سؤال وجواب شباب رايكم في سياره للشراء ( كامري أو افلون أو التيما ) موديل 2013

[q8gym]

السلام عليكم شباب انا ناوي اشتري سياره للأهل

رايكم افضل الكامري او الافلون او التيما

الكامري والافلون = الساير
التيما =البابطين


رايكم يهمني من تجربتكم مع العلم كل السيارات المطروحة تغير كلي وجذري

واريكم في البابطين والساير ؟ كخدمه مابعد البيع وسيرفس واسعار

 

[جيمس بوند الكويت]

ما انصحك بالصالون كلش

شوارعنا *****

 

[سيادة الدولة]

شخصيا ماحب الأفلون ولا أحب أشوفها بالشارع


الكامري مقبوله بالنسبه لي


الألتيما شفتها بالوكاله بصراحه روعه ,, أنا أكلمك عن الالتيما اللي تحت الكامله مافيها فتحه ,,


كلهم سيارات عمليه ينفعون حق الدوام والمشاوير والكد


لكن الوكالات ,

الساير افضل بكثير كراجات متوفره وخدمه صح

البابطين وكالة تعيسه جدّا ,, كراجات دايما فل حتى الأحمدي فل

 

[كويتنا3]

الافالون عن تجربه







سياره قمه وأذا تحافظ عليها 15 سنه قدام مافي خربات






الافالون غير تصلح حق العايله والشباب قمه هالسياره




كل شي فيها


زنون جلد سي دي شاحن لاسلكي للتلفون تشحن بدون وايرات






فتحه عداد ليزر كاميرا ايرباقات




شي عجيب




نصيحه لاتطوفك روح شوفها بالوكاله

 

[ابوصالح]

عليك والله بالكامري ماشاء الله

تصدق فكيت كامري للولد سنة 2004 ولحد الان اخلي سيارتي الفورد الجديد واروح فيها

لانني ارتاح بسواقتها ههههه

خفيفة وناعمه وجامدة وخراباتها قليلة وسعرها فيها ماشاء الله

عسى الله يوفقك اما الافلون فاعتقد انها فيها كماليات زايدة ولكن زيادة بالسعر 2500 دينار

اما الالتيما فلم استخدمها ولكن حسب ماسمعت عنها فان اسعار قطع غيارها غالية الثمن

 

[السلطان العثماني]

كامري او اوريون 2013 .. التيوتا 100% لا امريكي ولا الماني خلك على الياباني​

 

[بدركوم]

افالون ٢٠١٣ الشكل الجديد واعتقد انها امريكية الصنع وتنطبق عليها مواصفات السلامة الامريكية

 

[اليعربي]

انت لا تحسبها بس هذا الساير وهذا البابطين
في سيارات تويوتا عند الساير صناعه امريكيه مثل سكويا وافلون
يعني في حسبه ثانيه هذا امريكي وهذا ياباني
الكامري طبعا يابانيه او اوريون


التيما نيسان خرابات وقطع غيار نار

افلون امريكي وحساسه

المحصله كامري واوريون يابانيات وافضل مليون مره من افلون الامريكيه مالت كد وتفرك خشتها بدون خرابات اخذ على الاقل خمس سنين تبديل زيت بدون خرابات

 

[سياسي الدبدبة]

انت لا تحسبها بس هذا الساير وهذا البابطين
في سيارات تويوتا عند الساير صناعه امريكيه مثل سكويا وافلون
يعني في حسبه ثانيه هذا امريكي وهذا ياباني
الكامري طبعا يابانيه او اوريون


التيما نيسان خرابات وقطع غيار نار

افلون امريكي وحساسه

المحصله كامري واوريون يابانيات وافضل مليون مره من افلون الامريكيه مالت كد وتفرك خشتها بدون خرابات اخذ على الاقل خمس سنين تبديل زيت بدون خرابات

للعلم الكامري استرالية وليست يابانية المنشأ

 

[اليعربي]

للعلم الكامري استرالية وليست يابانية المنشأ

صحيح كلامك لاكن ادارتها وشغلها وجودتها ياباني وللعم هي تصنع في استراليا من سنه 1998

وهي لازالت السياره الاولى بالخليج والاكثر انتشارا

اوريون استراليه كذلك
لاكن بالنهايه طابعها ياباني ومواصفات يابانيه

لكن شوف الفرق بينها وبين افالون وسكويا الي الطابع الامريكي طاغي عليهم

السكويا مثلا اذا ركبته تحس راكب سياره امريكيه مافيها مجال
بعكس الكامري تحس شغل ياباني
واعتقد امريكا تضع شروط مشدده على الشركات الاجنبيه والتصنيع لتقل جودتها عن السيارات الامريكيه او لتطابقها بعكس استراليا

تبي تصنيع ياباني ميه بالميه ماراح تحصل الا يارس وكورلا والاند

الهايلكس تاليندي سيء جدا من سنه 2006 والسياره خلاص انتهت وطاح سوقها
الفورتشنر تايلندي واندونيسي سيء جدا
السكويا امريكي تحس راكب سياره صناعه جمس او شفر وليس لها علاقه باليابان ابد
كامري واوريون صناعه استراليه ولكن جوده يابانيه وطابع ياباني
افالون امريكي وحساس جدا افضل ليكسس عليه لانهم قريبين بالسعر واليكسس افضل طبعا بما انهم كلهم حساسيين ووصلوا لنفس السعر تقريبا
صاحب الموضوع
تبي صالون ؟؟؟؟ عندك كامري تبي تكشخ وعندك فلوس زياده ليكسس

افلون لا لا لا
التبما عندك سنتبن بعدين تنتهي صلاحيتها
بالنسبه
للدفع الرباعي ؟
اربعه سلندر برادو بس ما انصح فيه بس سعره ممتاز
سته سلندر برادو افضل من الاند السته من تجربه وان خيروني اختار برادو على الاند
ثمانيه سلندر لاند كروزر متربع على العرش وسفاري بترول للعلم سفاري متربع على التصنيف العالمي كمواصفات اكثر من 15 سنه وللحين ولكن لاند بالخليج الاكثر مبيعا وتسويقا