.... " رتم " ،،

Way one

عضو مخضرم
لوي شديد و عزم قلبي أشده
....................... يجيني هم ن ما اكسرته الشواديد ..
لو بالتجاهل أرغمه والمصده
.............................يغلبني شوق ن للقا والمواعيد ..
طبع الغرام ان خالف القلب ضده
...............................مالينت قلب الغرام الضواديد ..
ويلي على اللي يعشق السمع رده
..................................إليا تلعثم بالعبارات و يعيد ..
وأرخى على الخاطر سواليف سده
..........................كنها على سمعي أغاني و أناشيد ..
اليوم غايب له عن الروح مده
.............................اليوم عني غايب ن سيد الغيد ..
اللي بهرني بالوفا والموده
.............................ياقربه إل نفسي ولو إنه إبعيد ..

..
 

Way one

عضو مخضرم
من بعيد
والعمر .. يجري للعيد
باقة من ازهار ... و مواعيد
و نظره .. و أشواق ..
و قلب ن له إشتاق
حاله من أحوال
ومضه من الحال
زفره .. و تنهيد

.. ..

تواعدنا
على موعد
تواعدنا
على طاولة شمال
أنا أسبقك .. و تعال
قابلني بالنظره
و كل ن و له .. عذره
لخطوات المنال
أرسل رساله
و أنتظر مني أرد
ترد لي بضحكه
و تأشر بفنجال
تسلم لي هالضحكه
و يسلم لي هالفنجال
والناس ..
كل ن على دربه
ولايدري
بمواعيد المحال !

.. .
 

Way one

عضو مخضرم
راحت ليالي عشرة اليسر واللين
هذا نصيب و هذا تصريف الأقدار ..

من قبل ماتقلب علينا الموازين
والقلب ماشي لك على سر وجهار..

نسبح غزير الماي والناس غافين
في ماقف ن مافيه حاسد و غدار ..

الله أكبر . . . ياليالي المحبين
ياليتها ترجع وتفرحنا الأخبار ..

الناس كلن له نصيب ن من الدين
والله غفور و رحمته مالها إطار ..


..
 

Way one

عضو مخضرم
مدري تدور صدفة ن تجمعك بي
و الإ المواجه كان عابر و صدفه ..

من أول النظرات لك فز قلبي
وحسيت بالجسم إرتباك ن ورجفه ..

ماكنت ياذرب الحجي معك سلبي
لاشك تحتاج الأحاسيس وقفه ..

لشوفتك أسعى وأجاهد وألبي
وأغالب أشواق ن بقلبي ولهفه ..


..
 

Way one

عضو مخضرم
البارحه للسهر و عيوني مرهونه
ياكثر مامرني من طاري ن فاتي ..

اقرا كتاب العمر و أنظر بمخزونه
و الليل طول وانا اقلب ملفاتي ..

أنشهد إن الليالي ماهي مامونه
وأنشهد اللي مضى ماظنتي ياتي ..

ماقمت أدقق على الماضي ومضمونه
عن بعض الأحداث ماودك تلفاتي ..

مع إنها جددت في قلبي طعونه
والنفس من عقبها عافت ملذاتي ..

اضحك واسولف و امشيها على الهونه
متكدر ن لكن اراجع حساباتي ..

الدنيا ماهيب موقفتن على اركونه
وما كل من قدر الوقفه و مداتي ..

عقارب الخلق مكروهه و ملعونه
مابين الطيب ولابانت سواياتي ..

ارفع و ارقى ولامثلي يجرونه
حفظت قدري وأعرف فياس وقفاتي ..

فوق النجوم اعتلي وفعلي يتمنونه
أنا الذي تعدل العوجا مساراتي ..
 

Way one

عضو مخضرم
إرحل عسى درب إرتحالك سهالات
عسى الدروب إمهده ياضنيني ..

عساها مستتره وكلها سلامات
عن شرهة العذال والشامتيني ..

قطعت معك إمن الموده مسارات
مسبرة الأشواق يا نور عيني ..

أنشهد إنك بالوفا والمهمات
جاوبتني وارخيت حبلك إسنيني ..

عزي لحالي لاتذكرت مافات
مع غالي بالحب أبيه ويبيني ..

الله ييسر لك دروب السهالات
يللي تمتعت بشبابك إسنيني ..

..
 

Way one

عضو مخضرم
غادرت تسحب نوايا الهجر و إستحقاقه
و فتحت في وجهنا باب البعاد البين ..

غادرت ماخلت إلا دمعة ن حراقه
والمشاعر لا تهادت .. والكلام اللين ..

مالنا عن ردة المقسوم والمكتوب طاقة
ولاني معصوم ن عن الفرقا ولاني معين ..

غادرت بس المواجع غفلة ن سراقة
لا اللقا صار إبيديني ولا الموادع هين ..


..
 

Way one

عضو مخضرم
المواقف تكشف الرجال واستيعابه
والرياح يبين خافيها مع اول هبه ..

الحيا محدود و المنه على الطلابه
من يدور سبة ن وياي يلقى سبه ..

يوم حرف الجر غير بالسياق إعرابه
والمضاف إليه عينه بالمضاف إتشبه ..

