أفيدونا ياأعضاء الشبكه

[سيادة الدولة]

صبحكم الله بالخير


أخوكم مرقابي يعاني من أزمات بالجهاز الهظمي

إنتفاخات بشكل عجيب غريب والله مرات ألبس الدشداشه زراراتها أحس أنها بتنشلع وطبعا التي شيرتات ودعتهم من زمان لأن الجسم ضعيف وكرش جني مجاعه !.



أبي دكتور جهاز هظمي زين وممتاز وأدويته زينه لأني عجزت وأنا أتفرفر إلى الآن أعاني من إرتجاع بالمعده وقولون متهيج مشكلتي أحب العيوش واللحم ومااقدر افارقهم وأحب الزقاير والبيبسي وهالأشياء مانعينهم عني بس آكلهم وموراد على الدكاتره.


أبي دكتور زين ولي يعافيكم

:وردة:

 

[الجمآن]

وعليكم السلام اخوي مرقابي

سلامتك وعسى الله يعافيك ويتم عليك الصحة

بالنسبة لسؤالك اخوي
اذا تؤمن بالطب البديل (( طب الاعشاب))
فالدكتور يوسف البدر ود. سرا ج الموسوي
اثنينهم روعة ويعطونك ادوية طبيعية من الاعشاب مو كيماوية
طبعا بعد الفحوصات ومعرفة الاسباب ...


وبالشفاء ان شاءالله ...~​

 

[سيادة الدولة]

وعليكم السلام اخوي مرقابي​

سلامتك وعسى الله يعافيك ويتم عليك الصحة​

بالنسبة لسؤالك اخوي
اذا تؤمن بالطب البديل (( طب الاعشاب))
فالدكتور يوسف البدر ود. سرا ج الموسوي
اثنينهم روعة ويعطونك ادوية طبيعية من الاعشاب مو كيماوية
طبعا بعد الفحوصات ومعرفة الاسباب ...​

وبالشفاء ان شاءالله ...~​

الله يسلمج ويعافيج اختي الجمان وجزاج الله الف خير ,,

والله نصيحه من ذهب وشكلي بروح لهم

بس البدر أي صوب مكانه ؟ ومنو أفضل البدر ولا الموسوي ؟

 

[الجمآن]

واياك اخوي

اثنينهم ممتازين للامانة بس البدر يطلب عليك التحاليل من بره
الموسوي تحاليلك من ضمن الفحص
وعالعموم تقدر تسال قوقل ما يقصر معاك بهالاثنين بالذات
حتى تطمئن..ْ

البدر عيادته بالمهلب فوق
والموسوي تاخذ فوق تحت عقب اشارة مستشفى السيف

وبالتوفيق ان شاءالله

 

[سيادة الدولة]

واياك اخوي

اثنينهم ممتازين للامانة بس البدر يطلب عليك التحاليل من بره
الموسوي تحاليلك من ضمن الفحص
وعالعموم تقدر تسال قوقل ما يقصر معاك بهالاثنين بالذات
حتى تطمئن..ْ

البدر عيادته بالمهلب فوق
والموسوي تاخذ فوق تحت عقب اشارة مستشفى السيف

وبالتوفيق ان شاءالله

الجمان شنهي التحاليل ماعندج خبر ؟

والبدر عليه ضغط ولا أوكي ؟

المهلب تقصدين فوق عند من تايم سبا مال الرجال والنساء ؟

 

[الجمآن]

التحاليل حسب حالتك مقدر احددلك
ومكانه مثل ما تفضلت بالمهلب فوق
ولازم تاخذ موعد عند اللي تبي تروحله علشان تضمنه موجود مو مسافر
الدكتور نحصله على تويتر تقدر تستفسر منه عن اللي تبي

د يوسف البدر‏@Dralbader

 

[سيادة الدولة]

التحاليل حسب حالتك مقدر احددلك
ومكانه مثل ما تفضلت بالمهلب فوق
ولازم تاخذ موعد عند اللي تبي تروحله علشان تضمنه موجود مو مسافر
والدكتور البدر نحصله على تويتر تقدر تستفسر منه عن اللي تبي

د يوسف البدر‏@Dralbader

بارك الله فيج ويعطيج ألف عافيه

:وردة::وردة:

 

[أبوطلال]

صبحك الله بالنور ...​

وسلامات يامرقابى وماتشوف شر ان شاء الله ...​

اعتقد القولون المتهيج ..علاجه فى نوعية الاكل ...يجب عليك الالتزام بنصائح الاطباء
بمامنع عنك من بعض الطعام ...وخاصة ليلا ..
او عدم العشاء والاستغناء عنه او بفواكة فقط او بطاط مفيوح ..
مأكولات تسبب تهيج القولون ..الفلافل والبقوليات بانواعها الفول العدس وكذلك مشتقات الحليب او الاجبان الشيدر ..والاكل الدسم ..
وخاصة للقولون العصبى يجب ان تبعد عن الزعل و التفكير وعدم الاهتمام بكافة الامور...
الصحة اهم شئ ويجب الاهتمام بها
..والتقيد وانت الله يهداك طايح له عيوش ولحم وبيبسى
وفوقهم تشرب تتن بعد ..!.!!!​

سلامات و بالشفاء العاجل ...:وردة:​

 

[سيادة الدولة]

صبحك الله بالنور ...​

وسلامات يامرقابى وماتشوف شر ان شاء الله ...​

اعتقد القولون المتهيج ..علاجه فى نوعية الاكل ...يجب عليك الالتزام بنصائح الاطباء
بمامنع عنك من بعض الطعام ...وخاصة ليلا ..
او عدم العشاء والاستغناء عنه او بفواكة فقط او بطاط مفيوح ..
مأكولات تسبب تهيج القولون ..الفلافل والبقوليات بانواعها الفول العدس وكذلك مشتقات الحليب او الاجبان الشيدر ..والاكل الدسم ..
وخاصة للقولون العصبى يجب ان تبعد عن الزعل و التفكير وعدم الاهتمام بكافة الامور...
الصحة اهم شئ ويجب الاهتمام بها
..والتقيد وانت الله يهداك طايح له عيوش ولحم وبيبسى
وفوقهم تشرب تتن بعد ..!.!!!​

سلامات و بالشفاء العاجل ...:وردة:​

يسلمك اخونا الجبير بوطلال :وردة:


ماأقدر وانا أخوك الدسم لابد منه ماأقدر أقاطعه وظيف عليهم القهوه على طول بالدوام فنجان ورى الثاني الدله تشكي


بالنسبه للنفسيه الله كريم ,, والتتن ماقدر أقاطعه صاير جني عبيد الوسمي أدخن وايد

اشكرك يالغالي على النصايح

 

[ولد وايل]

ما تشوف شر ..


لا تكثر من " البارد "

وعليك بالفقع .. يقولون زين للأمعاء .. وهم قبل لا تنام شوية لحيمه من فخذ الدجاجه .. يقولون زينه


وعلى قولة المصريّه الممرضه ..

بالشفاء ان شاء الله << يتفخيم الكلمات والاحرف ​

 

[سنـين التّيــــهـ..]

صبحكم الله بالخير


أخوكم مرقابي يعاني من أزمات بالجهاز الهظمي

إنتفاخات بشكل عجيب غريب والله مرات ألبس الدشداشه زراراتها أحس أنها بتنشلع وطبعا التي شيرتات ودعتهم من زمان لأن الجسم ضعيف وكرش جني مجاعه !.



أبي دكتور جهاز هظمي زين وممتاز وأدويته زينه لأني عجزت وأنا أتفرفر إلى الآن أعاني من إرتجاع بالمعده وقولون متهيج مشكلتي أحب العيوش واللحم ومااقدر افارقهم وأحب الزقاير والبيبسي وهالأشياء مانعينهم عني بس آكلهم وموراد على الدكاتره.


أبي دكتور زين ولي يعافيكم

:وردة:

ماتشوف شر ان شالله..




انت ماتحب نفسك...الله يهداك...ليش كل هذا..


عيوش وبيبسي...هذا يسمونه انتحااااار...


لو عدلت اكلك ماراح تحتاج لدكتور..



الصحه غاليه...لا تفرط فيها....​

 

[سيادة الدولة]

ما تشوف شر .. ​

لا تكثر من " البارد " ​

وعليك بالفقع .. يقولون زين للأمعاء .. وهم قبل لا تنام شوية لحيمه من فخذ الدجاجه .. يقولون زينه ​

وعلى قولة المصريّه الممرضه ..​

بالشفاء ان شاء الله << يتفخيم الكلمات والاحرف ​

الشر مايجيك بن وايل جزاك الله خير


الفقع مطهر للأمعاء حسب ماقرأت بالفعل والدجاج ماني صوبه الا اذا كان مجبوس


:وردة:

 

[سيادة الدولة]

ماتشوف شر ان شالله..​

انت ماتحب نفسك...الله يهداك...ليش كل هذا..​

عيوش وبيبسي...هذا يسمونه انتحااااار...​

لو عدلت اكلك ماراح تحتاج لدكتور..​

الصحه غاليه...لا تفرط فيها....​

المشكله دائما مانهتم بأشكالنا من الخارج فيما أنا صحتنا تعبانه داخل

تتن وشيشه واقعد على اللابتوب ساعات تدش علي امي تقومني غصب اهي الوحيده تقدر علي


ماقدر أعدل أكلي والله ,, الدوانيه والزواره والعروس تحدني على الدسم والله مجتمعنا يهف هف يموت على الدسم

جزاج الله خير على السؤال :وردة: