صندوق التنميه الكويتي مبطل الحنفيه وفتحها سبيل على الاخر قروض ومنح وهبات

اليعربي

عضو بلاتيني
يا جماعه وربي شي يقهر محد لاحظ ان صندوق التنميه شلع الحنفيه

كل يومين هبات ومنح واخباره زايده الشهرين الي طافوا وبطت الجبد والقهر زادت معاه

شنو هالكرم شنو هالفسفسه الي صايره

من حطوا مجلس بو ربع والمنح شغاله

تفتح أي جريده الكترونيه واي موقع اخباري الا طالعلك خبر منحه وهبه بعشرات ومئات الملايين بل ووصل بعضها فوق المليار

هالاخبار صارت يوميه
بعد ما كنا نسمع فيها بالشهر مره

شوفوا التواريخ اذا مو مصدقين يوميا عشرات الملايين قاعدين يوزعونها

توقيع اتفاقيه القرض الثامن لبروندي التاريخ 27-3-2013 ------ 10 ملاييين دولار

توقيع اتفاقيه القرض الثالث والثلاثين لليمن التاريخ 23-3-2013 ------ خمسين مليون دولار

توقيع اتفاقيه القرض السادس لنيبال التاريخ 22 -3-2012 ----17 مليون دولار

توقيع اتفاقيه القرض السابع لسيراليون التاريخ 21-3-2013 ----14 مليون دولار

توقيع اتفاقيه القرض الثامن عشر لموريتانيا التاريخ 17-3-2013 ---- 31 مليون دولار

توقيع اتفاقيه القرض السادس لتوغو التاريخ 14-3-2013 ------عشر ملايين دولار

توقيع القرض الثاني لكوت ديفوار التاريخ 13 -2-2013 -----واحد وعشرين مليون دولار

توقيع القرض الثامن لغانا التاريخ 10-3-2013 -------15 مليون دولار

توقيع القرض الرابع لتشاد التاريخ 7-3-2013-----17 مليون دولار

منحه للمملكه المغربيه التاريخ 28 -2-2013-----مليار ونص دولار
منحه للاردن ------------------ مليار ونص دولار


يخرب بيت هالنشاط يوميا مسافرين يوقعوون الظاهر حتى ما يطبوون ترانزيت بالكويت
من دوله لدوله ما يمديهم يباتوون رايحيين موقعين على منحه او قرض

واحد من هالقروض هاذي يقدروون يسوون فيها مدينه طبيه متكامله

منحه المغرب برووحها تسوييلك فيها خمس مستشفيات وخمس جامعات طقه وحده وتوزعها بمحافظات الكويت
ومنحه الاردن بروحها تسويلك خمس محطات توليد طاقه كهربائيه


شوفوا باقي التواريخ وربي راح تنصدموون
المصدر موقع صندوق التنميه ادخل وشوف بطه الجبد والقهر بكل انواعه

http://www.kuwait-fund.org/index.php?option=com_content&task=blogsection&id=1&Itemid=90
 
حاتم الطائي ماسك الصندوق .. بغض النظر العيشه الكريمة الي عايشينها البدون وستكرات الازالة على بيوتهم قبل جم يوم

الا ان حكومتنا كريمة حيل .. حتى في دول انا ماأعرف هي افريقية ولا اسيوية

تعرف لما حرامي يدخل بقالة فيها مالذ وطاب ويصير (....) يمشي ويكسر موبس يسرق​
 
علشان جذي ما تحصل شركة واحده خسرانه بالكويت

_____________

وعلشان عيال الديره ذلوا الناس لاسقاط فوائد القروض ولا تنمية ولا عماة عين

والمستغرب اشلون يكلف اسقاط الفوائد 800 مليون والفوائد اصلا تسقط تلقائيا عند تسديد القرض
 

ساهر الليل

عضو مخضرم
صندوق التنميه الكويتي

صندوق تابع لهيئة الامم المتحده ومخصص للدول المحتاجه والصديقه


مفروض على الكويت فرض بماانها دوله غنيه وجزء من المجتمع الدولي


يجب ان نضع النقاط علئ الحروف قبل كل شي
 

bujassim

عضو مميز
وابشركم ماراح يقفل هالصندوق حتى لو صار عندنا عجز !!

لان العجز فقط لمن نزيد الراتب أو نسقط القروض

:)
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى