بـــــدون تعليق..

[Libral Genuis]

البدون .. او على قولة بعض الناس "الغير قانونيين" يتسمكون في هذا البلد و يريدون ان يصبحو جزء منه.. والكل يحاربهم !! ليش؟؟ هالهو خوف من ان تصبح العوائل الكويتيه العريقه على قولتهم اقليه؟؟

ليش يحاربون البدون و يصعبون امورهم ؟؟

الي امه كويتيه و ابوه بدون شنو ذنبه ؟؟ هالام ماتستاهل ان تمنح عيالها حقوقهم حالهم حال اي كويتي؟

اعضم دول العالم تجنس الكل و تعطيهم حقوقهم السياسيه و الانسانيه و في الكويت بلد العز نخاف نعطيهم ابسط حقوقهم الانسانيه!!

والله غريبه...

اتمنا انكم تشوفون هالمقابله علشان تفهمون كلامي اكثر..

http://www.youtube.com/watch?v=bMSv2BKXK-I
http://www.youtube.com/watch?v=WI5BEFj0kxc

بس احب اعرف ؟؟ شنو مواصفات البدون الي يستحق والبدون الي مايستحق ؟؟

انزين قولولنا شلون نعرف من الي يستحق والي مايستحق ؟؟ كل هذا الخوف من ان العوائل العريقه تصير اقليه ؟؟

ملاحضه: المذيع عطوه الجنسيه قبل كم سنه وهو كان بدون ايضا ...

ادع الرد لكم ..

 

[رؤى]

يعني ملف التجنيس الأخير وايد من البدون نفسهم عارضوه لأن في ظلم , جنسوا الي عنده جنسية وخلوا الي يستحقون

بعدين مو كل بدون بدون , في ناس - يدعون - إنهم من البدون , في وحده من البدون اشكره بروحه تقول , ابوي سوري وامي عراقية , سألوها ليش ماتطلعون جناسيكم الأصليه وترتاحون ترد تقول لا الحين يوم قربوا يعطونه الجنسية نطلع جناسينا !

واحد من اهلنا تزوج من وحده تدعي انها بدون اصلهم من ايران قعدوا بفيلكا قطوا جناسيهم قالوا احنا بدون

وهذيل خربوا على الي فعلاً انظلموا

وحدة والله ما اعرفها سبحان من حطها بدربي , طلبت مني اساعدها بشغله وهي تتكلم فهمت ان طلبها مرتبط بالجنسية وعطتني معلومات وقالت لي ان زوجها مقدم على الجنسية وابوه لاحظ يا اخوي ( نوخذه ) مو معطينه الجنسية , سألت يدي عنه بغيت اتأكد اذا كان الكلام صحيح والله بس قلت له اسمه واسم ابوه , هو بنفسه كمل الاسم وقالي هذا نوخذه وتوفى بالسنة الفلانيه وعطاني معلومات عنه , استغرب يوم قلت له انه بدون

شفت المظلومين منهم !

والله في ناس ماتستحق هي الي مخربه على من يستحق , والحكومة عارفتهم واحد واحد ما ادري ليش ما تتخذ اجراء حازم وتجنس المستحقين والله حرام

يعني ناس تاخذ جنسية وتكسب حق المواطنه بدون وجه حق مثل اليمنيين و العراقيين والمصريين و الايرانيين وبعض من يدعي انه من البدون زور والبدون الكويتي الي تعب وشقى يتم مقيد بطلبات تعجيزية وظالمة

تبقى الحكومة هي السبب فيما وصل به حال الكويت والبدون معاً

 

[Libral Genuis]

يعني ملف التجنيس الأخير وايد من البدون نفسهم عارضوه لأن في ظلم , جنسوا الي عنده جنسية وخلوا الي يستحقون

بعدين مو كل بدون بدون , في ناس - يدعون - إنهم من البدون , في وحده من البدون اشكره بروحه تقول , ابوي سوري وامي عراقية , سألوها ليش ماتطلعون جناسيكم الأصليه وترتاحون ترد تقول لا الحين يوم قربوا يعطونه الجنسية نطلع جناسينا !

