنسبه اذا سيارتك اجار تنطر المكتب لمه يبيم السياره الي كنت فيها وراح تنزل عليك المخالفه بعد مايبيمها او انك تقدر تروح اي مرور وتدفع هناك تعطيهم الليسن لانه نزلت باسمك المخالفه وتدفع وتخلص
 

الديفي

عضو بلاتيني
مكان المعاقين هذي سهالات 10 دنانير بس
انا وففت بالخطأ غير متعمد بموقف معاقين بالمطار وتخالفت ودفعت بالنت عادي بس هني القراء زعلو وشاشو علي عبالهم واقف متعمد مثلك

ومخالفات الكامره هذي بخدمة المواطن
بس اذا طايف الحمرا وانتا طاير هني المشكله.. يسوون Lock ولازم تروح مرور العاصمه
صارت فيني مره وتبهدلت​
 

Mr Dior

Banned
لاتحاتى المكاتب حقهم مضمون
المخالفات راح تنزل على بيانات اليسن حقك حتى لو ماعندك سياره
اتفاق بينهم وبين المرور
مايروح لهم شى اصبر وشوف متى راح تنزل بأسمك حتى لورجعت السياره وتأجرت لغيرك
يرجعون لتاريخ المخالفه ويخاطبون المرور ويرسلون عقدك مع صورة اليسن ويحطونهم عليك
وحط فبالك انها ممكن تتأخر سنتين بس بتالى ترجع لك

وسلامتك وتعيش

كلامك 100٪ بكوني اعمل في نطاق هذه الاداره ..
ولكن هناك شرط اساسي حتى يتم نقل المخالفه الى المستأجر وهي ان يكون المكتب دافع التأمين للمرور والا راحت على المكتب وهو من يتحملها .. وشكرا :وردة:
 
أعلى