((( استفسارات عن لندن ومانشستر )))

شبابي

عضو فعال
السلام عليكم

يعطييكم العافيه ..

ان شاء الله ناوي اروح لندن بعد اسبوعين مع المدام ،، وحاب استفسر عن كم شغله ..!!

1) السكن :

ابي فندق قريب من شارع الاكسفورد وبجلس فيها 5 ليالي ، وبعدها بروح مانشستر وبقعد فيها 3 ليالي ،، وبعدها بروح جلاسكو وبقعد فيها 5 ليالي ،،

(ميزانيتي للسكن ما بين 40-60 دينار في الليله )


2) القطارات :

ابي فكرة عن المسافة واسعار التنقل من لندن الي مانشستر الي جلاسكو !!
واذا في طيران داخلي من جلاسكو الي لندن افضل .


3) الأماكن السياحية :

- لندن ( )
- مانشستر ( )
- جلاسكو ( )


ضروري يا الربع لا تبخلون علينا :confused:
 

كويتي محب

عضو جديد
السكن في لندن عندك اكثر من خيار ..

١- كامبرلاند
٢-ثيستل ماربل ارش
٣-هيلتون متروبلتن اجواررود
٤-CORUS HYDE PARK



السكن في مانشستر
عندك فندق رامادا بيكاديلي ٥ نجوم وسعره مناسب وفندق ممتاز وفوق هذا كله يكون بنص السنتر

التنقلات من لندن الى مانشستر بالقطار تقريباً رايح راد ٧٠ باوند والوقت ساعتين الى ساعتين ونص

ودش موقع www.nationalrail.co.uk يفيدك باسعار ووقت القطارات

غلاسكو ماعندي ادنى معلومة عنها :))
 

بقيييط

عضو ذهبي
واحد من الربع يدرس في مانشستر دكتوراه

يقول المدينه سكرجيه 24 العالم

وبيني وبينك ماودي اتقامع مع هذول وانت توك معرس جديد
 

شبابي

عضو فعال
السكن في لندن عندك اكثر من خيار ..

١- كامبرلاند
٢-ثيستل ماربل ارش
٣-هيلتون متروبلتن اجواررود
٤-CORUS HYDE PARK



السكن في مانشستر
عندك فندق رامادا بيكاديلي ٥ نجوم وسعره مناسب وفندق ممتاز وفوق هذا كله يكون بنص السنتر

التنقلات من لندن الى مانشستر بالقطار تقريباً رايح راد ٧٠ باوند والوقت ساعتين الى ساعتين ونص

ودش موقع www.nationalrail.co.uk يفيدك باسعار ووقت القطارات

غلاسكو ماعندي ادنى معلومة عنها :))

هلا بالغالي ..

مشكور على ردك ,, فنادق لندن الي دازها كلها طيبه ،،

بخصوص مانشستر ماحصلت الفندق رمادا ,, طلع عندي
Mercure Manchester Piccadilly Hotel

هل نفسه ولا تغير ؟


واحد من الربع يدرس في مانشستر دكتوراه

يقول المدينه سكرجيه 24 العالم

وبيني وبينك ماودي اتقامع مع هذول وانت توك معرس جديد


يا ساتر :D

قول غير هالكلام يا الحبيب !!

ان شاء الله احرص اني ما تأخر بليل ,, وتسلم عن النصيحة ..
 

كويتي محب

عضو جديد
ايي اهو يالغالي .. توني اجيك الظاهر مغيرين اسمه!

سوري ان قلت لك خمس نجوم بس الي شفته توه ب بوكينق انه ٣ نجوم ماكنت منتبه ,, لكن انصحك فيه ..
بوسط السنتر ونظيف الفندق واول ماتطلع على يمينك محطة الباصات ودقايق مشي عن البيكادلي ستيشن ..

اذا بتروح ترافورد سنتر اخذ باص ٢٥٠ :) وموفق بالرحله
 

كويتي محب

عضو جديد
ونصيحة جرب مطعم ناندوز الي بـ oxford st بمانشستر !!
فيه له اكثر من فرع بس هذا حلال ..

لاتنسى هم في بمانشستر selfriges نفس الي بلندن ...
 

