سؤال وجواب بنك بوبيان vs بيت التمويل

joblak

عضو فعال
السلام عليكم ورحمة الله وبركاته

اخواني انا في بيت التمويل على مديونيه 3 الاف دينار وودي احول راتبي على بنك بوبيان شرايكم ببنك بوبيان هل هو فعلا احسن من بيت التمويل من ناحية الخدمات ونسب الارباح وشلون طريقة تحويل معاشي بالظبط ؟

سؤال للاخ عبدالله بالذات ولكم جميعا
مشكورين
 

مساعد الشويب

عضو بلاتيني
شخصياً اعشق البنك الوطني


شوف اخوي

من حيث الخدمات والانتشار الافرع التموين بلا منازع
والي الان بوبيان يعتبر مبتدء

اما بخصوص التحويل الي بنك اخر

يتطلب منك ان تدفع كافه المستحقات الي عليك لبنك التموين
لتستطيع ان تحصل ع برائه الذمه وغالبا لاتنزل قبل الــ ٤٠ يوم

خلال ٤٠ يوم هذي تروح تفتح حساب ‏​فــي بوبيان
وتروح لدوامك وتعطيهم كشف الحساب الجديد


ولكن كما ذكرت لك بوبيان يعتبر مبتدء
 

عبدالله .

عضو بلاتيني
كتبت رد امس وللأسف انمسح
شوف ياخوي بدايةً بنك بوبيان بنك إسلامي 100% الوطني مستثمر فيه لا اكثر ولا اقل
واسأل شيوخ الدين وراح يفيدونك على فكرة اكثر من مرة انطرح عليهم هالسؤال وجابوا بأن لاحرج على بوبيان ولايعتبر ربوي لمجرد امتلاك الوطني لأكبر حصة اسهم فيه
اخوي مساعد تثبت الله يهديك لو ربوي انا اول من قدم استقالتي والكثير مثلي من هالبنك

ثاني شي بالنسبة لتحويل الراتب
بدايةً تسكر اللي عليك بالتمويل إذا بس عندك تورق فبراءة الذمة تاخذ 10 ايام عمل بالكثير
وإذا عندك فيزا فتنطر 45 يوم او انك تدفع لهم تأمين وهو مبلغ الفيزا إلى ان تطوف مدة الـ 45 يوم وعقب يردون لك فلوسك

بحال كنت موظف مدني تطلب منهم إزالة اسمك من النظام المتكامل وتتجه لبنك بوبيان تفتح حساب وراح تنضاف بالنظام المتكامل
وإذا كنت عسكري بس تاخذ براءة الذمة وتتجه لبنك بوبيان تفتح حساب وتاخذ ورقة تحويل الراتب
راح تاخذ ورقة تحويل الراتب وبراءة الذمة لمقر عملك وهناك يتم تحويل راتبك

بالنسبة للخدمات بدايةً حساب الراتب مصنف لكذا تصنيف
اول شي راح تستلم بطاقة السحب الآلي وفيزا مجانية ماراح يتم تفعيلها إلا بموافقتك وتوقيعك بنفس اليوم اللي تفتح فيه الحساب او بالاحرى بعد فتح الحساب بربع ساعة
خدمة المسجات مجانية اول سنة وثاني سنة بــ 2 دينارين
الحساب مجاني
بتاخذ باقة فيها مجموعة من الهدايات والخصومات مثل
خصم عالتأمين الشامل للسيارات 50%
خصم على تأمين السفر الشخصي 50%
خصم 250 دينار على اي سيارة جديدة محولها اقساط على بوبيان
وعندك فرصة تربح ذهب اقل شي 2.5 غرامين ونص لازم تربح مافي حظ اوفر بس بشرط تفعل الفيزا والفيزا مجانية ماعليها رسوم اول سنة وفيها خصم عالمشتريات بـ 5%

واي سؤال انا حاظر
 

joblak

عضو فعال

ثاني شي بالنسبة لتحويل الراتب
بدايةً تسكر اللي عليك بالتمويل إذا بس عندك تورق فبراءة الذمة تاخذ 10 ايام عمل بالكثير
وإذا عندك فيزا فتنطر 45 يوم او انك تدفع لهم تأمين وهو مبلغ الفيزا إلى ان تطوف مدة الـ 45 يوم وعقب يردون لك فلوسك

بحال كنت موظف مدني تطلب منهم إزالة اسمك من النظام المتكامل وتتجه لبنك بوبيان تفتح حساب وراح تنضاف بالنظام المتكامل


حبيب اخوك عبدالله لكن عندي هالنقطتين يبيلهم شرح
اولا بالنسبه للفيزا اللي عندي عادي اقدر اكنسلها باي وقت مو شرط 45 يوم الفيزا اللي عندي اللي اهي بطاقة خير انا اعبيها واصرف منها

والنظام المتكامل شنو بالظبط ؟
على فكره انا مدني مو عسكري

قواك الله :وردة:
 

عبدالله .

عضو بلاتيني
حبيب اخوك عبدالله لكن عندي هالنقطتين يبيلهم شرح
اولا بالنسبه للفيزا اللي عندي عادي اقدر اكنسلها باي وقت مو شرط 45 يوم الفيزا اللي عندي اللي اهي بطاقة خير انا اعبيها واصرف منها

والنظام المتكامل شنو بالظبط ؟
على فكره انا مدني مو عسكري

قواك الله :وردة:

الله يقوييك ياخوي
شوف بطاقة الخير ماهي التزام عالعميل ابداً لأنها بطاقة مسبقة الدفع ويقدر اي شخص يطلعها مو لازم يكون عميل للبنك فهاذي ماعليها مشكلة
حالياً اللي عليك كونك موظف مدني
1- تدفع المستحق عليك لبيت التمويل .
2- تطلب براءة ذمة منهم
3- اليوم اللي تستلم فيه براءة ذمة من بيت التمويل تطلب منهم إزالة اسمك من النظام المتكامل
والنظام المتكامل هو نظام الرواتب الخاص بالموظفين المدنيين
4- تتوجه لبنك بوبيان وتفتح حساب وتقدر تسوي هالخطوة بأي وقت مو لازم تنطر براءة الذمة يعنيي
5- موظف بوبيان يضيفك بالنظام المتكامل بعد إزالة اسمك من قبل بيت التمويل
وبجذي راتبك راح يتحول على بوبيان

واي استفسار اعطيك رقمي ونتواصل اشوف لو فرعي قريب منك نتشرف بزيارتك وافتح لك الحساب
 

Aragon

عضو ذهبي

افا طلع مضروب بعد ؟؟؟
عموما انا علي من تعاملي الشخصي مع البنك ولا اتحمل وزر معاملاته الربويه او غيرها مادام مالي الخاص ما يتعامل فيها
شكرا لك

بوبيان إسلامي بحت، لكن لما خسر شروه الوطني وداروه بطريقة إسلامية ومختلفة عن الوطني.. علشان يكسبون الإسلاميين والربويين :cool:

بس تطمن إسلامي، لكن لأن الإدارة من الوطني فالكفاءة عالية.

نصيحة حول لبوبيان.
 

بدركوم

عضو مميز
الله يقوييك ياخوي
شوف بطاقة الخير ماهي التزام عالعميل ابداً لأنها بطاقة مسبقة الدفع ويقدر اي شخص يطلعها مو لازم يكون عميل للبنك فهاذي ماعليها مشكلة
حالياً اللي عليك كونك موظف مدني
1- تدفع المستحق عليك لبيت التمويل .
2- تطلب براءة ذمة منهم
3- اليوم اللي تستلم فيه براءة ذمة من بيت التمويل تطلب منهم إزالة اسمك من النظام المتكامل
والنظام المتكامل هو نظام الرواتب الخاص بالموظفين المدنيين
4- تتوجه لبنك بوبيان وتفتح حساب وتقدر تسوي هالخطوة بأي وقت مو لازم تنطر براءة الذمة يعنيي
5- موظف بوبيان يضيفك بالنظام المتكامل بعد إزالة اسمك من قبل بيت التمويل
وبجذي راتبك راح يتحول على بوبيان

واي استفسار اعطيك رقمي ونتواصل اشوف لو فرعي قريب منك نتشرف بزيارتك وافتح لك الحساب

لازم يكون عميل وعنده حساب في بيت التمويل علشان يطلعها ثم ان بوبيان كان يقدم فيزا مسبقة الدفع واوقفوها قبل سنتين بحجة من البنك المركزي بينما البنوك الاخرى مستمره فيها !!

اما موظفين بوبيان حدث بلا حرج مافي مهنية ولا يعرفون طبيعة عملهم
 

عبدالله .

عضو بلاتيني
لازم يكون عميل وعنده حساب في بيت التمويل علشان يطلعها ثم ان بوبيان كان يقدم فيزا مسبقة الدفع واوقفوها قبل سنتين بحجة من البنك المركزي بينما البنوك الاخرى مستمره فيها !!

اما موظفين بوبيان حدث بلا حرج مافي مهنية ولا يعرفون طبيعة عملهم

للأمانة اتا مو متأكد من بطاقة الخير إذا لازم عميل البنك ولا لأ
لكن من ناحية ائتمانية المفروض ماتفرق واي شخص يقدر يطلعها لان تصنيفها بطاقة مسبقة الدفع وليست فيزا بحد ائتماني تكون دين للبنك على العميل مثل بطاقة بوبيان مسبقة الدفع اللي كانت موجودة في بوبيان
وتم إيقافها لأسباب داخلية من البنك مو من البنك المركزي !!!!