واحد من اهلنا تزوج من وحده تدعي انها بدون اصلهم من ايران قعدوا بفيلكا قطوا جناسيهم قالوا احنا بدون

وهذيل خربوا على الي فعلاً انظلموا

وحدة والله ما اعرفها سبحان من حطها بدربي , طلبت مني اساعدها بشغله وهي تتكلم فهمت ان طلبها مرتبط بالجنسية وعطتني معلومات وقالت لي ان زوجها مقدم على الجنسية وابوه لاحظ يا اخوي ( نوخذه ) مو معطينه الجنسية , سألت يدي عنه بغيت اتأكد اذا كان الكلام صحيح والله بس قلت له اسمه واسم ابوه , هو بنفسه كمل الاسم وقالي هذا نوخذه وتوفى بالسنة الفلانيه وعطاني معلومات عنه , استغرب يوم قلت له انه بدون

شفت المظلومين منهم !

والله في ناس ماتستحق هي الي مخربه على من يستحق , والحكومة عارفتهم واحد واحد ما ادري ليش ما تتخذ اجراء حازم وتجنس المستحقين والله حرام

يعني ناس تاخذ جنسية وتكسب حق المواطنه بدون وجه حق مثل اليمنيين و العراقيين والمصريين و الايرانيين وبعض من يدعي انه من البدون زور والبدون الكويتي الي تعب وشقى يتم مقيد بطلبات تعجيزية وظالمة

تبقى الحكومة هي السبب فيما وصل به حال الكويت والبدون معاً

الحق يقول .. ليش ماتعطي البدون حقوق انسانيه ؟؟ لاتعطيهم حقوق سياسيه !! عطهم حقوق انسانيه !! حالهم حال غيرهم في كل الدول !! الناس الي يتم استرجاعهم في معضم الدول .. يتم استرجاعهم لما يصيدونهم على الحدود !! مو يشيلونهم من دوله عاشو فيها 40 سنه !!

في خلل واضح والله حرام الي قاعد يصير .. والله ظلم !! و حرام و انا اطالب كل النواب الاستعجال في هذه العمليه و اعطائها اهميه و اولويه !! مجلس قاعد شهرين يتناجر على القروض و الخمسين دينار و الدواوين ؟؟ و في خمسين قضيه اهم .. شهالحاله تعيسه؟

 

[القطري]

الموضوع بسيط .. ولاتزعل نفسك ..
اذا نجح مرشحك المفضل بلغه انهم مظلومين ولازم يساعدهم
تقزيره

 

[بوراس]

كفو والله يا خليفه الخرافي هذا الكلام اللي يبرد الجبد
والله الديره ما اختربت الا بالتجنيس العشوائي اللي صار بالسبعينات واليوم نشوف اشكال واسامي غريبه ووصلت الى المجلس واخوانهم لي الحين بدون وكل همهم سرقة البلد ومساعدة ربعهم
والكويت ما تأخرت الا بسبب هالاشكال
والله لو كنت بالدائره الثانيه لاعطيتك صوتي يا خليفه والله يكثر من امثالك انت والعضو الفاضل صالح الفضاله

 

[كـويتي صريح]

^^^

الظاهر ماسمعت كلام الخرافي عدل ، قال من تم تجنسيه تاج على راسي وافديه بروحي

هذا ببداية حديثه شلون طافت عليك !!

وانت الحين تطعن فيهم وتقول سبب خراب البلد !


العنصريه هي خراب الـبــلد يا بوراس

.
.
.
.
.
الـــــبـــــــدووون

لازم لازم لازم

الحــكومه تحل المشكله بأسرع وقت ممكن

تــجنسهم تـــرحلهم اللي اهـــــــــــــووو



لكن مصيبه ان يكون عندك 100 الف انسان

قاعدين بالكويت بصفه غير قانونيه


والحكومه تاركه الموضوع من اكثر من 25 سنه

وكل يوم عددهم يــزيد


وقاعده تكبر هالقضيه مثل كرة الثلج ، والحكومه تكتفي بالتفرج​