شبابي

عضو فعال
ايي اهو يالغالي .. توني اجيك الظاهر مغيرين اسمه!

سوري ان قلت لك خمس نجوم بس الي شفته توه ب بوكينق انه ٣ نجوم ماكنت منتبه ,, لكن انصحك فيه ..
بوسط السنتر ونظيف الفندق واول ماتطلع على يمينك محطة الباصات ودقايق مشي عن البيكادلي ستيشن ..

اذا بتروح ترافورد سنتر اخذ باص ٢٥٠ :) وموفق بالرحله

شفته والله .. بس جنه كروان بلازا احلى منه وموقعه احسن !!!

ونصيحة جرب مطعم ناندوز الي بـ oxford st بمانشستر !!
فيه له اكثر من فرع بس هذا حلال ..

لاتنسى هم في بمانشستر selfriges نفس الي بلندن ...


حطيتهم باللسته :D
 

كويتي محب

عضو جديد
شفته والله .. بس جنه كروان بلازا احلى منه وموقعه احسن !!!

مادري والله عن كروان بلازا لكن دام شوقه قريب من السيتي سنتر فاخذه اذا كان سعره مناسب ..


حطيتهم باللسته :D

بخصوص السلفرجيز الله يعينك اذا معاك المدام :D كاني مانصحتك شيله من اللسته :D:D
مكان حق المخاسير
 

رحلة قلم

عضو فعال
مرحبا اخوي..حياك الله..

ورحلة سعيده بعون الله..


نجي الى لندن


الفنادق في الموقع الذي تريده يوجدة عدة فنادق لكن

في نظري وحسب تجربتي لم اجد افضل من فندق كامبرلاند..

حيث انه يقع على بداية اكسفورد استريت وكذلك اجول رود شارع العرب ومقابل للهايد بارك مباشره..

الفندق مريح جدا جدا واللوبي فيه واسع تستطيع ان تجلس وتستمتع بالمنظر الجمالي ..


guoman_thecumberland_lobby_play2.jpg

صوره للوبي..




cumberland_hotel_a_bedroom.jpg

صورة لاحدى غرف النوم الجميله والمريحه في الفندق..


قيمة الغرفه لليله الواحده تتراوح بين 110 باوند الى 180 باوند على حسب الموسم والشغل في الفندق..


انصحك بالحجز عن طريق موقع



او موقع



تعمل بحث بإسم فندق Cumberland hotel وتحدد تاريخ الوصول وكم يوم ودك تجلس بالفندق..



...

نجي لمانشستر..

اعتقد ان الافضل فندق premier inn اللي بمنطقة البيكاديلي واقرب للخدمات والمطاعم والاسواق والحدائق

بالنسبة للاسواق اهم اهم شي تزور سوق ترافورد الشهير -
تطلع عن طريق باص رقم 250 من ساحة البيكاديلي بالسنتر إلى السوق 20 دقيقة

أسواق البيكاديلي السنتر - أسواق كثيرة ورائعة للتمشيه




...

نجي جلاسكو.. مدينتي الحبيبه خبره خمس سنوات :eek::وردة:


السكن انصحك يكون بالسنتر لانه هو الاساس في المدينه والافضل والآمن..

طبعا الفنادق فيه فندق راديسون ساس بالسنتر قريب من السنترال ستيشن وهو بالسنتر..

وتنزل للاسواق من الفندق ع رجولك حوالي دقيقتين فقط..

اعتقد الافضل هو فندق راديسون ساس..

كذلك فندقpremier inn من الجهه الثانيه من السنتر قريب من ساحة جورج سكوير..



349959058_f6dcb4c1af.jpg

ساحة جورج سكوير وقت المساء..



p5864.jpg

نجي للاسواق...


طبعا السنتر عباره عن مجموعة اسواق متداخله ببعضها.. الله يعين رجولك ع المشي

وفرصه للي يبي يسوي رجيم وينحف :p;)


طبعا امتداد السوق يكون ع شارع البيكانون ستريت

يوجد عليه محلات ع الشارع طبعا ..طريق مشاه مافيش سيارات الا ممرات خاصه لها


يوجد سوق البيكانون غاليري وهذا يعتبر الافضل والاكثر محلات والتوب.. وفيه مقاهي ومطاعم فاست فود

برضوا يوجد البرينسس سكوير وهذا في قلب السنتر وواضح ويوجد فيه مقاهي ومطاعم جميله نوعا ما

كذلك سوق St enoch وهذا سوق جديد مبناه زجاج ورائع جدا ومحلاته حلوه


لا تنسى تمر برضىوا على مجمع ( نسيت اسمه:p ) مثل الهارولدز بالماريه مقابل لبنك اتش اس بي سي

اذا ذكرته برجع اكتبه لك..

كذلك يوجد سوق خارج السنتر اسمه Silverburn Shopping Centre

حلو برضوا وحديث ولازم تمره.. بس ماعرف اي باص يروح له متعود اطلع تاكسي..


يوجد ايضا في السنتر السينما cineworld glasgow وهو اكبر سينما بأورباء حسب علمي

اذا من عشاق الافلام انصحك بزياره له وواضح مبناه من السنتر تشوفه..

cineworld.jpg



نجي للمطاعم.. العربيه

فيه مطعم سلمى

عنوانه / Sauchiehall Street 523

وهو مطعم مغربي واسعاره لك عليها بس حلو

كذلك مطعم

Kababish
1163 Govan Rd, Glasgow.
G51 4RQ.
مأكولات هندية ومشويات وحلال


كذلك مطعم عراقي قريب من السنتر على النهر اسمه بابليون

اكلاته حلوه ويستحق الاهتمام

كذلك على النهر يوجد معطم ناندوز

وهو حلال وبجانبه معطم هندي ومركز العاب اسم المكان الكي بارك
تستطيع ان تذهب له سيرا ع الاقدام من السنتر

بالنسبه للاماكن الجميله خارج جلاسكو يوجد بحيرة لخلومند loch lomond Glasgow وهي ممتازه وطبيعتها خلابه

وتستطيع ان تبحث عنها في النت وتقرأ معلومات اذا كنت من عشاق الطبيعه..

loch-lomond2.jpg

loch lomond Glasgow
...
اخيرا بالنسبه للمواصلات

انصحك ان تستمتع بالقطار من لندن الى مانشستر للاستمتاع بالطبيعه

حوالي ساعتين تقريبا سعرها 60 باوند للشخص او اقل

وكذلك من مانشستر الى جلاسكو ايضا بالقطار

اما طريق العودة فالافضل ان تعود طائره من جلاسكو الى لندن
اذا كنت ستعود الى لندن وتنام انصحك ان تاخذ على خطوط ايزي جت رخيصه وممتازه

وتنزل في مطار جتويك

اما اذا كنت ستذهب للكويت مباشره من جلاسكو

فانصحك ان تاخذ البريتش اير ويز الى هيثرو لانها الخطوط الوحيده التي تنقل من جلاسكو الى هيثرو..

...

هذا ما استطعت ان اكتبه لك على عجل
واتمنى ان تعذرني..

علما انني لا احب ان اكون مرشد سياحي.. ولكن حظك جيد ..


ملاحظه/ هذا اجتهاد ولك ان تبحث في المواقع السياحيه وتجد ضالتك..



رحله سعيده واتمنى لك التوفيق
واي استفسار انا مستعد

تحيتي
 

شبابي

عضو فعال
رحلة قلم

بارك الله فيك ,, وفيت وكفيت

فعلا هذا الي ابيه ولا يهونون الشباب

---------------

تحية لكل من شارك ,, والمجال لازال مفتوح

:وردة::وردة::وردة::وردة:
 
حبيت اني انصحك تروح الاوت لت القريب من مانشستر ويقع في منطقه شستر كبير وحلو وراح تعجبك الاسعار
والله يوفقك ان شاء الله ...
 

Omani

عضو فعال
نصيحة لك ان تسكن في ادنبره افضل. ادنبره اجمل من جلاكسو بكثير. جلاسكو السوق فيها كبير ولكن ادنبره مدينة تاريخية ورائعة بمعنى الكلمة.

http://www.thetrainline.com هذا موقع القطارات في بريطانيا. بامكانك تاخذ بطاقة railcard اعتقد سعرها عشرين باوند تعطيك خصم للقطار 30 بالمية.
 
أعلى