سؤال وجواب هل ممكن اكون مقاول نفسي

عزيز وغالي

عضو بلاتيني
بفضل الله كانت لي تجارب سابقه بالاعتماد علي نفسي
كمقاول لبناء شقه ببيتي
والسبب اني سبق بنيت ملحق ودوخني المقاول ودفعني فوق الاتفاق غصبا عني
والسبب انه توقف عن الشغل وقال ما فيه فلوس
انا هني امام خيارين اما اضربه والعن سلسبيله او ارضخ وادفع واكمل شغلي
فأضطريت لتكميل شغلي بنفسي رغم ان خبرتي قليله
اما ببناء الشقه كانت عندي خلفيه كبيره ومعرفه بكثير من الامور

والان عندي كبيره بهدم البيت وبناءه من جديد 3 ادوار
وكل تفكيري وتخوفي اطيح بمقاول يمرمرني وانا اخلاقي ضيقه ما اتحمل

فشنو رايكم هل التجربه مجديه مع الخبره المقبوله
وشنو الفرق بين صاحب البيت يقوزم بكل الاعمال وبين المقاول
وما هو دور المكتب الهندسي هنا ؟
وشكرا لكم
 

غيث

عضو مخضرم
المكتب الهندسي هو المشرف على المقاول وتصميم +عمدان وجسور وفرش السقف
اما انك تبي تجرب تكون مقاول نفسك شو فيها دوخه وفيها مخاطر اذا ما اشرف عليك مهندس بنفسه
ومشكلتك مع المقاول والله الحين اعاني من مقاول جنني كل يومين موقف الشغل
فيه حل حلو ومريح انك تمسك البنيان شركة وتريح تعامل الشركات افضل مليون مره من المقاول
الله يوفقك واذا بديت شغلك عطني خبر ادزلك مهندس يوقف وياك
والله يعينك على الدوخه موفق خير ان شاءالله
 

Meridian

عضو ذهبي
تبي تصيد المقاول..
اتفق معاه على الأسود.. وبعد ما يخلص مسكه الباب واستلم انت الشغل.
الشدة المصرية المتر 55 والسورية 50

أنا شخصيا سويت هذه الطريقة بعد ما عشمت المقاول إذا خلص الأسود والأساس وعجبني شغله بمكن أكمل معاه للأخر، وأول ما خلص شغله طبعا بعد تأخير أكثر من شهر عن موعد الانتهاء من الأسود كنت مجهز عمال البتاء والمساح والزوايا وفرق عمل الصحي والكهربائي والصبغ والمعجون وعقود مساح السيجما وعقد التكييف والأبواب والألمنيوم والديكور والأرضيات وفضبته الباب

شخصيا فرقت معاي 18 ألف دينار توفير لأني قمت بباقي العمل بنفسي غير أن جودت العمل لأنك مسوي كل شي بنفسك
والعمال كل اللي يحتاجونه إنك توفر لهم المواد واللي باليومية حاسبه كل اسبوع واللي بعقد تعطيه دفعاته على نسبة الإنجاز

حاليا واصل مرحلة تركيب الديكور والأرضيات
حط في بالك بان المقاول يسغل بتسعيرته ما بيت 30-40% خصوصا إذا شافك غشيم ومالك خلق تشتغل واتابع

طبعا نسيت أوضح لك بأني مهندس بترول. وهي مهنة بعيدة عن هندسة البناء لكن مجرد أن العمال يعرفون إنك مهندس يخافون لأنهم يعتقدون إنك تراقبهم وراح تكشف أخطائهم فتلقى الشغل يمشي بروحه دون الحاجة لمراقب بناء.. طبعا هذا بالنسبة لي وليست قاعدة

بس نفسيا وبدنيا وذهنيا تعبت وارهقت.. خصوصا إن ما عندي أحد يساعدني ولازم أسوي كل شي بروحي
ولأني بدأت بناء من آخر شهر ديسمبر من العام اللي فات
بالنسبة للمكتب الهندسي.. دوره فقط رخص لي القسيمة من البلدية واستلم 300 دينار بعدها هذا وجه الضيف لأته يطلب على كل كشف لاحق لمراحل البناء 50 دينار وشخصيا ما احتجت له فانقطع الاتصال بيني وبينه بعد ما استلمت المخطط والترخيص

طبعا ما أنسى فضل منتدى المهندس الكويتي لأن المواضيع الموجودة فيه فادتني بكل خطوة حتى بإعداد عقود المقاولة والمواد

 

عزيز وغالي

عضو بلاتيني
بارك الله فيك اخ غيث وشكرا لعرضك الجميل
واحطه علي راسي
وحبيت اوضح لك شغله حتي وان حطيت مقاول انا من النوع الي يتابع كل كبيره وصغيره
يعني احاتي الشغل وافكر فيه واتابع
بالنسبه للشركات شغلهم مو مضمون فيهم لعب وتحايل وقليل منهم الصادق
ومشكلتهم يزيدون عليك السعر اكثر من المقاول العادي
ويحسبون عليك كل كبيره وصغيره لانهم شركه
بالنهايه شغلهم واحد وعمالهم من الرصيف والنتيجه وحده

