سؤال وجواب هل هذا حل لبطىء الانترنت

م س ل م

عضو فعال
بسم الله الرحمن الرحيم

اخواني انا كمبيوتر مكتبي يعني ديسكتوب واشتراكي فاست تلكو دي اس ال ون ميغا لان خط البيت ما يتحمل الا ون ميغا واذا رفعت السرعة يقوم يفصل الانترنت

هل شركة زين او الوطنية او فيفا ,,,,, يعطون اشتراك انترنت اربعة او خمسة او عشرة ميغا واستخدم هالانترنت على كمبيوتري الديسكتوب ؟؟


وجزاكم الله كل خير
 
اذا خطك مايشيل غير 1 ميغا .. وتبي تصفح وتحميل غير محدود وسرعة جيدة

انصحك تاخذ مدى 10 ميغا لاسلكي بس افضل من زين وفيفا والوطنية لأن هالشركات تحط لمت على التحميل اذا تجاوزت الحد الاقصى تصير السرعة عندك 64 كيلو بايت يعني اضعف 10 مرات من الون ميغا الي عندك حاليا

لذلك انا جربت كل الشركات تقريباً .. وانصحك بـ مدى 10 ميغا طبعاً بعدما تفحص التغطية وتسأل الشركة هل فيه تغطية لمنطقتك ؟ ولا لا

اذا فيه تغطية وتبي سرعة متوسطة وتحميل غير محدود اخذ مدى 10 ميغا طبعآ ماتوصل كاملة يعني تنخفض على حسب التغطية

وفيه شركة بعد نفس مدى بس تثبت انتل فوق السطح واسعارهم غالية شوي

هذي مدى
www.mada.com.kw

وهذ موقع ويمد
http://wimd.com.kw
 

م س ل م

عضو فعال
عزيزي العصيمي ما قصرت

بس انا رحت لمدى وقالوا لي ما في تغطية حتى الموظف وراني الخريطة بكمبيوتره وطلعت فعلا ما في تغطية

وتسلم

واتمنى تقولي تجربتك مع مدى

يعني انت مشترك عشرة ميغا عندهم ؟ سؤالي لك معظم اوقات اليوم تكون السرعة عندك عشرة ميغا ولا خمسة ولا تو ميغا ولا جم

تسلم
 
عزيزي العصيمي ما قصرت

بس انا رحت لمدى وقالوا لي ما في تغطية حتى الموظف وراني الخريطة بكمبيوتره وطلعت فعلا ما في تغطية

وتسلم

واتمنى تقولي تجربتك مع مدى

يعني انت مشترك عشرة ميغا عندهم ؟ سؤالي لك معظم اوقات اليوم تكون السرعة عندك عشرة ميغا ولا خمسة ولا تو ميغا ولا جم

تسلم

مدى عندهم 10 ميغا تحميل مفتوح .. و2 ميغا بلمت محدد

ماأنصحك بـ 2 ميغا لأنها ماتفرق عن فيفا وزين والوطنية

لكن 10 ميغا حلوه اذا تبي تحمل وتشغل الوايرلس للاهل يكون مفتوح معاك طول الشهر

وهذا تيست



طبعآ اغلب الوقت سرعتهم تنزل وتصعد

اذا ماعندك تغطية شوف شركة ويمد كلمهم حطيت لك موقعهم الثاني​
 

ابعتذر

عضو ذهبي
اخوي مستحيل خطك ما يتحمل الا واحد ميغا

خطي من الخطوط القديمه وحده 5 ميغا اذا اكثر يفصل

جرب التمديدات وسوها صح

والدي اس افضل من اي اشتراك

لا تستعجل وجيب لك فني زين يمددلك الوايرات صح اهم شي واير كات 6
 

م س ل م

عضو فعال
الف شكر لكم اخواني وخاصة الاخ العصيمي

اخوي عاسف الاصايل وانتم اخواني جميعااا

بالله عليكم ما تقولون لي وين هالفني الزين اللي يضبط التمديدات ويسنعها ؟ عطوني رقمه وانا اتصل عليه او دلوني مكانه لو بالمريخ وانا اروح له

وصدقوني لاعطية المبلغ اللي يبي بس يسنع لي التمديدات ويخلي الخط يتحمل اثنين ميغا ما ابي اكثرر انا مو طماع لان الون ميغا مزعج بطيء وانا راضي باثنين ميغا ولا فرحان بعد

وين هالفني انا دايما اقرا سالفة جيب فني زين يعدل التمديدات اسمع عنه ما اشوفه ما خليت محل تلفونات وكلهم يعتذرون ما نعرف

طيب ما في شركة مختصة بالامور يعني يطلعون لي فني مختص يسوي هالتمديدات

انتظر ردكم
 

OK

مشرف
طاقم الإشراف
اخوي مسلم وان شاء الله تكون من المسلمين والمؤمنين

بالنسبه للفني كانت لنا تجربه قديمه مع شركه اعتقد بحولي جا البيت وسوا كل شي ومازال الخط يتحمل ون ميغا وفصلناه وانا شخصيا حولت على فيفا ميني راوتر ممتاز جدا بالنسبه لي طبعا مو LTE اللي عندي النسخه اللي قبله بس جدا ممتاز بالنسبه لي

