وين البنك المركزي عن شركة اصوول

nassay

عضو فعال
انا سددت شركه اصول في سنه 2007 مبلغ المديونيه كامل وكان فيه رئيس مجلس الاداره قالولي ان سددت المبلغ كامل راح يخصملك من المبلغ المهم سسدده كامل وفعلا خصملي مبلغ 600 دينار تقريبا المهم خذيت براءة الذمه منهم صدفه ذاك اليوم بسافر وباخذ من البنك فيزا قالي البنك عليك مديونيه بشركة اصول قلت لهم يا جماعه شركه اصول مسددها وعندي براءة الذمه منهم المهم البنك قال ماقدر اسويلك شي لان الساي نت طالع عليك لازم يشيلونه مبلغ 600 دينار
رحت الشركه لقيت ناس وايد مثلي ونفس الطريقه بعد ما دشيت على الموظف قال سدد المبلغ اللي اهوه 600 ونشيل عنك الساي نت قلت لهم يا جماعه انا عندي براءة ذمه قالو ندري انكك مسدد بس احنا رجعنا بكلامنا مع كل العملاء اللي عطيناهم خصم
قلت طيب روحوو اشتكو قال ما نقدر نشتكي تبي نشيل عنك الساي نت سدد ما تبي روح اشتك علينا وندري انه راح نشيله بعد الحكم قلت له يا طويل العمر انا مستعجل قال حنا نبي المستعجلين امثالك يسدد ونشيل عنه اللي مووو مستعيل ما نبيه طيب هذا باي قانون باي عرف يصير هل شي مع هل ناس
طلعت منهم ولا بيدي شي يا اني اسدد يا اني اشتكي وارفع عليهم قضيه وانطر كم شهر لما اخذ حكم يجوز هل شي اتمنى احد يساعدني بحل هل موضووع وانا مستعجل واللي موو مصدق ارفع لكم صورة السداد النهائي وبراءه الذمه من 2007 عندي وارفع لكم كتاب البنك اللي طالع قبل كم يوم اني مطلوب لهم
 

مؤزّمة

عضو فعال
خوش والله غيرنا راينا

باجر بيقولون لك غيرنا راينا زدنا نسبة الفايده او الربح و باقي عليك نص القرض سدد ولا مانشيل الساي نت
وورقة براءة الذمه اسبلّها على قولة يونس شلبي واشرب ميتها

ديرة بطيخ

عاد في حجي بالتويتر عن القروض واحتمالية اسقاطها او عالاقل الفوائد
الله كريم
 

nassay

عضو فعال
خوش والله غيرنا راينا

باجر بيقولون لك غيرنا راينا زدنا نسبة الفايده او الربح و باقي عليك نص القرض سدد ولا مانشيل الساي نت
وورقة براءة الذمه اسبلّها على قولة يونس شلبي واشرب ميتها

ديرة بطيخ

عاد في حجي بالتويتر عن القروض واحتمالية اسقاطها او عالاقل الفوائد
الله كريم

والله انا من صدم من هل موضووع وانا صاحب الموضووع لو احد قايل لي ما اصدقه طاحت القروض ولا ماطاحت اهمه اساسا مايطالبوني فيه ولا يقدرون يشتكون لاكن هم ماسكين الناس من الساي نت وفيه غيري شوف عيوني ناس معانا نفس الموضووع ومادري شسوي اسدد ولا اخليهم المهم اني هونت عن الفيزا وقلت لي رديت من السفر يصير خير اروح اشتكي عليهم واطالبهم بتعويض مادي للضرر اللي وقع علي

حادثه غريبه شلون اصول يسوون شذي و هم شركه اسلاميه يملك بها بيت التمويل اغلب اسهمها

انا بنسبه لي منصدم واي واحد عنده دين على شركه اصول وخصموله يوم سدد يروح يتاكد من هل شي
 

متهيب

عضو جديد
سلام عليكم

أعتقد إنك ممكن تطلب من تعويض بالضرر بعدم السفر مثلا ( تجاره أو علاج او دراسة ) ... ويمكن هناك قضايا مستعجلة تبت في الآمر .

الله يعينكم ياخوي .
 

كـويتي

عضو ذهبي
في الكويت اتوقع ان تحدث مثل هذه الامور

بسبب عدم المراقبة التامة من البنك المركزي

اخوي ارفع دعوى عليهم واذا كسبتها إن شاءالله

طالبهم بتعويض
 

bujassim

عضو مميز
اهي يت على شركة الأصول ؟

اهي وينهي عن فوائد القروض

اليوم لهم اجتماع عل وعسى نسمع خبر حلو ونصك بنك المركزي احلى عقاب الا وهو اسقاط الفوائد :إستحسان:
 

AlBadel

عضو مخضرم
أخوي ناسي
رزق وطق بابك تقوله لااااا
الخطوات
1 ) كتاب مستعجل لقاضي التنفيذ برفع المنع من البنك المركزي لأي أجراء أنت منه متضرر
وراح يتم رفع المنع خلال 24 ساعه
2) توكيل محامي بطلب تعويض مؤقت عن كل ضرر
حافظك الله
 

nassay

عضو فعال
سلام عليكم

أعتقد إنك ممكن تطلب من تعويض بالضرر بعدم السفر مثلا ( تجاره أو علاج او دراسة ) ... ويمكن هناك قضايا مستعجلة تبت في الآمر .

الله يعينكم ياخوي .

الله يسلمك يالحبيب تسلم بس انا ما منعوني من السفر ولا رفعو قضيه ما يقدرون لانهم ما يطالبوني شي بس اهمه امنعوني اخذ أي قرض او فيزا عن طريق الساينت اللي مربوطه كل البنوك والشركات معاه ويعطل معاملتك بس


في الكويت اتوقع ان تحدث مثل هذه الامور


بسبب عدم المراقبة التامة من البنك المركزي

اخوي ارفع دعوى عليهم واذا كسبتها إن شاءالله


طالبهم بتعويض
ان شاء الله بسوي هل شي شكورين على التفاعل معاي
اهي يت على شركة الأصول ؟

اهي وينهي عن فوائد القروض

اليوم لهم اجتماع عل وعسى نسمع خبر حلو ونصك بنك المركزي احلى عقاب الا وهو اسقاط الفوائد :إستحسان:

أخوي ناسي
رزق وطق بابك تقوله لااااا
الخطوات
1 ) كتاب مستعجل لقاضي التنفيذ برفع المنع من البنك المركزي لأي أجراء أنت منه متضرر
وراح يتم رفع المنع خلال 24 ساعه
2) توكيل محامي بطلب تعويض مؤقت عن كل ضرر
حافظك الله

انا اخوي موو مسوين علي قضيه اهمه ولا شي بس موقفيني بالساي نت اقدر ارفعه عن طريقه ولا ما اقدر ممكن تفيديني وجزاك الله خير
 

AlBadel

عضو مخضرم
انا اخوي موو مسوين علي قضيه اهمه ولا شي بس موقفيني بالساي نت اقدر ارفعه عن طريقه ولا ما اقدر ممكن تفيديني وجزاك الله خير

أخوي ناسي
الأمر سهل للغاية تروح للبنك المركزي وتشيل المنع ( الساي ) عن طريق مكتب العلاقات العامة وخدمة العملاء الدور الأرضي
ساعه بالكثير شغلك وطلبك خالص وفوقهم فاكس يرسله المركزي لأي جهة أنت تطلبها بالأسم
ولك 3 جهات أنته تحددهم ( شرط يخضعون لرقابة المركزي ) أمورك طيبه أن شاء الله
حافظك الله
 

ابو زيدان

عضو مميز

أخوي ناسي
الأمر سهل للغاية تروح للبنك المركزي وتشيل المنع ( الساي ) عن طريق مكتب العلاقات العامة وخدمة العملاء الدور الأرضي
ساعه بالكثير شغلك وطلبك خالص وفوقهم فاكس يرسله المركزي لأي جهة أنت تطلبها بالأسم
ولك 3 جهات أنته تحددهم ( شرط يخضعون لرقابة المركزي ) أمورك طيبه أن شاء الله
حافظك الله

نصيحه نشتريها بذهب ......... جزاك الله خير اخوي ( البديل )

معلومه قيمه جدا جدا .... ما كنت اعلم ان المركزي له سلطه فوريه على الساي نت .

( انا ودي اشوف موظف الساي نت شخصيا ..... عشان اقوله : عطني خدك .... واهفه طراق محترم .... لانهم تمادوا في ايذاء الناس بالاتفاق مع حرامية البنوك )
 

AlBadel

عضو مخضرم
نصيحه نشتريها بذهب ......... جزاك الله خير اخوي ( البديل )
معلومه قيمه جدا جدا .... ما كنت اعلم ان المركزي له سلطه فوريه على الساي نت .

