.... " رتم " ،،

Way one

عضو مخضرم
ردي الجدايل .. علميني الفلسفه
................ لعل من يعشقك يطلع فيلسوف ..
بعض العلوم يجر علم ويردفه
............ بالناس تلقى الشين وتقابل عطوف ..
ليتك يا أحلى من نساء الأغلفه
.............تمشين درب العشق مايمنعك خوف ..
عنيت لك من دون سابق معرفه
................... الله يامحلى مقادير الصدوف ..
ترى الهوى مافيه ثقل وتكلفه
........ احساس يستغرق مع احساس ن يطوف..
 

Way one

عضو مخضرم
ياحلو لون الكرز في شفتك
........................ انبهرت إبشفتك وألوانها ..
قال عاديه و تحلا ابنظرتك
........................ماتزود عن الحلا بأقرانها ..
قلت له المشكله في لذتك
......................... يانظر عيني و يانيشانها ..
لا لمحتك يامعدل قذلتك
..................... إستوت في خاطري اوزانها ..
الفرح في نظرتك في بسمتك
....................... دون الفرحه على حزنانها ..
 

Way one

عضو مخضرم
ياهادي الشك شتته اليقين
.................. وأقبل يقينك مع الشك إخشرا ..
بانت علامات وضاح الجبين
.................... بعض النظر بالصحايف ينقرا ..
مرسولها لايسار ولايمين
......................... إبدويه و إلا سكانة قرى ..
ترى الهوى ماتداريه السنين
................... إليا طرى في فوادك ماطرى ..
بعض العرب بالمحبه يستكين
...................... أليا تقدم يهاب امن الوري ..
 

Way one

عضو مخضرم
وابتدت وياك لحظات الأماني
..................... واللقاء يا آسري ماهو كثير ..
من ثمان سنين ماعنك دعاني
............ غير وقفه .. و إحتمالات .. و ضمير ..
إحتملنا الوضع و ظروف الزماني
.................. يمكن أحوال الزمن فينا تسير ..
مره أرجع ثم أقرر يا أسمراني
...................... وإلا أعود للتجافي بالأخير ..
و أتردد .. و أتجود .. بالأماني
.................. و كل عام ن وأنت ياخلي بخير ..
 

Way one

عضو مخضرم
مرت سنين
و ماتمر
راح العمر
وأبتديت أحسب نهاياته معاك
شاللي طرى ببالك
شاللي ردك
ياعتيق الجرح
و أحلام الشباب
ياوسيع العين
مطلوبك تأخر
والوصل أصبح سراب !
 

Way one

عضو مخضرم
في عينك الحزن بين و الهقاوي تقول
..................إنك من البارحه مانامت عيونك ..

ياصاحبي للمشاعر و الغرام أصول
.......... في ضحكتك بانت الفحوى من سنونك ..

قابلتني بإبتسام و حكيك المعسول
............. وترحيبك اللي ينومس من يمرونك ..

نظرتك ترسل على من ناظرك مرسول
.............. ان الحياه العريضه ضيق من دونك ..

وأنا معك رهن عينك و الزمان يطول
.............. والشاردات من الأشيا مايضرونك ..

تجاهل الأمر و ارتح و ازهل المجهول
............. واللي يمرون بس اهلين و شلونك ..

..
 

Way one

عضو مخضرم
التقينا
وانكسر غصن الشجر
وامتلا الخاطر . تباريح و سهر
واحلام حطمها القدر

وسنين عذبها السهر
كل شي كنت اتوقعه
بحر . ومراكب . واشرعه
واحيان
ماهي من شجون النفس
ولا غرام ن تردعه

التقينا
صدفه . إبليل النهار
حسيت كأني في عتمه
والنهار اهو النهار

كان السلام
وكانت اسئلة الزحام
ونظرات عين ترتشف
عمر مضى
و حب قضى

وش عذرنا من هالسنين ؟
اللي افرقت
واللي اجمعت
صحراء . و ربيع

سلام
ماكن العيون
اللي ارقبت
واللي ادمعت
واللي عشان احوالنا
حيل و بكت

هذي ورقة صبري
وتأثيرك علي
و هذي بقايا الجرح
وأحوال الفراق
وهذي نهاية رحله القادم
من سنين الزمان
ابشر
بفرقا و الأمان
وماكني شفتك
 

Way one

عضو مخضرم
غريبة الوصف والنظرات
........................... تبي تجي اليوم وإلا لا ..
ترى المطر ينهمر لا جات
.......................... وأحوالنا أحلى الأحوالا ..
وأنا أتسمع لها بإنصات
...................... و عن الهوى توصف الحالا ..
ومع الحوارات خذ و هات
..........................سوالف ن ماهن إطوالا ..
تهمل من اعيونها لذات
.......................... ليت البخت قام ما مالا ..
سوالف اعيونها الحلوات
........................ سوالف ن تشعل إشعالا ..
تشعل على خاطري بسكات
........................ و جهاز ن إمفول إرسالا ..
مدري هي تجاوب النيات
..................... و إلا الهوى الصعب ما زالا ..
عزي لبختي و درب ن فات
.......................و إحظوظ ن اتشد الإرحالا ..

..
 

