العامه من معارضين أغلبية 2012 هل تملكون الشجاعة؟

بسطويسي

عضو مخضرم
بعد انتخابات المجلس الماضي وتشكيل اغلبية 2012 بالمجلس بقيت اقلية بهذا المجلس وبدأت بمشاكسة الاغلبية وأصبح شغلهم الشاغل بالمجلس تعطيل انجازاتهم من قوانين وتشريعات ومراقبه ولجان تحقيق
ولهذه الأقلية مؤيدين كما هو الحال للأغلبية
رموز هذه الاقلية على سبيل المثال لا الحصر



الصوره اعلاه هي لبعض رموز من هم ضد الأغلبية على طول الطريق ومن بداية المشوار الى نهايته
وشغلهم الشاغل فقط الأغلبية
السؤال نوجهه للعامة الذين هم ضد الأغلبية ولدينا وفرة بالأعضاء من هم ضد هذه الأغلبية
بما انكم ضد الأغلبية هل انتم مؤيدون لهذه الأقلية ؟
ان كان جوابكم لا فانتم آفاكون كاذون
والسبب بسيط جدا
ان اغلب هجومكم ضد الأغلبية يكون بتصريحات او من خلال هجوم من هذه الأقلية والادله لاتعد ولا تحصى
وعلى سبيل المثال لا الحصر
1-رشاوي من قطر
2-اجندات خارجية (السعودية)
3-تضبيط الأهل والاقارب
4-مواضيع الاقتحامات مجلس + الوطن
5- قلب نظام الحكم
والكثير الكثير الكثير
فكل ماذكر صدر من رموز الاقلية وفتحت له مواضيع وتم ذكرها بمشاركات من قبلكم يامن عرف عنكم انكم ضد الاغلبية
وان كان جوابكم بنعم
فهل تملكون الشجاعة بالرغم انكم مجرد معرفات ان تعلنونها هنا بالمنتدى انكم ضد الأغلبية ومؤيدين للأقلية!
أجزم يقينا ان اكثركم لن يتجرأ
واجزم ان اكثركم لن يتجرأ ويشارك بصلب هذا الموضوع
والسبب بسيط جدا سيتم ذكرة لاحقا
خبتم وخاب مسعاكم
ملاحظه
الموضوع فقط لمن هم ضد الأغلبية على طول الخط
اضاءه
يجوز لأي عضو ان يطلب رأي عضو عرف عنه انه ضد الأغلبيه بالأسم
لنرى وجهه نظره
:D






 

National Socialist

عضو ذهبي
انتوا ما مليتوا من مبدأ "أنت لست معي فأنت ضدي؟"

ترى ملينا منكم!! كل واحد ما يتبع أغلبيتكم الفاشلة الكتكوتية صار ضدكم!

طبعا مو راضين فيهم كلهم، نرضى باللي يرضى الخير للكويت
 

بسطويسي

عضو مخضرم
انتوا ما مليتوا من مبدأ "أنت لست معي فأنت ضدي؟"

ترى ملينا منكم!! كل واحد ما يتبع أغلبيتكم الفاشلة الكتكوتية صار ضدكم!

طبعا مو راضين فيهم كلهم، نرضى باللي يرضى الخير للكويت


عطني اسباب الفشل
يقبضون من قطر؟
والا بينقلبون على الحكم؟
والا انهم ضد الكويت واهلها؟
والا لهم اجندات خارجية
لاتعطيني كلام عائم عطني اسباب ووقائع
 

National Socialist

عضو ذهبي
عطني اسباب الفشل
يقبضون من قطر؟
والا بينقلبون على الحكم؟
والا انهم ضد الكويت واهلها؟
والا لهم اجندات خارجية
لاتعطيني كلام عائم عطني اسباب ووقائع

اهم يقبضون من قطر يقبضون. حصريات فؤاد الهاشم ما اتوقع كلها كذب

من ناحية القلب على الحكم، شنو تفسر اقتحام المجلس و تكسير بابه؟ مو الأمير قال عندكم جرايد و وسائل اعلام تكلموا فيها؟ ليش اسلوب الهمج؟
 

