باريس واسبانيا او امريكا شتنصحون فيه

S3d1987

عضو فعال
محتار وين اسافر بهصيفيه بين اسبوع باريس واسبوعين باسبانيا او ثلاث اسابيع بامريكا اسبوع منهم بنيويورك ابي مشورتكم ورايكم علما ان السفره شبابيه (محافظين) وابي الفيزا الامريكيه معقده ولا سهالات نفس الشنغن
 

المهذب

عضو فعال
من الصعب ذكر أى المدن أو الدول أفضل لان كل شخص له رأيه الخاص
من وجهه نظري تبقى أمريكا أفضل من اسبانيا وباريس ..وأنا شخصيا لا افضل
باريس للشباب وبصراحة انصدمت لما شفت باريس مدينة النور ..مدينة غالية جدا وما تسوى
حتى برج ايفل مصدي وتحته افارقة واسيوين يبيعون مقتنياتهم البايخة ..والا نهر السين اللي تشوف الاوساخ على ضفتيه.

امريكا زرتها من فترة طويلة وكنت صغير مع الاهل
كل اللي اذكره فيها ان شعبها راقي جدا وحبوب .
وانصحك بزيارة مدن نيويورك كنقطة اساسية وهي مدينة
تجمع كل الجنسيات العربي والهندي والاوروبييين وكل الاجناس البشرية
وتروح ايضا كاليفورنيا وتحديدا لمدينة سان فرانسيسكو هالمدينة اجوائها حلوة
ومنها ممكن تمرون على لاس فيغاس أو ضواحي لوس انجلوس.

وفي الختام تزورون فلوريدا ومدنها ميامي واورلاندو
وأكيد في مدن ارقى وأحلى مثل هاواي بس ما شفتها

بالنسبة للفيزا الامريكية
العام الماضي وبعد ان سمعت ان امريكا تعطي الفيزا للكويتيين
وهي فيزا صالحة لمدة 13 سنة قادمة ..ذهبت لسفريات الخرافي
في الديرة المجمع اللي كله سفريات واللي اسمه المتحدة او الاتحاد اللي خلف مبنى الخطوط الكويتية
مقابل مجمع المثنى من جهة شارع فهد السالم..
واذكر اني عطيت اوراقي لسفريات الخرافي مثل جواز السفر وصور شخصية مقاس خمسة في خمسة
وعشرة دنانير تقريبا وبدورهم ارسلوا الاوراق الى السفارة الامريكية التي اتصلت بي وسألوني كم سؤال
مثل وين تشتغل وما الهدف من زيارتك وبعد اسبوع بعثولي الجواز عن طريق الدي اتش ال الى البيت ووبداخل الجواز حطولي فيزا لمدة 13 سنة..!وللحين هالفيزا بجوازي وما سافرت لامريكا بعد استخراجي لهذه الفيزا.
الفيزا الامريكية تكلف تقريبا خمسين دينار
ولازم تبعثها للسفارة عالامريكية عن طريق النت ويحددون لك موعد
بس انا بعثتها عن طريق سفريات الخرافي والي اتعامل معهم ايضا
باستخراج فيزا الشنغن اللي تكلف عندهم 55 دينار .





 

المطيريQ8

عضو مميز
اذا اول مره تسافر دول اجنبية


انصحك بالنمسا و المانيا


و اذا كنت مسافر لدول اجنبية من قبل


فانصحك في باريس

 

S3d1987

عضو فعال
اذا اول مره تسافر دول اجنبية


انصحك بالنمسا و المانيا


و اذا كنت مسافر لدول اجنبية من قبل


فانصحك في باريس


اشكرك عالتفاعل لا مو اول مره والمانيا والنمسا عوايل ماتصلح للشباب نهائيا باريس ماسبق لي زيارتها شنو المميز فيها غير برج ايفل؟
 

شريف نجد

عضو مميز
امريكا قارة لو تجي امريكا صدقني بتكون سفرة العمر لاكن لازم تخططلها زين
يعني رح ل نيويورك وفلوريدا بشكل عام وكليفورنيا بشكل عام
امريكا دول في دولة
انصحك لامريكا وبقوة
 

أحمد الحمد

عضو بلاتيني
Al5aldy,

مشكور على كتابة هالموضوع المفيد عن السفر. بصراحة أنا انوي السفر خلال هذا الصيف بعد ونصايح الربع راحت تفيدني.
 

بقيييط

عضو ذهبي
اذا عزمتو علي امريكا خلو نقظة وصولكم بوسطن وتجهو شمال نحو الحدود الكنديه طبعا تاجرون سياره ونقطه العوده من نيوويورك متعه
 

المهذب

عضو فعال
اذا السفرة 3 أسابيع لا انصح بأمريكا لانه راح تضيع عليكم ايام في التنقل بسبب بعد المسافة
اضافة الى التنقلات الداخلية الطويلة والمرهقة بأمريكا ...امريكا تحتاج لأيام طويلة ..خلك مثل ما قالوا الاخوان على النمسا وما جاورها
 
أعلى