لاتناشبني بسؤال ن ماعليه اجابه
للبحر جزره و مدة والمدى والغبه ..

لا بلاك الله إبظل ن ماحسبت حسابه
غارق ن بالحلم ماينفع معاه إمنبه ..

غاليات المال ماتغلى على الرغابه
والمريض يناول علاجة و يلقى طبه ..

بعضهم تلعن أبو حظ الزمن لا جابه
أنشغل بقشورها عن مقتضات اللبه ..

إختصار القول يغني عن الإسهاب به
والرياح يبين خافيها مع اول هبه ..


..
 

Way one

عضو مخضرم
‏و كملها بما يلي :

( ظمآن .. والواقع .. سراب
تيه .. ومحطات .. و ألم .. ) لشاعر آخر
جمع أحاسيسه و غاب
ماحدد الوجهه . و لم !
يمطر على القاع السحاب
بعثر كلامه .. و إنكتم ..
تاهت مسافات الجواب
عذر الهواجيس . الوهم !

..
 

Way one

عضو مخضرم
‏بهذلتنا المشاعر في نهار الربوع
في مناظر دموع من عيون وساع ..

تستغيث وتبادر وإتحاشى الرجوع
آه يا حالة العاشق في يوم الوداع ..

..
 

Way one

عضو مخضرم
لا باس ياخاطري .. و إلا عليك السلام
متى المراكب تمر .. و تسير ف إعبابها ..

لولا الحيا و الخجل ماتت دواعي الملام
يا ضيقة ن بالحشا و الناس في إرحابها ..


..
 

Way one

عضو مخضرم
إن كان تنطر من بعد ليلك نهار

الظاهر إن الشمس ماهي طالعه ..

أخذ تواريخ الزمن بالإعتبار

ومهد لمشوار الحقيقة شارعه ..


..
 

Way one

عضو مخضرم
ليت الصدف يوم إنها مع غيابك
تعدل و لو مره و لانيب زعلان ..

بس مرة ن لا روحت مع ذهابك
شوفه و لا كني أشوفك و بلشان ..

ترى المشاهد و النظر في جنابك
ماهوب ضار الوضع ياصاف الاوجان ..

..
 

Way one

عضو مخضرم
هي بشاير حلم و إلا هي حقايق
و الروايات اتحقق في سندها ..

جودت حبل الوصل وازرت توايق
كل يومين ن يجي الثالث وعدها ..

الظروف إمعانده و العمر عايق
والشهر ليت الشهر يمشي ويعدها ..

إندهت لي وإشرحت لي في دقايق
وألتزمت برد الأوضاع إل مهدها ..

أتعذر و الحشا فيه الحرايق
و اتأخر لين يجي باجر و غدها ..

الهوى ينحت على قلوب ن رقايق
كل ماهون .. تناوله إبمددها ..

فتنة ن تحوطني بشتى الطرايق
كل الابواب اللي تفتحها أسدها ..

هي تراهن بالهوى و الجو رايق
وأنا مجبور اقلب الصفحة وأردها ..


..
 

Way one

عضو مخضرم
جيت إمتأخر و أثري العمر خوان
الحسية اللي بين الأعمار خانتني ..

اللون باهت ضايع ن بين الألوان
والنظرة المتبسمة حاصرتني ..

لا لاعبتني نظرته صرت حيران
عين ن على درب الهوى راودتني ..

عن دربه أصد الخواطر وأحيان
أحس نبضات الخفوق أنغزتني ..

لاحول ماودي أقرب و بلشان
يالله دخيلك عن عيون ن رمتني ..

يالله تجاوز وأكتب لعبدك إحسان
عساني أثبت كلما واجهتني ..
 

Way one

عضو مخضرم
‏غصب جاني الشوق ماكان برضاي
لاتعاندني . . . و لا تستكثره ..

الجفا يستغرق أياما" . و جاي
الملامح وسط وجهي تظهره ..

..
 

Way one

عضو مخضرم
أتلفت شمال .. و أتلفت يمين
و اتفكر في جو ن بيننا ما صفا ..

المشاعر تميل يالله إنك تعين
شوقنا له زمان .. و مدة ن ماطفا ..


..
 

Way one

عضو مخضرم
لاتعتذر
ماعاد مطلوب العذر
و احلامنا صارت سراب
ماتت على متن العتاب !
أشغلتني
هم .. و سهر
ليل .. و كدر

وازريت مافيني مجال
و إحتمال
و أيام ضجت بالمحال
و الأمل
والإبتهال !
 

Way one

عضو مخضرم
‏طال المدى .. و الليل هدا سباته
و انا اتحاور و اتجاوز مع الياس !

شهالنصيب اللي إمطول .. مباته
متاه يقبل و يتماثل كما الناس ؟

..
 

Way one

عضو مخضرم
ياصديقي الحرامي
لما جاك إهتمامي
يوم تمسك زمام المسألة باليقين ..

بلا مبدأ و ذمة
أو شعار إلتزامي
و إحتمالات موقف عقب يبسه يلين ..


..

كنت تلعب علينا
في عصور الظلامي
يوم لمحات الأفعال الغريبة تبين ..
 
أعلى