سؤال وجواب غلاية الماي الكهربائية ؟؟؟ معقولة ؟؟؟

حبايبي بسالكم عن غلاية الماي الكهربائية اللي تستخدم عادة لتسخين الماء بالكهرباء من اجل اعداد الشاي


هل هي مضرة على المدى البعيد ؟؟؟ لاني فكرت بالموضوع قلت معقولة الماي يتسخن بهالسرعة ومن غير حرارة نار ؟؟؟

فحسيت انها على المدى البعيد يعني سنتين خمس سنوات عشر سنوات عشرين سنة ممكن تسبب امراض للانسان ؟؟ لان تسخين الماي الطبيعي يتم بالنار ويبي له على الاقل خمس دقايق ,,,,,,,,,,,,,,,,,,, مو بالكهرباء وخلال دقيقة او اقل بعد

اشرايكم ؟؟ واتمنى كل واحد يقول لنا كم سنة صار له يستخدمها
 

أم فواز

فـزّاعة
والله يا خوي كاستروو انا ما أشوف فيها خطورة اذا غلينا الماي في غلاية كهربائية

واستغرابك ان غليان الماي على الكهرباء اسرع من النار لان قوة الكهربا أعلى من النار

بالعكس انا أشوف ان الغلي في النار أخطر لان الغاز حواليك وانت قاعد تشمه

واغلب الناس الحين اتجهوا للفرن الكهربائي أكثر من الغاز

تعوذ من إبليس وماكو الا العافيه

 

Anu

عضو بلاتيني
ما من خطر ان شاءالله

ولكن ديربالك تحط حليب فيها انا مره حطيت الحليب و صار انفجار
وريحة حرق :إستنكار:

غلاية الماي للماي
 

عزيز وغالي

عضو بلاتيني
نصيحه لوجه الله اي شي غير طبيعي ابعد عنه
افضل طريقه لغلي الماي هي النار الطبيعيه
اما الكهرباء بشكل عام لغلي الماء سمعت عنها دراسات تسبب امراض خطيره
وبالاخص المكرويف وغلايات الماي
انا ولله الحمد سمعت هالشي من 10 سنين ولا يمكن يدخل بيتي مكرويف او غلاية ماي كهرباء
وعسي الله يكفيك ويكفينا والجميع شر كل ما منه شر
 

قبس

عضو مميز
غلاية الماي الكهربائية اداة بسية

تيار الكهربا يمر في لفايف اسلاك حديد فا تصير الاسلاك حترة جداً جداً جداً وتسخن الماي في ثوان

يعني لا خطر ولا يحزنون وتوفير اكثر من استخدام الغاز
 

اليعربي

عضو بلاتيني
غلايه الماء تتحول فيها الطاقه الكهربائه الي طاقه حراريه

والاسلاك هي التي تسخن ويفصل الاسلاك عن الماء طبقه من الستان ستيل او معدن اخر


طيب هل هي ضاره لا بل صحيه اكثر وانظف من الطريقه التلقيديه ان كانت الغلايه من النوع الجيد

كما انها لها عمر افتراضي وبعدها تسود او يتجمع الكلس عليها مع مرور الزمن نظرا للاملاح المتواجده في الماء


انصح التنظيف المستمر على الاقل مره بالشهر وانصح بتغيرها كل ثمان اشهر او سنه وشراء اخرى جديده

ملاحظه تسخن فيها الماء فقط مو تحط اوراق الشاي فيها او قهوه انتبه
 

joblak

عضو فعال
ما من خطر ان شاءالله

ولكن ديربالك تحط حليب فيها انا مره حطيت الحليب و صار انفجار
وريحة حرق :إستنكار:

غلاية الماي للماي


هههههه مثلي بس انا ما انفجرت احترق الحليب وريحة الله لا يوريك تقطعت ايدي من الليف الحديد علشان انظفها مشكله العزوبيه
 
أعلى