Way one

عضو مخضرم
للبخت بكتب سواليف و مسايل
..................... و آتعوذ من متاهات البخت ..
يثقل الميزان والمكتوب مايل
.................... بالليالي لاخذت فوق و تحت ..
ما استفادت من كتابات الرسايل
................ القلوب اللي من الماضي صحت ..
يشفق الخفاق و عيوني تخايل
.................... والفحل ماضرها و لا إلقحت ..
مالقيت إمن العنا و الهم طايل
.................. إلا جرح ن له وسط قلبي نحت ..

..
 

Way one

عضو مخضرم
هذا جبينك أو تباشير الصباح
............... هذي عيونك و إلا منطوق الهوى ..

هذي الشفايف وإلا مشروب ن قراح
.................لا واهني اللي شربهن وإرتوى ..

شكل الجدايل فوق راسك كالوشاح
..................يامستفز العاشق اللي ما قوى ..

..
 

Way one

عضو مخضرم
بالمحبه حاولي تدورين غيري
...................... وإتسلين بسواليف المحبه ..
فح قلبي ماهو قاوي للمسيري
...................... الفؤاد المنكسر مافاد طبه ..
كيف يسمح لك على الحب الضميري
................ وأنت تدري بفارق العمر و تحبه ..
أنت توك ف أول العمر و صغيري
............... الحلا بك والهوى اللي ينطرب به ..
النصيب اللي انقسم لك مايطيري
....................... للبنادم كافل الأرزاق ربه ..
عندنا و عندك إمن الأشواق خيري
................. إنتبه ، بداية القبات " حبه " ..

..
 

Way one

عضو مخضرم
أهواك وعني أنت ماتدري
......................... عزي لمن كنت في باله ..
مهموم ن و ضايق ن صدري
.................... يامصعب العشق .. و أحواله ..
 

Way one

عضو مخضرم
طولت عني و أنا مشتاق
........................... أنا أشهد إني تباطيتك ..
متمكنه فيني .. الأشواق
........................ ليتك تمر الحشا . . ليتك ..
 

Way one

عضو مخضرم
عسى نلتقي بك يابعدنا
..................... نشوفك على خير و سعاده ..
ترى في ملاقاتك سعدنا
.................... نحوز البخت . . و الإستفاده ..
 

Way one

عضو مخضرم
كبرت صح بس بعيوني صغرتي
............. بعيوني مازلتي بخمسه و عشرين ..
حسنك يزيد وما كأنك كبرتي
.....................ولا كأنك فوق سن الأربعين ..
 

Way one

عضو مخضرم
عسى الغلا اللي بينته الجماله
............. يبقى وأنا اللي حافظه وسط عيني ..
وأنا أحسب إن العشق سهل مناله
............... وأشواق ومواصل و خل ن يبيني ..
حالته حاله والحشا فيه حاله
......................وأنا معاه أزريت بالحالتيني ..
ياحلو بسماته ومحلى جداله
................ وعيون ن تناظر و طبع ن يليني ..
يشد كني قطعة ن من حلاله
..................متعود ن من ماضيات السنيني ..
عسى دروب أهل الموده سهاله
.................والله يحفظه عن غثا الحاسديني ..
العشق ظالم في بلاط العداله
................ ولا كل من جاه يتفلسف رزيني ..

25 مارس 2017
 

Way one

عضو مخضرم
حسرات تنقلني مع الهم حسرات
.............. يالله عسى مافي المقابيل حسره ..
يالله بدرب ن به افراح و مسرات
................... بدل زمان الماضيات أبمسره ..
ياحي من يقطع معاك المسافات
.................. مايشكي الغربال في كل جره ..
ماهوب غامضني على كل مافات
.................. كود الذي ماحاشه العيب ذره ..
اللي تذوقت إبغرامه ملذات
................ أخذت في درب الهوى معه كره ..
عز الله إنه مخلص ن لي بوقفات
................. ماهو من اللي خيب الظن مره ..
الله يوسع خاطره في المهمات
.................. يلحقه توفيق الولي في مقره ..
ويلقى بمقبل دنيته كل وفقات
....................... الله يبعد عنه كل مايضره ..
 

Way one

عضو مخضرم
أنا وين
وأيام الهوى وين
والحلم بالليل
والصمت .. و الويل
وأفكار .. و تفاصيل
غرام .. و مواويل
وأغاني محبين
( دلال ومدللك .. غلا ومغليك ) !
أنا وين
وأهل الهوى وين ؟

الله .. الله
ياصدفة عمر
الله .. الله
يا عشق و سهر
وأيام و دهر .. لما تغيب
الله .. الله .. الله
وين أنت ناوي يالحبيب ؟
 

Way one

عضو مخضرم
لو إن العشق مايصلح بضاعه
............................. ومسافات العمر عني وعنك ..
أهيم وكني مزحوم إبجماعه
.............................. صنوف الهرج لامن سمعنك ..
عليك الله ماتميت ساعه
............................... تلعوزنا من اللي لعوزنك ..
أخاف إنك من الهم ارتجاعه
................................ و دقات الهوى مارجعنك ..
 

Way one

عضو مخضرم
اغلقت مابيني وبينه من الشوق
........................و رسمت دربن ماعليه إختلافي ..
عشان ما احاتي ولا القلب محروق
......................مادام طاف الخوف والأمر خافي ..
ياعزي للي ينطر اليوم مخلوق
........................ويصد يخشى اللايمات الخفافي..
تشوقني اعيونه وحجي ن على الذوق
.............................وطمان عينه لاتكلم خوافي ..
أشر علي و قال طيب و موثوق
......................وعلمني اعلومه قبل ل انصرافي ..

..
 
أعلى