علي راسي غيث
 

جواهر*

مشرفة
طاقم الإشراف
مساك الله بالخير اخوي عزيز وغالي


شغلة حلوة تبني بيتك بنفسك وعسى الله يعطيك الصحة والعافية ويقويك



دامك حاب الشغل وافضل شيء تكون متواجد مع المقاولين والعمال انت تشتغل معهم و عشان الشغل يكون تحت نظرك والعمال وتشرف عليهم

والعمال بهالحالة يشتغلون بضمير وهمة



والله يبارك لك في بيتك واهل بيتك
 

عزيز وغالي

عضو بلاتيني
تبي تصيد المقاول..
اتفق معاه على الأسود.. وبعد ما يخلص مسكه الباب واستلم انت الشغل.
الشدة المصرية المتر 55 والسورية 50

أنا شخصيا سويت هذه الطريقة بعد ما عشمت المقاول إذا خلص الأسود والأساس وعجبني شغله بمكن أكمل معاه للأخر، وأول ما خلص شغله طبعا بعد تأخير أكثر من شهر عن موعد الانتهاء من الأسود كنت مجهز عمال البتاء والمساح والزوايا وفرق عمل الصحي والكهربائي والصبغ والمعجون وعقود مساح السيجما وعقد التكييف والأبواب والألمنيوم والديكور والأرضيات وفضبته الباب

شخصيا فرقت معاي 18 ألف دينار توفير لأني قمت بباقي العمل بنفسي غير أن جودت العمل لأنك مسوي كل شي بنفسك
والعمال كل اللي يحتاجونه إنك توفر لهم المواد واللي باليومية حاسبه كل اسبوع واللي بعقد تعطيه دفعاته على نسبة الإنجاز

حاليا واصل مرحلة تركيب الديكور والأرضيات
حط في بالك بان المقاول يسغل بتسعيرته ما بيت 30-40% خصوصا إذا شافك غشيم ومالك خلق تشتغل واتابع

طبعا نسيت أوضح لك بأني مهندس بترول. وهي مهنة بعيدة عن هندسة البناء لكن مجرد أن العمال يعرفون إنك مهندس يخافون لأنهم يعتقدون إنك تراقبهم وراح تكشف أخطائهم فتلقى الشغل يمشي بروحه دون الحاجة لمراقب بناء.. طبعا هذا بالنسبة لي وليست قاعدة

بس نفسيا وبدنيا وذهنيا تعبت وارهقت.. خصوصا إن ما عندي أحد يساعدني ولازم أسوي كل شي بروحي
ولأني بدأت بناء من آخر شهر ديسمبر من العام اللي فات
بالنسبة للمكتب الهندسي.. دوره فقط رخص لي القسيمة من البلدية واستلم 300 دينار بعدها هذا وجه الضيف لأته يطلب على كل كشف لاحق لمراحل البناء 50 دينار وشخصيا ما احتجت له فانقطع الاتصال بيني وبينه بعد ما استلمت المخطط والترخيص

طبعا ما أنسى فضل منتدى المهندس الكويتي لأن المواضيع الموجودة فيه فادتني بكل خطوة حتى بإعداد عقود المقاولة والمواد



اولا اهلا وسهلا يا باش مهندس
واغلب المقاولين صاروا عارفين هالخطه تسوي الاسود وتقوله مع السلامه
بالنسبه للغشامه من كثر ما تعاملت معهم صرت اعلمهم ادق التفاصيل بعملهم
واوجههم للصح
ولكن تبقي الخبره والاستمراريه بالعمل تخليك تلافي اخطاء كثيره

شكرا لك من القلب اخوي الكريم مريديان
 

عزيز وغالي

عضو بلاتيني
مساك الله بالخير اخوي عزيز وغالي


شغلة حلوة تبني بيتك بنفسك وعسى الله يعطيك الصحة والعافية ويقويك



دامك حاب الشغل وافضل شيء تكون متواجد مع المقاولين والعمال انت تشتغل معهم و عشان الشغل يكون تحت نظرك والعمال وتشرف عليهم

والعمال بهالحالة يشتغلون بضمير وهمة



والله يبارك لك في بيتك واهل بيتك

يا هلا وسهلا باختي الكريمه صاحبة اجمل نك فوضت امري لله
وكلامج اعطاني دفعة معنويه عاليه
ودعواتج اختي الكريمه

عزيزة وغاليه
 

تأبط خيرا

عضو مميز

أولا

الشركات لا تفكر فيها

لأن الشركات نوعين .. شركات كبيرة وشركات صغيرة
الشركات الكبيرة تكلفك مبالغ طائلة ويمكن ماتاخذ بيتك لأنه ما يوفي معاها

أما الشركات الصغيرة غالبا تصير فيها مشاكل وتطيح براس صاحب القسيمة

أفضل شئ إنك تبني أسود مع مقاول ثم تكمل التشطيبات بنفسك

ولا تنسي بذل الاسباب من الدعاء و الصدقة

بالتوفيق و ألف مبروك مقدما والله يجعله منزل مبارك


 