وتقدر طبعا تشبك الديسك توب عليه وفيفا تعطيك يوميا 2 غيغا تحميل اعتقد يبدون يحسبونها من الساعه 10 الصبح
 

شبابي

عضو فعال
شوف شركة لينكسس

22631419

كلمهم وقول ابي امدد كات6

بالبيت وهم يسوونه لك

بس حط ببالك ان الكات6 غالي شوي سعره بالمتر ربع دينار اظن

ان شاء الله تسوي التسليك ويتحمل الخط 20 ميغا موبس 2 ميغا


هلا بالغالي ,,

ممكن تعطينى فكرة عن الكات6 ؟ وشنو دور شركة لينكسس ؟

وهل ينفع للخطوط القديمة ؟ مع العلم وصلولنا خطوط الفايبر بس لي الحين ما شغلهم ..
وعلى كلام المهندس المواصلات مو أقل من سنة يشغلونه .. رايك
 
هلا بالغالي ,,

ممكن تعطينى فكرة عن الكات6 ؟ وشنو دور شركة لينكسس ؟

وهل ينفع للخطوط القديمة ؟ مع العلم وصلولنا خطوط الفايبر بس لي الحين ما شغلهم ..
وعلى كلام المهندس المواصلات مو أقل من سنة يشغلونه .. رايك

دور الشركة التمديد فقط انت اسألهم عن الكات6​

الكات6: هو الكيبل الأكثر شهره على الإطلاق وبدأ ينتشر بشكل كبير في الخمس سنوات الأخيره وهو بتردد سعته 250 MHz وعند استخدامه في ربط الأجهزه بالشبكه فهو يدعم حتى 1000 ميجابت بالثانيه ونزل من هذه الفئه تطويرين هما كالآتي: CAT 6e ولم يصنف بتوصيات اتحاد صناعات الالكترونيات ولا من منظمة صناعة الاتصالات وقيل من قبل بعض المحترفين بأنه بتردد سعته تصل إلى 500 MHz. أما التطوير الثاني وهو الأهم لأنه كان قفزه حقيقيه وهو موصى به من قبل المنظمه الدوليه للمواصفات والمقاييس بتردد سعته تصل إلى 600 MHz ويتيح سرعات تصل إلى 10,000 ميجابت بالثانيه = 10 جيجابت بالثانيه !!

هذا وصف عام .. طبعاً مميزات الكات6 انه محمي من الحرارة والرطوبة والاسلاك الصغيرة مغطاه بحيث يمنع تداخل الصوت وهو مايجعل الخط جودته عالية ومافيه تشويش تقدر تستفيد منه حتى لو معاك فايبر انه يكون ايثرنت بين الراوتر الى غرفتك او يكون تمديد من الصندوق الي بالبيت الى الدور الثاني والثالث

طبعآ فيه ناس بعد مابدلوه تغيرت السرعة من 2 ميغا الى 20 ميغا .. وفيه ناس بعد مابدلوه ماتيغرت السرعة بس الجودة ارتفعت وماعاد فيه انقطاع

هي بشكل كبير تعتمد على منطقتك هل مقسم المواصلات فيها تمديدات جيدة ؟ ولا من قبل الغزو هنا مربط الفرس

طبعآ سمعت انك تقدر تعدل التمديدات في المقسم بوزارة المواصلات بس ماني متأكد انت اسأل اذا عندك معارف هناك​
 

ابوصالح

عضو ذهبي
انا كان خطي بالبيت مايتحمل حتى 1.5 ميجا

الان صار يتحمل 11 ميجا



انا مثلك بالسابق وكنت مستسلم للتشويش الى ان الحوا عيالي علي وقاموا يعيروني هههههه

يقولون اشلون يبا انت مهندس وماتضبط لنا التشويش

رحت المقسم حق اصدقائي ونخيتهم اول شيء ههههههه

بعدين فحصوا الخط وقالوا لي يابوصالح خطك الداخلي اللي بالبيت تعبان

المهم

بعدها بدلت الوايرات ونظفت البوكس الخارجي ورشيت عليه دواء ازالة الصدا الى ان حصلت على افضل اشارة وهي تحمل 13 الى 14 ميجا بالاوقات الزينه

اما انوع الكيبل واين تحصل عليه والافضل منها


الافضل هو كات 6A فهو ايضا جيد جدا وومتاز وسعره 350 فلس في مجمع ولاء





والثاني هو كيبل كات 6 لانجليزي الاصلي قيمة المتر ب 150 فلس عند شركة الوسن

وهذه صورة الكرتون ماله






وهذه عنوانهم الرئيسي
قم الهاتف: 22447817 - 22459406 - 22471402
الفاكس: 22412695 - 22453686

http://alwassen.com/index.html

ترى عندهم فرع في حولي خلف مجمع ولاء مقابل المواقف الخلفيه وسعرهم ثابت بدون مكاسر


اما كات 6 A فهو سميك وممتاز وموجود في مجمع ولاء في حولي بقيمة 350 فلس كسعر نهائي وقلت له ترى راح اسوي لك اعلان في الانترنت ههههه

