سؤال وجواب المرحاض طلعني من طوري

[عزيز وغالي]

يا جماعة الخير عندي مرحاض اعزكم الله بالدور الاول ويخر ماي توني مسويه ما صار له 3 شهور
لما شفته لقيت شقوق بين الارضيات
انا شفت ماده لونه اسود بين الارضيات بحمامات الوزارات

ياليت حد يعطيني اسمها او وين الاقيها مو مشكله حتي لو كانت غاليه بحطها
الماي خراب البيوت
وهذا الحمام جنني وطلعني مو طوري قاط عليه 700 دينار ماله 3 شهور

 

[جيمس بوند الكويت]

ياخوك لو كل كوتي يتعلم ويعلم الي حوله كهربا وصحية ومكنيكا جان محد نصب علينا

بس ماني عارف ليش ربونا على الاتكالية على هالوافدين


عانك الله

 

[سيادة الدولة]

مساء الخير


الحمام عزكم الله محتاج عازل وهذا المفروض تسويه قبل لاتحط البورسلان


يعني راح تكسر

الماده السوده اسمها بولي فليم

انت لازم الحين تعزل الحمام لانك بهالطريقه تأثر على الخرسانه وشيك على كل حماماتك ومطابخك بإستثناء الدور الارضي لان مايحتاج عازل



سؤال

هل عزلت السطح ؟



هل عزلت الحمامات والمطابخ ؟؟

 

[تأبط خيرا]

لك حل أخير قبل التكسير

أتوقع ان المعلم ما شربت لك الارضية مضبوط


جرب سو شربته حق الارضية

لكن بشربة خاصة أظن مخلوط فيها مادة الابوكسي

وتحصلها عند محل ابل او المحلات المتخصصة

وفيها الوان

بس اهم شئ اتعب علي المعلم

تري ما تكلفك الا 20 دينار او 25 مع العامل

 

[ابو فهد العنزي]

الوافدين نهبونا والله

ياجماعه الى متى والغالبية بارد ومايتحرك ؟؟؟؟؟


تحركوا فان بالحركة بركة وشفاء للهموم وتيسير للحاجات .


اعانك الله اخي

 

[Blue_Bubbles]

شربته واخلص.. الموضوع ما هو كبير​

 

[عزيز وغالي]

بارك الله فيكم اخواني لنصايحكم

وانا مسوي طربال ومبدل كل البايبات جديده عدساني اصلي

واليوم جبت عامل وخليته يعيد الشربته ويدخلها عدل بين فتحات الارضيه بالاسمنت الابيض
وان شاء الله تضبط الامور
والله اني افكر جدي ان ما صلح اغير مكان الحمام والله يعين علي الخساير
والله يعينا علي العماله الي ما تخاف الله