سؤال وجواب تقارير الموظفين والبونص

ليله ويوم

عضو بلاتيني
السلام عليكم


شلون يعرف الموظف اذا مسؤله معطيه تقدير ممتاز أو خافس فيه الارض بالتقرير السنوي

؟؟؟؟؟؟؟

 

أم فواز

فـزّاعة

تدخل على مسؤولك وتقول له ابي اعرف تقريري .. وماله اي حق يرفض .
واذا رفض تقدر تعرف تقريرك عن طريق الطباعين اللي يطبعون التقارير .
وبصراحة المسؤول اللي ما يبلغ موظفينه بتقاريرهم ماعنده سالفه وكأنه
خايف من ردة فعلهم .. والمثل يقول : لا تبوق ولا تخاف

 

مقص الرقيب

عضو ذهبي

وعليكم السلام ..

تقييم الموظفين " امتياز - جيد جدا - جيد او ضعيف "


" اسوء الحالات هي الضعيف "

في حالة الضعيف يتوجب على الجهه ان تسلمك كتابا رسميا فيه

كافة التفاصيل عن حصولك لهذا التقدير والاسباب التي راى مسؤولك ان تستحق

هذا التقدير ، وتوقع رسميا على الاستلام بتاريخ محدد

وان لم تقوم بكتاب تظلم عن هذا التقدير خلال 10 ايام او 30 يوم لا اذكر تحديدا

يسقط حقك في تغيير التقييم واللي يترتب عليه امور كثيره اقلها تاخير

العلاوه الدوريه السنوية .


افضلها : الامتياز

اغلب من يحصل على الامتياز يعرف بحصوله على هذا التقديير من خلال

البونص اللي ينزله في حسابه ، لكن ليس شرطا ان كل من حصل على امتياز

ينزله بونص .



بما انه في حالتك لم يتم ارسال كتاب رسمي لك لتقدير الضعيف وفي نفس

الوقت لم ينزلك بونص فافضل طريقة لمعرفة ما هو تقديرك بدون عوار

راس ونجره مع المسؤول اللي ما راح يقولك ولا الشئون الاداريه اللي راح

تلزم بالسريه للتقارير .



ترسل كتاب لوكيل الوزاره تستفسر عن سبب عدم نزول البونص لك

عن تقييم الكفائه ، الكتاب راح يتم تحويله الي الشئون الاداريه واللي راح

تجاوب انك لم تحصل اساسا على الامتياز


في هذه الحالة تكتب كتاب اخر لوكيل الوزاره موضوعه


تظلم عن تقييم الكفائه لسنة 2012 تشرح

فيه اسبابك ان ظلمت بهذا التقييم وترفق ما يثبت عن اعمالك الشهريه

لهذه السنه راح يتم تحويله للشئون القانونيه واللي راح تفصل خلال

60 يوم اما يتم اعادة التقييم او تطنش كالعاده او تقتنع براي المدير


ان لم تقتنع عندك ديوان الخدمه المدنيه ترسل لهم نفس كتاب

التظلم اللي ارسلته للوكيل ولكن توجهه لرئيس الديوان واللي مجبره

وزارتك بالرد في حالة الشئون القانونية لم تجب على كتابك ولكن قبل 60

يوم الاولى والا يسقط حقك بالتظلم ، وتعطي ديوان الخدمه المدنية

60 يوم للفصل في الموضوع


ان لم يتم الفصل فعندك الخيار الاخير وهي توكيل محامي لرفع

دعوه في المحكمه الاداريه واللي الله يعينك عليها لانها تاخذ سنتين

على الاقل للفصل بالقضيه ولكن ان ربحتها في تعويض مادي وادبي

عن الظلم اللي وقع عليك



تحياتي
 
أعلى