هام جدا للجميع الوطنيه للاتصالات !!!

[عزيز وغالي]

عمري ما راجعت فواتير الوطنيه وادفع عمياني
واليوم شفت نفسي فاضي فطلبت فواتير اخر 3 شهور
واكتشفت شئ مو متوقع نهائيا من شركه كنت اثق فيها وهي الوطنيه للاتصالات
انهم حاسبين علي خدمة النت وانا اصلا ما طلبتها ولا استخدمتها نهائيا
ولما اتصلت عليهم قالوا اكيد مرسل مسج من تلفونك او طالب الخدمه
فلما قلت تاكدوا كل شي واضح عندكم والمحادثات عندكم حسب كلامكم موثقه
فتحججوا بنسوي تحقيق يمكن يطول اسبوعين

شنو الحل وياهم

 

[عزيز وغالي]

هالكم من القراء ولا رد واحد !!!!!!

 

[تأبط خيرا]

لأن المواطن الكويتي صار متعود علي قصص النصب و الاحتيال

خلها علي الله

لو الشركات المصنعة ما تتابع منتجاتها وحاطة مستوي جودة معين

كان رحنا ملح
​

 

[النوف]

شركات الاتصالات عايشة ع أخطاء العملاء،،..

تتحرى فقط العميل يخطيء ومن ثم تمتص أمواله !!!

تكفى ياخوي انشب لهم عدل والله حرام تدفع لهم فلوس خدمة ما استخدمتها !!

دور لك ع محامي شاطر

وبالتوفيق ،،...​

 

[غيث]

اخوي قبل اسبوع تقريبا والله جدامي فصلوا خط واحد وراح دفعه بعدها بيوم فصلوه واتصل عليها قالوا عليك
مية وقال امس دافع قالوا خطأ وفتحوا له الخط هههه بعدها بيوم فصلوه مره ثالثة عليه 250 دينار
قبل اسبوع صار تلاعب كبير اتمنى من المشتركين بهالشركة مراجعة فواتيرهم راح يكتشفون انهم افعوا بالغلط

 

[عزيز وغالي]

انا راجعت الشركه وقالوا لي يمكن خطا وراح نرجع لك فلوسك
قلت طيب لو انا ما طلبت الفواتير كان مشت علي كل هالمده !!!
فنصيحه لوجه الله اطلبوا فواتير بين فتره وفتره ودققوا فيها

 

[عزيز وغالي]

انا راجعت الشركه وقالوا لي يمكن خطا وراح نرجع لك فلوسك
قلت طيب لو انا ما طلبت الفواتير كان مشت علي كل هالمده !!!
فنصيحه لوجه الله اطلبوا فواتير بين فتره وفتره ودققوا فيها

 

[Way one]

أعتقد أن شركة " زين " تتميز بالشفافيه في تعاملها مع العملاء الكرام ..


و هي دائما" تطبق أعلى معايير الجوده . خدمه لعملاءها المتميزين ..

 

[ياجابر الشعب]

على طاري شركة الوطنية للإتصالات

كل شركات الاتصالات اللي بالكويت فيها نصب زين الوطنية فيفا

بس فيه ناس تفضل الوطنية لأن ملاكها قطريين وناس تفضل فيفا لأن ملاكها سعوديين

مايبون شركة زين تستفيد منهم ( الفلس ) والسبب أن ملاكها كويتيبن ( شركة زين الحقيرة ) عقب مامصت دم الشعب الكويتي سوت عروض جنونية خارج الكويت

زين وحنا يالشعب الكويتي ( مالنا حشمه مالنا تقدير عندج ياشركة زين !! ) طول هالسنيين وأنتي تمصين بدمنا بتواطئ حكومي ( حقير ) وأخر شي تسوين عروض جنونية خارج الكويت وتكشتين بالكويتيين !!!!

