سؤال وجواب مهرجان الموروث الشعبي؟

[ليله ويوم]

استغربت من مذيع القناة الاولى

وهو ينطق صفات الابل في نشرة الاخبار ( مزاين... الشقح .. الوضح ... الخ)


واحد المنظمين

يصرح ( اللي ابله اقل من 25 يطرد من المسابقه !)


يطرد ؟؟؟؟!!!


سؤالي

شنو الجوائز المقدمه في هذا المهرجان ؟


​

 

[جيمس بوند الكويت]

والله ما ادري صراحه

بس الي اعرفه جوائز مسابقات الخيل مواتر ومبالغ بالالاف

 

[ابو مناحي المطيري]

والله شي طيب

اخر مزاين للابل في الكويت كانت جوائزة سيارات و مئات الالوف

 

[Desert Eagle]

سيارات ومبالغ نقديه لا تتعدى ١٠ الاف دينار

 

[ليله ويوم]

والله شي طيب

اخر مزاين للابل في الكويت كانت جوائزة سيارات و مئات الالوف

والله عيب​

البشر مو أولى من البعارين ؟؟؟؟؟​

الشعب مو أولى ؟؟؟​

مئات الالوف وسيارات والمواطن ينطر عشرين سنه عشان يتسقر مع اسرته​

ويعيش حياة كريمه !!!!!!​

الشعب الكويتي ترا مو كله اصحاب ابل !!!​

وعلى فكره اصحاب الابل عندهم خير من الله واغنياء ويملكون​

ليش تعطونهم بعد ؟؟؟؟؟؟ والشعب المحتاج والفقير ماتعطونه احتياجاته الاساسيه ؟؟؟؟​

نفس نظام المنحه اللي كانت للدكاتره !!!!!!!!!!! الدكاتره اغنياء ​

سبحان الله نفس النهج​

يزيدون الغني غنى ... والمواطن الفقير ماله الا التراب



العدل اساس الملك




​

 

[ابو مناحي المطيري]

البلا ماهوب عندنا

البلا في السعودية الي في مزاين ام رقيبة اطنان من الاطعمة ترما للاكل!!!!!

الموروث الشعبي شي طيب لكن بدون تبذير و الكفر بنعمة الله

 

[عبدالله الرشيدي]

اول شي هاذا الموروث الشعبي الي مسويه الشيخ صباح الأحمد أمير دولة الكويت حفظه الله وقيمة الجوائز النقدية والسيارات مليون و 400 الف طبعا كله من حساب سمو الامير الئ يبي يتكلم ويحاسب يروح لسمو الامير ولا يتفلسف هني والحمدلله مؤ مخلي الكويتي جوعان معاشات وسكن ومستشفيات .. ومو كل الئ يفوز يعطونه سيارات بس اول 3 من اصحاب الابل فقط وليس الغنم والصقور

ثاني شي بخصوص الاخ الئ يقول انه اصحاب الابل أغنياء ماعنده سالفه ألأنه بالسعودية الأغنياء هم اصحاب الابل اما بالكويت ف اهل الابل هم أشخاص بسطاء جداً حنا عندنا 50 ناقة قيمة علفها 1200 دينار بالشهر غير الامراض وغير الامراض والنفوق والناقة ماتولد الا مره بالسنة بذمتك وين الربح والله محد مصبرنا عليها غير وسعة الصدر وسبحان الي خلقها وميزها عن البهائم الثانية


وثالث شي بخصوص استفسارك في 4 فئات للإبل

اول شي الفردي يعني تشارك بناقة او فحل من اي لون لكن تكون مزيونه ضغط عالي وسعرهم غالي من عشرة الألف وانت طالع

ثاني شي التلاد يعني تشارك ببكار من إنتاجك يعني مو شاريهم واقل عدد 25 ناقة

ثالث شي فـئة ال 30 يعني يكون عندك 30 ناقة مشتريهم او من إنتاجك عادي

رابع شي فـٓئة ال 50 نفس فـٓئة ال 30

واذا ماتقدر على المزاين لانه الناقة غاليه اشتر 20 بكره عادية والاسعار 700 وانت طالع للناقة وشارك بالهجبج لازم تدربهم يوم وترك قبل 3 شهور من الهجيج عشان يكسبون لياقة وتجيب المركز الاول وتأخذ سيارة ان شاءالله

وياخوك ترا اذا بتشتري نياق لا تفكر بالربح ولو عندك 100 ناقة ترا كلها خساير بس احسن شي فيها تبعدك عن الازعاج وجو المدينة والسياسة والي يتحلطم والله مغنيه وتأمل بخلق الله وترا وناسه وسعة صدر تسوئ فلوس الدنيا

والله يوفقك