سؤال وجواب سؤال عن خصم التأمينات

[عزيز وغالي]

التأمين الاساسي 49.900
وفيه استقطاعات مو فاهم عليها
1- تأمين تكميلي 17.250
2- حصة المؤمن عليه لصندوق زيادة المعاشات 31.500

ممكن حد يفهمني شنو هالخصم
وليش ما يكون الخصم كله مع بعض بدل تجزأته

 

[تأبط خيرا]

التأمين الأساسي... هو اللي يشمل الراتب الاساسي + العلاوة الإجتماعية
هو أساس الراتب التقاعدي وهو اللي مجبرة فيه التأمينات أنها تمشي الراتب

التأمين التكميلي .. هو اللي يشمل العلاوات بكل أنواعها
سابقا كانت العلاوات ما تحسب في التقاعد
وخصصو لها نسبة استقطاع
وراح يمشي بحد اقصي 50 % من علاواتك
والظاهر فصلوه عن التأمين الاساسي علشان بأي وقت يلغونه بدون ما يسبب مشاكل قانونية لهم


حصة صندوق زيادة المتقاعدين .. حق زيادة العشرين دينار كل ثلاث سنين
هذه أكبر عملية نصب قامت فيها الحكومة بمباركة مجلس الأمة الموقر
وتقريبا كل اعضاء الاغلبية الشرفاء وافقوا عليه
وعطوا 50 دينار للمتقاعدين و20 دينار كل 3 سنوات

لكن

كل ها الفلوس والزيادات من المشتركين
ورفعوا سن التقاعد لحد 55 سنة

تخيل

يقصون مني ومن اخواني مبلغ فووق 400 دينار شهريا علشان يعطون الوالدة 20 دينار

وإذا الله أحيانا وكملت 55 سنة و تقاعدت
يعطوني بسن 58 سنة 20 دينار ثم كل 3 سنين 20 دينار

بالله مو عملية نصب و احتيال وبالغصب وقوة القانون بعد :باكي:

كل هذا بفضل اعضائنا الشرفاء :إستنكار:
​

 

[عزيز وغالي]

مشكور اخوي تابط خير للشرح الوافي والكافي
وعزيز وغالي