حرام بشركة زين ( الفلس ) خلو غيرها يستفيد من فلوسنا ( وحدة بوحدة )


عالعموم كلامك صحيح الشهر هذا بالغو حيل بالفاتورة

وتقبل مروري :وردة:

 

[عزيز وغالي]

على طاري شركة الوطنية للإتصالات

كل شركات الاتصالات اللي بالكويت فيها نصب زين الوطنية فيفا

بس فيه ناس تفضل الوطنية لأن ملاكها قطريين وناس تفضل فيفا لأن ملاكها سعوديين

مايبون شركة زين تستفيد منهم ( الفلس ) والسبب أن ملاكها كويتيبن ( شركة زين الحقيرة ) عقب مامصت دم الشعب الكويتي سوت عروض جنونية خارج الكويت

زين وحنا يالشعب الكويتي ( مالنا حشمه مالنا تقدير عندج ياشركة زين !! ) طول هالسنيين وأنتي تمصين بدمنا بتواطئ حكومي ( حقير ) وأخر شي تسوين عروض جنونية خارج الكويت وتكشتين بالكويتيين !!!!

حرام بشركة زين ( الفلس ) خلو غيرها يستفيد من فلوسنا ( وحدة بوحدة )


عالعموم كلامك صحيح الشهر هذا بالغو حيل بالفاتورة

وتقبل مروري :وردة:

اخوي الكريم شدخل قطريين وسعوديين وكويتيين
كل الشركات تعمل بالكويت وتحت مظلة وزارة الاتصالات وتخضع لقوانين البلد
بغض النظر عن ملاكها
الناس تشوف الافضل والعروض الطيبه وحسن التعامل
وانا وجهة نظري تتطابق معك ان كل الشركات الي عندنا
الي الان ما وصلوا لطموح العميل
رغم ان الي يحرق الاعصاب لما تروح لدول الجوار تشوف عروض مذهله لزين
وعندنا كلش ميح

 

[بدوي ذرب]

الله يبارك بشركة فيفا لان الواطية اقصد الوطنية والشينه زين كل مكالمة صادرة (مستقبلة) يحبونها علينا سواء من ارضي او من الخارج

قال سعودية وقطرية !!! شوف خدمات زين بالسعودية واسعارها وبالعراق اللي حكها بغرامة
267 مليون دولار وزين سو فيها يا بو الشركة الكويتية وملاكها الخرافي وجماعتة

 

[ياجابر الشعب]

اخوي الكريم شدخل قطريين وسعوديين وكويتيين
كل الشركات تعمل بالكويت وتحت مظلة وزارة الاتصالات وتخضع لقوانين البلد
بغض النظر عن ملاكها
الناس تشوف الافضل والعروض الطيبه وحسن التعامل
وانا وجهة نظري تتطابق معك ان كل الشركات الي عندنا
الي الان ما وصلوا لطموح العميل
رغم ان الي يحرق الاعصاب لما تروح لدول الجوار تشوف عروض مذهله لزين
وعندنا كلش ميح

أنا ماقلت شي غلط ولا خربت الموضوع

أنت فقط توسعت بالموضوع

وبعدين أي وزارة مواصلات وأي قوانيين ( نحن في دولة مافيا التجار )

ومافيها شي إذا ذكرنا جناسي الشركاة

الوطنية للإتصالات شركة ( قطرية )

وفيفا للإتصالات شركة ( سعودية )

أما شركة زين للإتصالات فرع الكويت ( شركة كويتية 100٪ ) وحرام فيها ( الفلس ) لأن أكبر أصحابها هم ( حرامية الناقلات ) وحرامية ( إستاذ جابر )

يعني الفلس فيهم حرام

خلك معاي
زين البحرين كانت 100% كويتية
زين اليمن كانت 100% كويتية
زين العراق كانت 100% كويتية
زين السودان كانت 100% كويتية
زين الأردن كانت 100% كويتية
زين جنوب أفريقيا مدري نيجيريا مدري وين ( كانت 100% كويتية )

كل هالفروع أفتحوها من لحمك من لحم الشعب الكويتي

ومع الأزمة الإقتصادية العالمية باعو نص أسهمهم ( بفروعهم ) بالدول المذكورة أعلاه

وأخر شي أفتحو زين السعودية 50 أو 45% نصيب الكويت فيها

وبالنسبة لشركة الوطنية أو فيفا مهما تكون عيوبهم أو غشهم فهم أولي من شركة زين ( الحقيرة )

أنا متعمد أني أتكلم عن شركة زين ( في موضوعك ) وأنتقدها

وأرجو أن تتقبل مروري وشكراً :وردة: