سؤال وجواب الجرذان النرويجية ؟؟؟

[النوف]

سمعت عن جرذان نرويجية منتشرة بالكويت

وخاصة بالجليب والصليبية ،،.

ويقولون انها تاكل الأطفال !!!!

وفيها أمراض بعد،...

هل الخبر صحيح ام اشاعة من جريدة الوطن ؟؟؟؟!!!!​

 

[انسانه]

اي والله هم انا سمعت بس احسها اشاعه وخرابيط

شلون وصلو للكويت؟؟

 

[بن ذى يزن]

شلون وصل الصرصور للبلد

في بواخر وتنزل منه لك


خبر صحيح ويحاولون التكتيم عليه
واكثر المناطق الشاليهات

 

[الاعصااار]

اللي اعرفه انه الميكروبات اللي يحملها الجرذي بجسمه هي
اللي تنشر الطاعون بعدين لوفيهن طاعون من زمان انتشر لانه
اسطبلات الجهراء ماتمر البلديه بالمره عليها والزبايل كثيره
اهل الاسطبلات يحرقونها بنفسهم يعني لو في مرض كان طلع

 

[Desert Eagle]

وش جابها من النرويج للكويت ؟!

من قراده حظنا .. !!

 

[السلطان العثماني]

توصل للكويت من السفن الخشبية .. موانئ الكويت حيوية .. عادي توقع اي شي يجي الكويت

بس ماأتوقع شلون هالفار يتكيف على اجواء الكويت ؟​

 

[meshal]

اي والله هم انا سمعت بس احسها اشاعه وخرابيط

شلون وصلو للكويت؟؟

قبل كم سنه شفت الـ نمس يتمشى بالميناء وحتى صورته وراحت مني الصوره الشاهد بسبب السفن والبضايع .

 

[النوف]

شكراً لكم جميعاً لمروركم وإجابتكم ،...

بس الزميل meshal

هل تؤكد وجود الجرذ في الكويت

صراحة شكله يخوووف​

 

[ملك القراصنة]

انا شفته بعيني حجمه كبير حيل

 

[النوف]

انا شفته بعيني حجمه كبير حيل

يقولون كأنه قطو عادي،،..بس وين شفته؟؟​

 

[ملك القراصنة]

يقولون كأنه قطو عادي،،..بس وين شفته؟؟​

كنت مار صوب كنتاكي الفروانيه واشوف ناس واقفين وازعاج ولا واحد مطلع جرذي ميت من المطعم

حجمه تقريبا كبر القطو

 

[تأبط خيرا]

الجزذ النرويجي اتوقع هو نفسه اللي أسمه أبو العريص

بصراحة خطر جدا وخطورته تكمن أنه جدا ذكي

ونعم موجود بالكويت ومنتشر وكل يوم قاعد يزيد

والسبب هم مافيه مكافحة حقيقية له

وشبكة الصرف الصحي تربط الكويت فيقدر يتنقل بكل سهوله

وحجمة اصغر من القطو بشوية

وهذا مقطع يبين ذكائة وقدراته الجسدية


http://www.youtube.com/watch?v=tkYP2eQ0ElE


انتبهوا لا يطلع عليكم هههههههههه


​

 

[الديفي]

النرويجي بطفولتي بالثمانينات اتذكر كنت اجلس فوق السطح ببيت خالي القديم بالقادسيه ونراقب حوش الدبش اللي تحت ونلزم الهدوء التام .. شوي ولا ذاك اللي يشم طريقه بحذر شديد ومتردد نطرته لي صار بمجال الرمي جان ارميه بأم صجمه براسه.. واصبت راسه وفرك راسه بيده بسرعه وانحاش بسرعة البرق .. يا كبره كبراه تقول قطو وما مات .. ام صجمه ما اثرت فيه
طبعاً الحين منعو احواش الدبش وتربية الغنم والابقار بالبيوت مثل زمان
النرويجي المشكله انه ذكي يعرف شكلك لما يشوفك .. واذا ضربته يحقد عليك ويتحين الفرصه لينتقم منك

 

[بن ذى يزن]

الديفي شلون ولدك قط الحفاظه
سألتلك فيها قالولي خله يلبس معاه
ويوريه انه خلاص قطها وراح يقطها معاه

هههههههههههه

 

[انسانه]

الجزذ النرويجي اتوقع هو نفسه اللي أسمه أبو العريص

بصراحة خطر جدا وخطورته تكمن أنه جدا ذكي

ونعم موجود بالكويت ومنتشر وكل يوم قاعد يزيد

والسبب هم مافيه مكافحة حقيقية له

وشبكة الصرف الصحي تربط الكويت فيقدر يتنقل بكل سهوله

وحجمة اصغر من القطو بشوية

وهذا مقطع يبين ذكائة وقدراته الجسدية


http://www.youtube.com/watch?v=tkYP2eQ0ElE


انتبهوا لا يطلع عليكم هههههههههه


​

اي هم انا اتوقع اهو نفسه ابو العريص واساسا موجود من زمان بالكويت مو شي جديد

 

[kuw112]

قبل سنه صت فار ابوعريص(النرويحي)

بس للاسف ماصته الا بعد 3 اسابيع من محاوالات , فار ذكي بكل معنى , يدخل بالمرزام ويوصل للسخان المخفي بدور الارضي وهي مكان شقتي , ويحفر بديكور وازعجنا بصواته وحركاته في ليل , قلت يا انا ياهو بالبيت اتصلت على المكافحه القراوض بوزاره الصحه وقالي بعد سبوع نمر عليك !! وانا مافيني صبر , رحت الجمعية جابر العلي التعاونية واشتري 10 لاصق حجم كبير وفليت ذبان , وبعد عرفت مكانه دخوله للبيت عبر المرزام , وزعت الاصق حوليه , ودخلت البيت وبرش فليت من فتحه الديكور حتي يتضايق ويطيح بالفخ , بس للاسف مانجحت الخطه ونقز قوق الاصق , وادق سلف وروح الجمعية و شتري 10 لاصق اضافي واذا في خير خلا ينقز !!

خليته يولي ورحت نمت , ثاني يوم لقيته ميت بالاصق

 

[مقص الرقيب]

النرويجي هو ابوالعريص المعروف ، واللي يروح منطقة جبد اكيد شايفه بكثره هناك

المشكله هي غزوه للمناطق السكنيه ، والمصيبة فتح وتبديل مجاري الصرف

بالشوارع اللي البلديه تقوم فيه حاليا .


عموما محلات النصف اللي في الشويخ عنده سم متخصص

للنرويجي وحده بوحده


​

 

[ولد وايل]

يا ويلج يالنوف .. تراه عندج قريب مو بعيد .. حواليج بالبيت ..

بالمناسبة هو ترى " أبو العريص " ومنتشر كثيراً .. خاصة في الاماكن البريه " الجواخير والمزارع "

وياما قتلنا منهم .. بالمزرعه .. في " أم صكمه " .. مالهم حل .. غير متابعتهم بشكل مستمر .. والقضاء عليهم .. ​

 

[إنفصام]

ولا دخل علينا من النرويج الا فيرانها















نتمني ايضا دخول غيرهم

​

 

[خجـل]

الجرذان تخرع وهالمره بعد بهالحجم مقرف ​

بس سؤال دايم اسمعكم تطرون ام صجمه او صكمه شمعتاها فضول بس ؟؟ ​