سؤال وجواب التكييف المركزي ( السنترال )

[جيمس بوند الكويت]

يعطيكم العافية

لو عندي ارض ببنيها راح يكون افضل واوفر لو ابنيها بنيان عادي واركب وحدات

شلي يخليني اختار التكييف المركزي ؟؟

شكثر تكلفته وشنهي مميزاته والفوارق بينه وبين الوحدات ؟؟

 

[Anu]

يا الحبيب انا عندي بنيان يديد و متعاقد مع يورك اليوسفي كلفني 10 الف ونص
وعندنا بالبيت حاليا ترين على ايامه كان الوحيد الامريكي الحين يقولون صاروا يجمعونه بالسعوديه او مادري وين فاخذت يورك

 

[Blue_Bubbles]

أوفر على المدى الطويل بالصيانة وبرودة المنزل لا تقارن بالمكيفات العادية
عندي بيت دورين ونص سرداب كلفني 6000 دينار من شركة كولكس وماخذ 31 طن تكييف
وموزع على خمس مكاين، لكل دور مكينتين والسرداب وحده مع وجود وحدات التدفئة بكل مكينة.
يعني بالصيف تشغله للتبريد وبالشتا تشغله للتدفئة.​

 

[أبا بدر]

أهم شي
،،

لا تضيع استثمارك
،،
التكيف المركزي يزيد من قيمه البيت مقابل التكيف العادي
هذا اهم شي
لانك تستثمر قبل ان تسكن
،،
ناهيك عن ان المركزي يخلي البيت صحي جو متعادل
امل الوحدات

حار بارد حار بارد

الممر حار الغرفه بارده
و الاطفال امراض و الذي منه

المركزي افضل بجميع المقايس و اوفر للكهرباء ايضا

الحكومه مشدده ع الكهرباء هالايام

ولك مني افضل الدعوات بالتوفيق في بيت العمر

​

 

[joblak]

يا الحبيب انا عندي بنيان يديد و متعاقد مع يورك اليوسفي كلفني 10 الف ونص
وعندنا بالبيت حاليا ترين على ايامه كان الوحيد الامريكي الحين يقولون صاروا يجمعونه بالسعوديه او مادري وين فاخذت يورك

لا يحوشك يورك ببيت اخوي دايم تخرب ومتوهق فيها عليك بكولكس ببيتنا من سنة 97 لي الحين ماشاء الله تبارك الله كد ومد

ويورك اسأل عنها قبل لا توهق فيها ترى كل اللي خذوها توهقوا فيها

 

[سيادة الدولة]

افضل شركه هي كولكس ,, إنتاج كويتي وسعودي

قطع الغيار متوفره بكل مكان


بس عيبهم ان الاداره تعيسه لكن ككفاءة المعدات لاتحاتي ممتازين

 

[اليعربي]

كولكس امريكي تجميع سعودي

سعر مناسب وجوده

التكيف اكيد مركزي للبيت كله

وحدات حطها حق الديوانيه او المطبخ وغيره من الغرف في السرداب او الغرف الي بالحوش للسائق او لامور اخرى لانها غالبا يفتح الباب فيها وهذا طبعا يخرب التكييف المركزي فافضل شي الوحدات

 

[جيمس بوند الكويت]

أهم شي

،،​

لا تضيع استثمارك
،،
التكيف المركزي يزيد من قيمه البيت مقابل التكيف العادي
هذا اهم شي
لانك تستثمر قبل ان تسكن
،،
ناهيك عن ان المركزي يخلي البيت صحي جو متعادل
امل الوحدات​

حار بارد حار بارد​

الممر حار الغرفه بارده
و الاطفال امراض و الذي منه​

المركزي افضل بجميع المقايس و اوفر للكهرباء ايضا​

الحكومه مشدده ع الكهرباء هالايام​

ولك مني افضل الدعوات بالتوفيق في بيت العمر​

شكرا على تفاعلكم :وردة:

 

[meshal]

المركزي أفضل أبعد عن الوحدات وله كذلك بعض السلبيات لكن أفضل من الوحدات .
وبالمجمل كل التكييف الصناعي مضر على صحة الإنسان بحسب الدراسات المنشورة .

نصيحة بما أنك مقبل على بنيان أدخل موقع المهندس الكويتي قسم التكييف وإستفيد من المعلومات الموجوده
http://kw-eng.net/vb/forumdisplay.php?f=9​