هل أنت من النوع اللي يخطط و يحط جدول لسفرته ؟

كل واحد يسافر يرد بأنطباع معين ...
بعضهم يرد يلعن الساعه اللي راح فيها والأسباب كثيره
لعل من أهمها أن الفنادق اللي حجز فيها طلعت مو ذاك الزود

صار فيني الشي هذا أكثر من مره للاسف
أحجر عن طريق مكتب وأذا رحت هناك لقيت الغرف
أو الفندق نفسه مقلب من قلب ........

وأنا من النوع أذا سافرت أتعب في التجهيز للرحله
يعن أني جيد :cool:

شسوي بعد

أتميلح عند أم العيال :p

ألا في سفرتي الأخيره لتركيا
أنشغلت لدرجة أني كنت بلغي الرحله ولكن آخر لحظه وصبحية العيد قلت ... يله ... جهزوا شناطكم ... حنا مسافرين

وسبحان الله كانت أحلا وأحسن رحله

كل شي فيها كان سموث وسهل وأستانسنا بالرحله

يمكن لأني قررت يومها أني أبدأ رحلتي ببورصه وقلت أخلي أسطنبول آخر أيام ... يجوز

المهم ماودي أنهي الموضوع ألا بنصيحه بخصوص السكن في بورصه
خصوصاً للي يسافر معاه قوقش عيال

أكو فندق جديد توه فاتح أسمه كيراز
ممتاز ونظيف وسعره كويس
يعني يطلع حوالي الميه وعشرين دولار
شقه واسعه ونظيفه واللي بالفندق محترمين جداً
خصوصاً هاللحيه الغانمه


739179129.jpg



أذا شاف الصوره راح يذكرني
والفندق على شارع أتاتورك الرئيسي قريب لزفر بلازا
وقريب للسوق المسقوف
وكل شي يمك
المطاعم والبنوك حذفة عصا مايحتاج

وهذا موقعهم في البوكنج



ولاتنسون
كثروا من ال أيفيت
ولاتنسون هزة الراس ... يكون فاهم يعني :p
 

حُر

عضو فعال
صراحه انا ما أخطط للسفره وايد

قبل السفر احجز فندق محترم لمده يوم او يومين

لمن اروح اشوفه بعيني واتأكد اذا عجبني ادفع سعر الليالي الإضافيه

واذا كنت بروح منطقه وبعدين مناطق ثانيه

ما استعيل بالحجز اول شي اروح المنطقه الاولى يمكن تعجبني اقعد طول سفرتي فيها وبعدين سفره ثانيه اروح المناطق اللي مارحتلها


انا ما يهمني اني افتر وايد بالمناطق والاماكن

يمكن اقعد بمكان واحد طول السفره بس ارد مستانس

ويمكن افتر كل الديره وارد مو عاجبتني

يعني انا سفرتي على نفسيتي مو على فرارتي
 

Aragon

عضو ذهبي
كنت من النوع اللي يخطط. وكانت تخطيطاتي بمحلها.

لكن السنين اللي فاتت جتني حالة من عدم اللاتخطيط. وطحت بأخطاء وكل رحلاتي اللي مو مخططلها مع ربعي أكيد.

بس شكلي برد اخطط لأن حظي ردي
 

كـويتي

عضو ذهبي
من الظروري التخطيط قبل السفر

السكن والوجهات التي تريد الذهاب لها

اذا سفر بدون مخطط سابق ماكوا فايده :)
 
أعلى