بسطويسي

عضو مخضرم
اهم يقبضون من قطر يقبضون. حصريات فؤاد الهاشم ما اتوقع كلها كذب

من ناحية القلب على الحكم، شنو تفسر اقتحام المجلس و تكسير بابه؟ مو الأمير قال عندكم جرايد و وسائل اعلام تكلموا فيها؟ ليش اسلوب الهمج؟


حلو انت كلامك مبني على (حجي وثرثرة) فؤاد الهاشم اللى نعتبره من طقة صفاء الهاشم اللى لو عنده دليل واحد عليهم اجزم انه مايكتفي يحطه بمقالة الا يحطه بالنايلسات والعربسات والهوت بيرد
يعني انت بالعربي امعة تردد ماتقولة الأقلية
ودليلك قالوله
:D
واي مشاركة منك راح يتم تجاهلها بسبب حججك التافهة
الأمعة اللى بعده
 

جابر الشعب

عضو مميز
اخ بسطويسي لاتتعب نفسك معاهم فهم يخالفونك الراي لاسباب اخرى انت فاهمها عدل.... اما هالباقه اللي حاطها مصيرها مزبلة التاريخ ان طال الزمن او قصر لان مايصح الا الصحيح..
 

بسطويسي

عضو مخضرم
نعم نعترف اغلبية 2012 لديهم اخطاء وهذا ليس معرض حديثنا
نحن نتحدث عن خصوم أغلبية 2012 و تبعهم ومن يسير بفلكهم
اغلبهم يستقي معلوماته واتهاماته من خصوم اغلبية 2012
والمصيبة والطامة انة ينحرج ولا يتجرأ من تأييدهم علانيه!
:D
بينما نحن نتفاخر ونرفع رؤسنا بوضع صورهم على تواقيعنا
وعلى رؤوس الاشهاد نعلنها
معكم الى النهايه
 

بسطويسي

عضو مخضرم
مر عليكم واحد حاط صوره مسلم بتوقيعة ============> كثيييير
مر عليكم واحد حاط صوره السعدون بتوقيعة ============> كثيييير
مر عليكم واحد حاط صوره المسلم بتوقيعة ============> كثيييير
مر عليكم واحد حاط صوره محمد هايف بتوقيعة ============> كثيييير
طيب مر عليكم واحد حاط صورة احد من الاقلية من معارضين الأغلبية
مابي اقول مستحيل بقول نادر
لانهم لايتشرفون بهم ويخجلون من اشكالهم لكنهم بكل صفاقه يرددون مايقولونة
ويفتحون المواضيع ويكثرون المشاركات عن تصريحاتهم وافترائتهم
فقط لضرب هذه الاغلبية التى كادت ان تقضي على مصالحهم بصوره مباشرة او غير مباشرة
 

AlBadel

عضو مخضرم
بصراحة أتمني دخول الزميل ولد عطا لسبب واحد
قلم صادق بتوجهاته وعلي طول الخط ضد المعارضة والأغلبية النيابية
وللأمانه أرسلت له دعوة علي الخاص
متابع وبأهتمام
لاهنت بسطويسي





تســـلم بـســـــطويسي علي هــذي الرائــــعة فالرمــــــز يـــــستحق كل حــب ومســـــاندة أهــــل الكــــــويت عــــسي الله يــــــحفظه ويخـــــليه
 

بسطويسي

عضو مخضرم
بصراحة أتمني دخول الزميل ولد عطا لسبب واحد
قلم صادق بتوجهاته وعلي طول الخط ضد المعارضة والأغلبية النيابية
وللأمانه أرسلت له دعوة علي الخاص
متابع وبأهتمام
لاهنت بسطويسي