أهلا بأخوي بوزيدان:وردة:
صباح الخير طال عمرك
خدمة الساي نت ( برنامج لشركة مملوكة لـ,,,,,,,,,,,,,,,,,؟؟ ) وتدر الملايين سنويا
وطريقة أختراقهم لقاعدة بيانات أي شخص غير قانونية
وبمجرد توقيعك لشركة وحده بالدخول لمعلوماتك الشخصية أهو تفويض دائم ويظهر لأي شركة مستقبلا
وللأمانة الصلاحية الوحيدة والتي يملكها المركزي أهي ( شيلة المنع ) لأي مواطن أو مقيم من لائحة الحظر
وخلال هالسنة المشئومة راااااح يجبرون حتي الخباز والبنشرجي يدخل الساي نت ...........
يعني التجار ورانا ورانا
لاهنت وطولت عمرك
 

mbtsm

عضو

أخوي ناسي
الأمر سهل للغاية تروح للبنك المركزي وتشيل المنع ( الساي ) عن طريق مكتب العلاقات العامة وخدمة العملاء الدور الأرضي
ساعه بالكثير شغلك وطلبك خالص وفوقهم فاكس يرسله المركزي لأي جهة أنت تطلبها بالأسم
ولك 3 جهات أنته تحددهم ( شرط يخضعون لرقابة المركزي ) أمورك طيبه أن شاء الله
حافظك الله
:إستحسان::إستحسان::إستحسان:
 



أهلا بأخوي بوزيدان:وردة:
صباح الخير طال عمرك
خدمة الساي نت ( برنامج لشركة مملوكة لـ,,,,,,,,,,,,,,,,,؟؟ ) وتدر الملايين سنويا
وطريقة أختراقهم لقاعدة بيانات أي شخص غير قانونية
وبمجرد توقيعك لشركة وحده بالدخول لمعلوماتك الشخصية أهو تفويض دائم ويظهر لأي شركة مستقبلا
وللأمانة الصلاحية الوحيدة والتي يملكها المركزي أهي ( شيلة المنع ) لأي مواطن أو مقيم من لائحة الحظر
وخلال هالسنة المشئومة راااااح يجبرون حتي الخباز والبنشرجي يدخل الساي نت ...........
يعني التجار ورانا ورانا
لاهنت وطولت عمرك

للتصحيح بحكم عملي في هذا المجال
الساي نت شركة مملوكة من قبل البنوك الكويتية ووظيفتها عرض المعلومات فقط، وأي شخص يقوم بالاقتراض بأي شكل من الاشكال (قرض-بطاقة ائتمانية-كفالة..الخ) يتم عرض معلوماته للاطلاع عليها للتأكد من عدم مخالفة قوانين البنك المركزي ولا يحق لاي جهة الاطلاع على بياناتك بدون تفويض من العميل يحمل اسمه ورقمه المدني وتوقيعه وتاريخ الاستعلام وارسال هذا التفويض الى الساينت قبل نهاية اليوم.
عزيزي صاحب الموضوع ما يمكنك فعله هو ان تذهب الى اي صديق لك يعمل في بنك او شركة استثمارية او شركة تمويل وعمل التالي:
1-اما ان تكون المديونية السابقة مغلقة على نظام الساينت وقاموا بفتح مديونية جديدة وهنا يحق لك مطالبتهم بعقد الدين الذي عملوا به مديونية جديدة وبإمكانك مقاضاتهم لانتفاء الشروط الاساسية للتعاقد ومنها العلم بالعقد والحضور الشخصي والتوقيع
2-ان تكون المديونية غير مغلقة على نظام الساينت وهنا يحق لك ايضا مقاضاتهم بحكم حصولك على براءة الذمة وتجاوز مدة المديونية المبينه بالعقد خصوصا وان الشركات الاسلامية لا تخصم اي جزء من الفائدة ولا يجوز اعطاء العميل براءة ذمة اذا لم يسدد كامل المديونية وفي الحالتين هذا تلاعب واضح وعليك اللجوء للقضاء
في كل الاحوال اقرأ العقد جيدا وابحث عن اي نقض للشروط ويفضل عرضه على محامي مختص
اتمنى لك التوفيق
 

ملك القروض

عضو بلاتيني
انا سددت شركه اصول في سنه 2007 مبلغ المديونيه كامل وكان فيه رئيس مجلس الاداره قالولي ان سددت المبلغ كامل راح يخصملك من المبلغ المهم سسدده كامل وفعلا خصملي مبلغ 600 دينار تقريبا المهم خذيت براءة الذمه منهم صدفه ذاك اليوم بسافر وباخذ من البنك فيزا قالي البنك عليك مديونيه بشركة اصول قلت لهم يا جماعه شركه اصول مسددها وعندي براءة الذمه منهم المهم البنك قال ماقدر اسويلك شي لان الساي نت طالع عليك لازم يشيلونه مبلغ 600 دينار
رحت الشركه لقيت ناس وايد مثلي ونفس الطريقه بعد ما دشيت على الموظف قال سدد المبلغ اللي اهوه 600 ونشيل عنك الساي نت قلت لهم يا جماعه انا عندي براءة ذمه قالو ندري انكك مسدد بس احنا رجعنا بكلامنا مع كل العملاء اللي عطيناهم خصم
قلت طيب روحوو اشتكو قال ما نقدر نشتكي تبي نشيل عنك الساي نت سدد ما تبي روح اشتك علينا وندري انه راح نشيله بعد الحكم قلت له يا طويل العمر انا مستعجل قال حنا نبي المستعجلين امثالك يسدد ونشيل عنه اللي مووو مستعيل ما نبيه طيب هذا باي قانون باي عرف يصير هل شي مع هل ناس
طلعت منهم ولا بيدي شي يا اني اسدد يا اني اشتكي وارفع عليهم قضيه وانطر كم شهر لما اخذ حكم يجوز هل شي اتمنى احد يساعدني بحل هل موضووع وانا مستعجل واللي موو مصدق ارفع لكم صورة السداد النهائي وبراءه الذمه من 2007 عندي وارفع لكم كتاب البنك اللي طالع قبل كم يوم اني مطلوب لهم
اخوي خذ الكلام اللي يجمد على الشارب ...انا صار معاي وتم وضع اسمي عالساي نت مع دفع المبلغ لشركة التسهيلات كاملاً منذ عام 2003 ومع ذلك قبل سنة حين حاولت تحويل سيارة على احدى الشركات تفاجأت بوضع اسمي عالساي نت بسبب شركة التسهيلات وكان منذ عام 2003 احمل براءة ذمة لكن الكلاب في التسهيلات لايزيلون الساي نت عن طريقهم ولايخاطبون شركة الساي نت لتوضيح الامر رغم سدادك وعدم وجود التزامات عليك لهم بعد براءة الذمه ومن هناك ذهبت للمركزي واخرطي بخرطي دزوني للساي نت ولا حلوا المشكله وتكنسلت المعامله ..وانحلت المشكله صدفه او بالغلط او مزاج بعض الشركات لا اعلم رغم وجود اسمي لليوم هذا عالساي نت طبعاً لمن غيرت المعامله اللي بسويها من شركة اعيان والمنار والتسهيلات وذهبت للدولية ولاقالوا ساي نت ولابطيخ وسويت المعامله وحولت السياره وانتهى...باختصار الوافدين العاملين في هذه الشركات هم من يعطل معاملات المواطنين لاتفه الاسباب لجعل السيولة المادية متوفرة لبني جلدتهم للاقتراض وغيره من شراء سيارات فهم يستغلون الكويت وشركاتها لخدمة بني جلدتهم والمواطن يطلعون له الف عذر وعذر لتعطيل معاملته...ومنا لتجار الغفلة المقصة الذين قتلوا وسلبوا احلام المواطن في وطنه عبر عصابة موظفي شركاتهم...وعلى فكرة القانون المصرفي خمس سنوات ويرفع الساي نت وانا فوق 10 سنين ولازال الساي نت موجود..لكن لايعني وجوده عدم استطاعتي اخذ الفيزا ولكن استطاعة شركة الساي نت ضرب قرار البنك المركزي وعدم تنفيذه بازالته خلال الخمس سنوات ...وايضاً على فكرة راجعت البنك المركزي مثل ماذكر اخونا البديل ودزوني لشركة الساي نت وطنشتهم الشركة ولاراضية اتشيل اسمي عاد ماكملت مراجعه بعد فتره سويتها بالدولية ومشت لكن الاسم بالساي نت موجود ..يعني طال عمرك اشبع بصل واقبض من دبش...عمااار ياااوطن
 
أعلى