سؤال وجواب دبلوم تطبيقي ويرغب في استكمال البكالوريوس

السلام عليكم ورحمة الله وبركاته

احد الاشخاص حاصل على دبلوم خدمة اجتماعية من المعهد التطبيقي ونسبته 80% هل يستطيع استكمال دراسته للحصول على البكالوريوس، وهل بالإمكان دراسة البكالوريوس على تخصص آخر ؟ وما هي الشروط للتقديم .
 

قبس

عضو مميز
الموضوع شائك شوي لكن ان شاء الله احاول اوصلها لك

شروط استكمال الباكالريوس هي الاتي
اولاً: اذا تبي تعادل دبلوم لازم يكون المعدل فوق ٢.٥ يعني يعادل ٦٢.٥٪
اغلب الجامعات تشوف كشف مواد الدبلوم وتقارنه بالمواد في التخصص واذا لقت مواد متشابها تشوف معدل المادة (اذا كان ماخذ امتياز او جيد جداً في المادة فا راح تعادلها) وغالباً راح يعادلون له سنة دراسية وحدة.

ثانياً: ان تخصصه الجامعي لازم يتناسب مع ثانويته (يعني اذا تخصص الجامعة علمي لازم ثانويته علمية)

ثالثاً: يقدر يغير تخصصه الي في الدبلوم مع التخصص الجديد في الباكالريوس بس راح ينحرم من فرصة معادلته للمواد وراح يدرس اربع سنين كاملة الا اذا صادف ان فيه مواد متشابها وماخذ فيها امتياز او جيد جداً. والتعليم العالي مايخصه اذا الدبلوم وباكالريوس متشابهين او مختلفين لان هذا شئن الجامعة لكن التعاليم العالي ينظر الى معادلتهم للمواد هل هي منطقية او لا وممكن يحنج في بعض المعادلات.

بخصوص التقديم وفتح الملف هو التالي:
* تاكد ان الجامعة والتخصص معتمدين من التعليم العالي الكويتي.
* حصولك على قبول جامعي من الجامعة موضح فيه التخصص الي ترغب بدراسته + كشف المواد الي تم معادلتها او الخطة الدراسية. وهالقبول لازم يكون مصدق من الملحق الثقافي الكويتي في نفس ديرة الجامعة.
* تصدق هالقبول في التعليم العالي وهذي لها شروط اهمها حصولك على اذن دراسي من عملك او تفرغ دراسي من العمل واذا ماكنت موظف فا تجيب ورقة من التامينات تثبت انك مو موظف.


اعتقد هذا كافي
واذا فيه اي استفسار فا اسدحه وان شاء الله مانقصر معاك
 
شكرا قبس على الرد:وردة:
هو خريج المعهد التطبيقي عندنا بالكويت ووقف عدة سنوات ويبي يكمل في نفس المعهد التطبيقي عندنا بالكويت يعني ما يبي يدرس برا او في جامعة الكويت إذا يقبلونه.
هل يقدر يكمل عندنا في المعهد التطبيقي على نفس تخصصه؟
 
هو تخرج من المعهد التطبيقي بشهادة دبلوم يعني درس سنتين وتخرج دبلوم خدمة اجتماعية، والحين بيرجع يكمل دراسة في المعهد التطبيقي علشان يحصل البكالوريوس خدمة اجتماعية، هل المعهد التطبيقي فيه بكالوريوس خدمة اجتماعية والا لا ؟ وهل يستطيع اكمل الدراسة على شهادته الدبلوم مع تغيير التخصص...... مثل يدرس البكالوريوس إدارة أعمال على دبلوم الخدمة الاجتماعية .
 

قبس

عضو مميز
لا ابدا معاهد التطبيقي مافيها باكالريوس
كان فيه اقتراح الى ان خريجين كليات التطبيقي (التكنلوجيا و كلية الدراسات التجارية) انهم اذا جابوا امتياز فا يقدرون يكملون باكالريوس لكن مادري اذا تطبق القرار او لا

وبخصوص احالة الي تتكلم عنها فماعنده الا خيار الجامعة العربية يعادل دبلومه ويكمل وغالبا بيعادلون له كم مادة بس
او يكمل بالخارج
 
أعلى