وياليت ياخوي ماتعمم تجربة على كل موظفين بوبيان
الحين موظفي التمويل مثلاً هل كلهم نفس الشي لأ طبعاً
 

بدركوم

عضو مميز
للأمانة اتا مو متأكد من بطاقة الخير إذا لازم عميل البنك ولا لأ
لكن من ناحية ائتمانية المفروض ماتفرق واي شخص يقدر يطلعها لان تصنيفها بطاقة مسبقة الدفع وليست فيزا بحد ائتماني تكون دين للبنك على العميل مثل بطاقة بوبيان مسبقة الدفع اللي كانت موجودة في بوبيان
وتم إيقافها لأسباب داخلية من البنك مو من البنك المركزي !!!!

وياليت ياخوي ماتعمم تجربة على كل موظفين بوبيان
الحين موظفي التمويل مثلاً هل كلهم نفس الشي لأ طبعاً

لا تأكد استخراجها يحتاج الي فتح حساب ويكون فيه مبلغ لتقوم بتحويل منه المبالغ لبطاقة الخير

وحديثي كان عن بعض الموظفين فأنا بجميع اراي وانتقاداتي لا اجمع بل اخص البعض واذكر ما اواجه شخصياً

تحياتي لك
 

مساعد الشويب

عضو بلاتيني
كتبت رد امس وللأسف انمسح
شوف ياخوي بدايةً بنك بوبيان بنك إسلامي 100% الوطني مستثمر فيه لا اكثر ولا اقل
واسأل شيوخ الدين وراح يفيدونك على فكرة اكثر من مرة انطرح عليهم هالسؤال وجابوا بأن لاحرج على بوبيان ولايعتبر ربوي لمجرد امتلاك الوطني لأكبر حصة اسهم فيه
اخوي مساعد تثبت الله يهديك لو ربوي انا اول من قدم استقالتي والكثير مثلي من هالبنك

ثاني شي بالنسبة لتحويل الراتب
بدايةً تسكر اللي عليك بالتمويل إذا بس عندك تورق فبراءة الذمة تاخذ 10 ايام عمل بالكثير
وإذا عندك فيزا فتنطر 45 يوم او انك تدفع لهم تأمين وهو مبلغ الفيزا إلى ان تطوف مدة الـ 45 يوم وعقب يردون لك فلوسك

بحال كنت موظف مدني تطلب منهم إزالة اسمك من النظام المتكامل وتتجه لبنك بوبيان تفتح حساب وراح تنضاف بالنظام المتكامل
وإذا كنت عسكري بس تاخذ براءة الذمة وتتجه لبنك بوبيان تفتح حساب وتاخذ ورقة تحويل الراتب
راح تاخذ ورقة تحويل الراتب وبراءة الذمة لمقر عملك وهناك يتم تحويل راتبك

بالنسبة للخدمات بدايةً حساب الراتب مصنف لكذا تصنيف
اول شي راح تستلم بطاقة السحب الآلي وفيزا مجانية ماراح يتم تفعيلها إلا بموافقتك وتوقيعك بنفس اليوم اللي تفتح فيه الحساب او بالاحرى بعد فتح الحساب بربع ساعة
خدمة المسجات مجانية اول سنة وثاني سنة بــ 2 دينارين
الحساب مجاني
بتاخذ باقة فيها مجموعة من الهدايات والخصومات مثل
خصم عالتأمين الشامل للسيارات 50%
خصم على تأمين السفر الشخصي 50%
خصم 250 دينار على اي سيارة جديدة محولها اقساط على بوبيان
وعندك فرصة تربح ذهب اقل شي 2.5 غرامين ونص لازم تربح مافي حظ اوفر بس بشرط تفعل الفيزا والفيزا مجانية ماعليها رسوم اول سنة وفيها خصم عالمشتريات بـ 5%

واي سؤال انا حاظر

اخوي انا اتكلم من باب التجربه

اقترضت من الوطني 20 الف وبعد 6شهور رديتلهم 18700
وطاحت الفايده ع طووووول

ولكن التموين يقوووولك اسمحلي مايطيح شي من الفايده
 

meshal

عضو بلاتيني
اخوي انا اتكلم من باب التجربه

اقترضت من الوطني 20 الف وبعد 6شهور رديتلهم 18700
وطاحت الفايده ع طووووول

ولكن التموين يقوووولك اسمحلي مايطيح شي من الفايده

أكيد ما يطيح الفايده - المعامله مرابحه ما هي ربا .
وأحمد ربك ما إستمريت معاهم كم سنه كان دفعوك 25 زود حالك حال الناس اللي دمر بيوتها بنك الحرامي أبوالجمل :)
 

عبدالله .

عضو بلاتيني
اخوي انا اتكلم من باب التجربه

اقترضت من الوطني 20 الف وبعد 6شهور رديتلهم 18700
وطاحت الفايده ع طووووول

ولكن التموين يقوووولك اسمحلي مايطيح شي من الفايده

لازم تعرف الفرق بين الفائدة والارباح
بعدين راح تعرف شنو الفرق بين ان الفايدة تطيح والارباح ماتطيح
 
أعلى