انا يالبديل لو ضد الأغلبية ومقتنع بالأقلية
والله لا أحط صورهم واتشرف بهم وأحارب من اجلهم
لكن هم ضد الأغلبية ويروجون ماتقوله الأقلية من أفتراءات وان سالتهم قالوا لايمثلوننا ولا نتشرف بهم
فأي صفاقه بعد هذه الصفاقة!
هل تعتقد ان مثل هؤلاء النوعيات يستحقون ادنى درجات الأحترام!
هم خلف معرفات ولا احد يعرفهم ولا يجرؤون بتأييد الاقلية علانية
ولكنهم يقتاتون على افترائاتهم وخزعبلاتهم
وخير دليل اول مشاركة
يقولك نعم قبضوا من قطر والدليل فؤاد الهاشم قال
:)
 

بسطويسي

عضو مخضرم
كلهم عرفتهم الا اللي بين عايشه الرشيد .. ورولا هانم ..​



منو هذه ..!!​


هذه الاستاذه موضي علف زعيمه تجمعات الموالاة
التجمعات اللى تحافظ على هيبة الحكم وتمنعنا وتمنع نواب الأغلبية من الأنقلاب علية
فيه كويتي مايعرفها الله يسامحك
شلون لو احط لك صوره ولاء عواد متعهده التجمعات!
 

صوتك يناديني

عضو بلاتيني
انتوا ما مليتوا من مبدأ "أنت لست معي فأنت ضدي؟"

ترى ملينا منكم!! كل واحد ما يتبع أغلبيتكم الفاشلة الكتكوتية صار ضدكم!

طبعا مو راضين فيهم كلهم، نرضى باللي يرضى الخير للكويت


اي والله ذبحونا اذا مو معاي انت ضدي

انا اكثر شخص كنت مع الاغلبيه على طول الخط

وانا اكرهه وابغض الاقليه واعرف انهم ناس اكثر سوء من الاغلبيه

لاكن الاسوء ياسيدي العزيز هو الي تتامل فيهم النزاهه والقوه والمبدء

وفي النهايه تكتشف انهم مجموعه يضبطون لمصالحهم الشخصيه في الباطن ولابنائهم

وعليك بالتعينات وغيره ... والواسطات

وفي العامه يمثلون ويعطونا هالتصاريح الجميله .. يعني خذ حكي


الاقليه عالاقل مكشوفين كلامهم وفعلهم سيء :confused:
 

newhistory

عضو بلاتيني
انا لو بيدي نفتك من نوعيتك انت والاغلبيه بليله وحده كلكم داجين :p

انتم اكثر ناس تزيدون الاغلبيه قوه بعنصريتكم البغيضه

والله ان اصوت لهم نكايه فيكم مع اني لا أومن بهم الان

لا .. لا تصوت للاغلبية , وخل هذا و امثاله هم اللى يقررون مصيرك ... وخلهم " ما يمشون معاملاتهم " و ما يضبطون نفسهم , عشان تقنعنا فيهم


انت ناقد على الاغلبية بالمعاملات ؟؟ ليش انت كنت مايدهم عشان معاملاتك و بس ؟؟

الحين كل اللى سووه مو شى بعينك ؟؟ واللى صار عليهم ما يكفيك ؟؟

صدق بسطويسى ...

واللى يردد كلام و حجج سقط القوم , و يدعى انه ليس معهم ترا " ما فيه طب "
 

خلك متفائل

عضو فعال
لماذا تم الغاء التحقيق في قضية الفحم المكلسن

بمجلس 2012 بموافقة الاغلبية الخايبة ؟؟؟

لماذا اغلبيتكم لمة يخطئون مايتاسفون هذولا لو احكموا شبيسون بخلق الله
 

flash_light

عضو فعال
انا لو بيدي نفتك من نوعيتك انت والاغلبيه بليله وحده كلكم داجين :p

انتم اكثر ناس تزيدون الاغلبيه قوه بعنصريتكم البغيضه

والله ان اصوت لهم نكايه فيكم مع اني لا أومن بهم الان

القبائل صارت ماتقدر تخرج من نفوذ الاغلبيه بسببكم كل ماتهاجمون القبائل كل ما نندفع باتجاه الاغلبيه لمواجهتكم بشكل اكبر

سنخرج الاشقياء للصدام معكم :D

رمتنى بدائها وانسلت..


هذا بالضبط اللى اتكلم عنه..محرككم القبيله والعصبيه القبليه فقط لاغير..:D

من خلق هذة الاغلبيه المزعومه هو انت وامثالك...لكن على الاقل انت بدأت تدرك خطأ اختيارك..واكتشفت اخيرا ان الاغلبيه تسعى للمصالح والواسطات ..ويخدعونكم بالكلام الفاضى عن الامانه والشرف...


اخرج الاشقياء منكم...والسجن بأنتظارهم

او اهاليهم يقفون بذل طلبا للتنازل..:D
 

صوتك يناديني

عضو بلاتيني
لا .. لا تصوت للاغلبية , وخل هذا و امثاله هم اللى يقررون مصيرك ... وخلهم " ما يمشون معاملاتهم " و ما يضبطون نفسهم , عشان تقنعنا فيهم


انت ناقد على الاغلبية بالمعاملات ؟؟ ليش انت كنت مايدهم عشان معاملاتك و بس ؟؟

الحين كل اللى سووه مو شى بعينك ؟؟ واللى صار عليهم ما يكفيك ؟؟

صدق بسطويسى ...

واللى يردد كلام و حجج سقط القوم , و يدعى انه ليس معهم ترا " ما فيه طب "

انت اظلاهر ماستوعبت كلامي انا ما جيتهم اساسا حق معامله ولا ابي معامله منهم بس هم يسعون لمصالحهم الشخصيه ومعاملاتهم وعند الناس يقولون حنا الحكومه ماتمشي لنا شي حنا معارضه

شنو سوت الاغلبيه تعال علمني ؟

شنو استفدت من الاغلبيه انت وغيرك ..؟؟؟؟

هذول ناس مايمشون على منهج واضح اساسا ولا عندهم مبدء

مره مع الوزير ويدافعون عنه يوم صارو اكثريه واذا ردو اقليه خذ حكـي فاضي وبطولات وهميه

وينهم يوم صارو اغلبيه ماحاسبو اذا يقولون في فساد تعال انت عندك غالبيه بالمجلس شسويت
 

كعضول

عضو فعال
اللي اعرفه ان معزبهم معطيهم اوامر ان اي رد لهم بعيد عن مبتغاه (تشويه سمعة الاغلبية فقط) ما راح يحاسبهم عالأجرة المتفقه وانت حاط موضوع نقاش بشكل عقلاني و بطرح دلائل يعجز عنها الكاذب
لك مني يا بسطويسي نعيمي عالعيد اذا احد تجرأ منهم و قدر يطرح دلائل افكاره بشكل يصدقها العاقل
 

newhistory

عضو بلاتيني
انت اظلاهر ماستوعبت كلامي انا ما جيتهم اساسا حق معامله ولا ابي معامله منهم بس هم يسعون لمصالحهم الشخصيه ومعاملاتهم وعند الناس يقولون حنا الحكومه ماتمشي لنا شي حنا معارضه

شنو سوت الاغلبيه تعال علمني ؟

شنو استفدت من الاغلبيه انت وغيرك ..؟؟؟؟

هذول ناس مايمشون على منهج واضح اساسا ولا عندهم مبدء

مره مع الوزير ويدافعون عنه يوم صارو اكثريه واذا ردو اقليه خذ حكـي فاضي وبطولات وهميه

وينهم يوم صارو اغلبيه ماحاسبو اذا يقولون في فساد تعال انت عندك غالبيه بالمجلس شسويت

على الرغم من ان كل ما تقوله قد تم الرد عليه آلاف المرات ...

راح اجيك من الآخر : الاغلبية ما سووا شى نهائيا , لانهم مو فاضين الا حق معاملاتهم و تضبيطاتهم ... قولى اصوت حق منو ؟؟؟
 
أعلى