بالعكس يا اخوان
العزوبي راتبه 1100 تقريباً مع الزوجية والانتقال من درجة معلم ج إلى ب يطمر الراتب طمرة حلوة
وعطلة الصيف مو اقل من 3 شهور بأي حال من الاحوال وتزيد جم يوم بعض المرات مثل مامدد لهم الوزير هالسنة اسبوع
غير عطلة الربيع
انا لو حاصل التدريس رحت بدون تردد
اول تعيين مستحيل يوصل 1100
انا معلم واعرف شقاعد اقول مع احترامي للجميع
المسالة مومسالة فلوس وبس...لو تفكيرنا بس فلوس جان رحنا النفط ولعبنا بالالاف والامتيازات.
يكفي انه الطالب مهما كبر بالسن لاشافني دنق وحب راسي...تسوى فلوس الدنيا كلها
نعم في سلبيات كثييرة...بس قولولي في شي عدل الحين بالكويت؟؟؟ كل شي مخبوص ومتدهور
ببساطة ..التعليم فيه لذة لايعرف طعمها الامن ذاقها...ناهيك عن الاجر الكبير عند الله تعالى.
موفقين
اخوي ارحل ياجاسم اناعرف مدرس فنية اطلعت على شهادة راتبه بحكم وظيفتي
واعرفه شخصياً صارله سنة متعين راتبه 1100 وكسور
اما بخصوص مهنة المعلم فماذكرته انا مؤيد له 100% وقلت لك
لو تتاح لي فرصة التدريس انتقلت لها بدون تردد
هلا اخوي وبارك الله فيك.
رفيجك هل هو متزوج؟؟ عنده اطفال؟؟ انت شفت اجمالي الراتب؟؟ والا بعد استقطاع التامينات؟؟
لانه اذا تعيين جديد معناها اهو معلم د...واذا عزوبي مايوصل هالمبلغ.
انا معلم وخدمتي 8 سنوات ومتزوج واطفال 2 وراتبي قريب جدا من اللي ذكرته..لاااا وعندي تخصص نادر ..عشان جذيه مستغرب من اللي حظرتك تقوله.
موفق
لا عزوبي ومعلم تربية فنية بعد
انا اشتغل في بنك وشهايد الرواتب يومياً اطلع عليهم واعرف طبيعة رواتب اغلب الوظايف
بالنسبة لوضعك راتبك مايقل عن الـ 1400 مستحيل راتبك 1100 مستحيل وانت متزوج وعندك طفلين الله يخليهم لك
ولد عمي معلم لغة عربية خدمته 7 وعزوبي راتبه 1350 انا ماخذ شهادة راتبه ومسويله معاملة يعني متأكد من اللي اقوله
طبعاً كل الارقام اللي ذكرتها لك بعد خصم التأمينات وبعد الزيادات الجديدة
اناماقلت انه راتبي 1100...بس راتبي اقل من 1400 وبعد الزيادة الجديدة...عموما الكادر يختلف بحسب تصنيف المعلم...يمكن ولد عمك تصنيفه اعلى مني او رئيس قسم..
صراحه شككتني حيل...شكلي براجعهم يمكن غلطانين بشيء.يجوز