نعم اسافر
الاخوة يقارنون بين الكويتية وبين الاماراتيه والقطرية لكن لماذا لا يقارنوها بالخطوط الاسوء مثلا ؟؟!
اتذكر ركبت قبل سنوات على الايطالية و قبلها بسنوات على الاسبانية فكانت اشبه بركوب باص مواصلات
ايام الثمانييات.
قطعاً ماراح اسافر عليه وولا مرا سافرت عليه بسبب موقف سيئ من العاملين على الخطوط
اسوء مافي الخطوط الجوية الكويتية هم العاملين عليها بغض النظر عن الطائرة والخدمات المقدمة
لسبب طارء رحت المطار معاي اهلي وبحجز رحلة
واعمل في وضيفة تسمح لي بالحجز علي اي خطوط طيران مجاناً
فا كنت بتاكد ان في مكان شاغر لاهلي وعددهم شخصان علشان احجز وادفع وانا ثالثهم
رحت لكاونتر الكويتية بالزون الخاص فيهم وشرحت له الموضوع وقالي موظف الكاونتر ان فيه عشر كراسي خالية وباقي على اغلاق الكاونتر ٣٠ دقيقة
يعني محد راح ياخذ هالكراسي وطلب مني اكلم مسئولهم او السوبرفايزر او اين كان مسماه
توجهتله وسلمت عليه وقلتله الي عندي بإيجاز
بدون إهتمام وقبل ما انهي كلامي وبنبرة وقحة وعالية قالي ماكو كراسي سكرنا خلاص
غضبت ورديت لموظف الكاونتر وقلتله ليش تقول عندك كراسي فا استغرب الموظف وحلفلي ان الكراسي لازالت خالية
وعرفت ان مسئولهم مو مشتهي يشتغل فا تركتها وهذي اول واخر مرة اتوجه للخطوط الكويتية
للاسف احنا في بلد الموظف الكويتي في قطاع الخدمات او القطاعات الي تتعامل مع جمهور يكون ادائه سيئ
واضن ان سبب هذا انه الموظف الكويتي يرا انه يقلل من قيمته الشخصية لما يكون ودود وخدوم للجمهور
سافرت مرة وحدة فقط على الخطوط الكويتيه وتوووووبه اسافر
حتى لو يطورونها وتصير احسن طيران في الخليج كله !
اول سبب هو مواعيدها .. من ازفت المواعيد
دايما متأخره ..
و يا كثر مايغيرون البوابة
وصراحة طيارة تفشل .. من سنين واهما يقولون بنجددها
ولا شفنا اي تجديد
ناهيك عن بعض المضيفين او المضيفات اللي تسحب الضحكه منهم
يبا احنا دافعين فلوس مو بلاش !
وبالنسبة للمهمات الرسميه لما يعطونا التذاكر على الكويتيه
انا صراحة ما اخذ التذكره مع انها على حساب الوزاره
واطير على الجزيرة او اي طيران ثاني ولا اركب الكويتيه
الشي الوحيد اللي يشفع لها .. ان الوجبة اللي يقدمونها لذيذة
وهي من شركة كاسكو ..
حسافة والله بعد ما كانت في المقدمه .. قاعدة تتراجع الى مصير مجهول !
شكرا اخ جاسم
الاخوة الكرام
كلامي يسمونه التقبل الايجابي احيانا مافي اماكن او وقت مناسب الا على الكويتية
تخيل تسافر على الكويتية وطول الرحلة تتذمر و متضايق ؟؟ راح تتعب نفسيا
لازم تكون ايجابي
و تقارن وتقول نحن على الاقل افضل من الاخرين في جوانب حتى تستطيع تقبل وجودك
على الكويتية
نعم اسافر
و اخر سفرة قبل سنة لجدة و قبلها لابوظبي و قبلها لبانكوك و قبلها لندن
طيران مميز رغم الضغوط الي عليه
خصوصا اخر رحلتين مطورين الكويتية بشكل غير مسبوق
علما باني سافرت بالقطرية و الاماراتية و ركبت 380 بعد
لكن تظل الكويتية الافضل بوجهه نظري :إستحسان:
يعنى تعتقد انه الأعلام مضخم مشاكل الكويتيه ؟؟