عزيز وغالي

عضو بلاتيني

أولا

الشركات لا تفكر فيها

لأن الشركات نوعين .. شركات كبيرة وشركات صغيرة
الشركات الكبيرة تكلفك مبالغ طائلة ويمكن ماتاخذ بيتك لأنه ما يوفي معاها

أما الشركات الصغيرة غالبا تصير فيها مشاكل وتطيح براس صاحب القسيمة

أفضل شئ إنك تبني أسود مع مقاول ثم تكمل التشطيبات بنفسك

ولا تنسي بذل الاسباب من الدعاء و الصدقة

بالتوفيق و ألف مبروك مقدما والله يجعله منزل مبارك



والله انك صادق بكل كلمه
والله يجزاك خير للدعوه الطيبه
 

عزيز وغالي

عضو بلاتيني
المقاولين نصابين الا من رحم الله منهم


الله لا يوفق المقاول اللي بنى لي الشقه لا دنيا ولا اخره


حسبي الله عليه

وهذا الي انا خايف منه
ينصب علي مثل اخونا
واقعد ادعي واتحلطم
لاني من فلوسي ولا من بيتي

الله يخلف عليك بالافضل
 

Aragon

عضو ذهبي
ما انصحك

شقة وملحق ماتتقارن ببيت تهدمه وتبنيه!

في الف شي وشي بهالموضوع ولو نسيت شغلة وحدة او خربطت فيها بتخرب على نفسك بيتك ومحد بياكلها غيرك

عط الخبز خبازه
 

عزيز وغالي

عضو بلاتيني
ما انصحك

شقة وملحق ماتتقارن ببيت تهدمه وتبنيه!

في الف شي وشي بهالموضوع ولو نسيت شغلة وحدة او خربطت فيها بتخرب على نفسك بيتك ومحد بياكلها غيرك

عط الخبز خبازه

علي راسي نصيحتك
وكلامك عين العقل
ويستحق التفكير بشكل عميق

عزيز وغالي
 

تأبط خيرا

عضو مميز
وهذا الي انا خايف منه
ينصب علي مثل اخونا
واقعد ادعي واتحلطم
لاني من فلوسي ولا من بيتي

الله يخلف عليك بالافضل


إذا خايف لها الدرجة من المقاول

خل العقد اللي بينك وبين المقاول علي شركة من طرفك

علشان إذا لعب بذيله المقاول طردته ببيزة

ولا يوقف بيتك علشان ورقة المخالصة

لكن تري المسؤولية راح تكون عليك .. فـ لابد انك تكون حريص

ولا تنسي ان تعطيه بالقطارة .. تري الفلوس تخربهم
 

خلك طبيعي

عضو بلاتيني
مبروك مبروك
عليك بالصبر راح يجيك نعب نفسي
اسأل من بنى اولا
ورهم المخطط
واهم شيء المخطط عند مهندس صح
ومكتب الشلاحي الاشهر والافضل في الكويت الفروانية
وديربالك من الغلطات التاريخيه في البناء
اهم شيء الهيكل يكون متين
بعدين الكهربائي شوف لك واحد فني له سمعه زينه
ومواد الصحي عند شركة العدواني بحولي او الشويخ هي الاجود والافضل
هذا اذا تبي شغل صح
 

عزيز وغالي

عضو بلاتيني
إذا خايف لها الدرجة من المقاول

خل العقد اللي بينك وبين المقاول علي شركة من طرفك

علشان إذا لعب بذيله المقاول طردته ببيزة

ولا يوقف بيتك علشان ورقة المخالصة

لكن تري المسؤولية راح تكون عليك .. فـ لابد انك تكون حريص

ولا تنسي ان تعطيه بالقطارة .. تري الفلوس تخربهم

يا هلا باخوي الحبيب
والله يا طويل العمر اسئل من جربهم ومرروا به
والله ان لعب بذيله الا يحلب منك فوق حقه
وتعطيه وانت ملزم تبي شغلك يخلص
او تقابل المحاكم وخلصني يا مخلص
لا انت من بيتك ولا انت من حلالك ولا انت مريح راسك
مشكور لرد والمتابعه
 

عزيز وغالي

عضو بلاتيني
مبروك مبروك
عليك بالصبر راح يجيك نعب نفسي
اسأل من بنى اولا
ورهم المخطط
واهم شيء المخطط عند مهندس صح
ومكتب الشلاحي الاشهر والافضل في الكويت الفروانية
وديربالك من الغلطات التاريخيه في البناء
اهم شيء الهيكل يكون متين
بعدين الكهربائي شوف لك واحد فني له سمعه زينه
ومواد الصحي عند شركة العدواني بحولي او الشويخ هي الاجود والافضل
هذا اذا تبي شغل صح

اخوي خلك طبيعي
انا بنياني هدام بيت قديم ومو كله
واذا علي التعب النفسي والارهاق والسهر والتفكير
خلها علي ربك سبق مريت فيها وشاب راسي منهم
والغلطات لابد منها
والمخطط اكيد لازم يكون باشراف مهندس متخصص
والصحي ولله الحمد عندي واحد فنان

وشكرا لك
 
أعلى