المهم حاولوا تكاسرونه لانه راح يقولكم بنصف دينار للمتر هههههه

هذا النوع من الكيابل لاتستخدمونه الا من البوكس الخارجي الى الراوتر وللمسافات الطويله 30 متر فما فوق فقط اما غيره فان كات 6 كافي جدا له

المهم تلقونه عند هالمحل في مجمع ولاء



يمكن الصورة غير واضحه بس هذا رقم تلفونه :

22616788
60016135
97407878


ابي اقولك شغله وهي ان اذا كانت المشكله عندك من البوكس الخارجي الى المقسم فهذا لاحول ولاقوة الا بالله العلي العظيم

ولكن انا ابي اقولك شغله انت لازم توسيها وماراح تكلف عليك شيء

شوف طال عمرك

نعرف هذا طبعا اسمه W40

wd40.jpg



هذا سعره بدينار وموجود عند لوازم العائله

افتح البوكس اللي خارج المنزل ورش البوكس ونظفه اول شيء من الصدأ

وبعدين حاول تشيل الوايرات المربوطه على خطك كلها ماعدا خط الراوتر

نظف البراغي بالرشاش هذا

بعدين اذا عند كومبرسرر صغير مثل هذا

Mini-Air-Compressor-With-Small-Size-11601-.jpg


انفخ البوكس مرة ومرتين ورش البخاخ مرة ثانيه وانفخ الى ان يزيل الصدأ عدل

بعدين اربط الراوتر مباشرة واتصل بالشركه وانا اعتقد انك سوف تحصل على اشارة افضل بكثير من السابق وعسى الله يوفقك

اهم شيء لاتخلي اي خط ثاني على الخط

شوف هذا الموضوع ترى تم مناقشته من قبل

http://www.nationalkuwait.com/vb/showthread.php?t=249505
 

شبابي

عضو فعال
الله يعطييكم العافيه على شرحكم واجاباتكم الوافيه ,,

ان شاء الله راح ابلش فيه الاسبوع الجاي ,,

ملاحظة "تقصدون بالبكس الخارجي الصغير الي بالبيت عى السور !! "
 

ابوصالح

عضو ذهبي
الله يعطييكم العافيه على شرحكم واجاباتكم الوافيه ,,

ان شاء الله راح ابلش فيه الاسبوع الجاي ,,

ملاحظة "تقصدون بالبكس الخارجي الصغير الي بالبيت عى السور !! "

الله يعافيك ويرحم والديك

نعم اخوي اقصد البكس الخارجي الصغير الي بالبيت على السور

بس ملاحظه مهمه

اخوي دير بالك من وايرات الكهرباء اذا فيها وايرات تشوفها واحيانا يمددون حق الانتركم وايرات للسماعه الخارجيه اللي عند الباب وهذي هي اللي تذبح الدي اس ال ويخليه سرعته بطيئه بسبب التشويش

بعدين لاتلمس وايرات التلفون اللي ماتخصك وتخربط تلفونات العالم ههههههه

بعدين شغله ثانيه دير بالك تتعبث في وايرات وبوكس الوزارة او ينكسر ..... ترى عليها غرامه ماليه كبيرة
 

الديفي

عضو بلاتيني
انا عن نفسي بدلت خط التلفون من البوكس الى داخل شقتي وركبو الفنيين كيبل نوعيه عاليه ومــا نـفـع

السبب ان منطقة اليرموك قديمه وبعيده عن المقسم وخطوطها نحاسيه من قبل الغزو وتشويشها عالي ركبو خطوطها بزمن ماركوني واديسون والتلغراف

يقول لي فني فاست تلكو ان خطي ما يستحمل حتى نص ميجا! وبلاخر فاست تلكو رجعو فلوسي بشيك واكلو 15 دينار مني!

والحين استعمل انترنت شـيـن ويعطيني 20 جيجا سعة استخدام بالشهر! واخلصها بـ 20 يوم تقريباً ويخسفون سرعة النت فيني الى سرعة الدايل اب القديمه

شنو الحل

zains.jpg


 
انا عن نفسي بدلت خط التلفون من البوكس الى داخل شقتي وركبو الفنيين كيبل نوعيه عاليه ومــا نـفـع

السبب ان منطقة اليرموك قديمه وبعيده عن المقسم وخطوطها نحاسيه من قبل الغزو وتشويشها عالي ركبو خطوطها بزمن ماركوني واديسون والتلغراف

يقول لي فني فاست تلكو ان خطي ما يستحمل حتى نص ميجا! وبلاخر فاست تلكو رجعو فلوسي بشيك واكلو 15 دينار مني!

والحين استعمل انترنت شـيـن ويعطيني 20 جيجا سعة استخدام بالشهر! واخلصها بـ 20 يوم تقريباً ويخسفون سرعة النت فيني الى سرعة الدايل اب القديمه

شنو الحل

zains.jpg




الحل ياطويل العمر انك تشترك viva 4g lte يوميا يعطونك 5 جيجا لمت تقريباً ..​
 
أعلى