سؤال وجواب هل مجاملة كل الناس صفه محموده ام مذمومه ؟

[ساهر الليل]

السلام عليكم

السؤال مثل ماهو واضح

لاكن ربما يقع المجامل في المحظور

ويبتلش في مجهله وناس عقولها صغار وماينعطون وجه

خصوصا اذا كانوا زملاء عمل

مجبور تجاملهم عشان تمشي امورك

وان ماجاملتهم قالوا هذا اشفيه


والله بلشه

يعني على على مستوئ تفكيرهم المحدود ووقاحتهم هم يبونك اتجاملهم !!

شنو العمل مع هالنوعيات

 

[حوللي]

جاملهم لأنك إذا وريتهم شخصيتك الحقيقية بتتصادم معاهم لهالسبب سايرهم علشان تندمج معاهم حتى لو كنت موهاضمهم لأنهم وقحين وسوالفهم سطحيه وتافهه

 

[بن ذى يزن]

لا تجاملهم بالعكس خلك واضح افضلك

وفرق بين رفيجك وزميل العمل

لان هذا زميل تنتهي العلاقه بعد نهاية العمل

بس مو تتهاوش معاهم

 

[أم فواز]

تصرف على طبيعتك لا تزيد ولا تنقص

واذا انت موظف جديد لا تطيح الميانه من اول الايام

لازم تتعامل مع الموظفين زملائك كبداية بكلمة ورد غطاها

الى ان تعرف مع المعاشرة منو اللي يستاهل تسولف معاه وتعطيه وجه

ومنو اللي تبتعد عنه او بالاحرى تدير بالك منه

وبالتوفيق​

 

[مواطن طبيعي]

لا تجامل ولا تعطيهم وجه


فيه ناس تافهين ومستخفين دمهم ووقحين هذولا مثل الحشرات نشوفهم دائماً


في الدوامات ويحبون يخدعون غيرهم بلسانهم وكلامهم وهذرتهم

يعطيك القمر بيد والشمس بيد بالكلام بس


نصيحه لا تعطيهم وجه

وشوفهم على انهم حشرات لآنهم حقا حشرات بشريه

​

 

[فلسفة]

لا تجامل أحد على حساب نفسك
لأنه بيزودها ويفهمها انك متقبل سخافاته

أنا الصراحه وحده مستحيل أجامل شخص ما هضمته

 

[عناق وشيك!]

قال الامام علي عليه السلام : خاطبوا الناس على قدر عقولهم

انا اتبع هذا التعليم ومرتاح

لدرجة ان صبيان صغار من جيراننا بس بعيد شوي كانوا يحذفون سيارتي عشان ولدي الصغير طاقهم بالمدرسه..نزلت لمستواهم وقمت ابتسم لهم واسلم عليهم ومن عقبها استحوا على وجيههم رغم انهم بلادم أصلا !

 

[جيمس بوند الكويت]

لا تجامل احد ولا تغلط على احد

كل مجاملة بترد عليك مشاكلها

 

[النوف]

المجاملة اذا محدودة محمودة،.

واذا مفرطة مذمومة،،،..​