من تتوقع يفوز بالدائرة الثالثة .. ورجاءً ليش ؟؟

أم سليمان

عضو فعال
بغض النظر عن شعاري ... عشان أكون مو متحيزة ... منو تتوقعون يفوز بالدائرة الثالثة ، وليش مع إبداء أسباب مقنعة ... قولوا آراءكم يمكن تقنعونا .... أو تنورونا عن أشياء غايبة عنّا ... ولازم الكل يقبل التعليقات بروح رياضية ، بس رجاءً ما نبي قذف وتجريح .... نبي كلام منطقي وحقيقي وكلمة حق ... عساكم عل القوة ..
 

أم سليمان

عضو فعال
حبيت أضيف .... سؤالي كان ضروري بسبب توسع المناطق وزيادة عدد المرشحين ... المشكلة في أربع أصوات ومانبي نضيع على اللي يستاهلون أصوات يستحقونها ...

ياليت تنيشنوووون شوي ... والله يعطيكم العافية ...
 

نهر جاري

عضو فعال
وليد الطبطبائي اولا ( ان شاءالله ) لمواقفه العظيمة دائما
والباقي ينحصر بين جمال العمر ووليد العصيمي ( لمادتهم ) , الصرعاوي ( للدعم السلفي ), د العمير (للدعم السلفي ) , د الصانع ( مدعوم من حدس )
 
طبعا توقعات النجاح محصوره فى اسماء معينه الا انى اتوقع ان تختلف الدائرة بنسه كبيره يقد يثبت احمد السعدون وقد يثبت جمال العمر ووليد العصيمى وقد يثبت الصانع والطبطبائى الا انى اتوقع تغيرات جذريه مثل حزب الامه الدكتور جاسم ومثل الدكتوره اسيل العوضى
 

المهم^الكويت

عضو بلاتيني
روضان الروضان لمواقفه في رئاسه البلدي الريال احال نائب الرئيس ومجموعه من المدراء للنيابه ولو عنده شي يخاف منه جان ما احالهم عشان لا يفظحونه . الريال مستقل ما يتبع حزب يحركه بالرموت كنترول . الريال لي الحين عايش عند اهله بالروضه .رجل شعبي وطني يخاف ربه ويخاف على الكويت. في انتخابات 2006 اخو احد المرشحين كلمه قبل الانتخابات بيوم وطلب يتحالف معاه .الروضان رفض وقال الي ينتخبه الشعب الكويتي اهو الي راح يوصل لكن للاسف تحالفو الصانع والشايع على الرغم انهم مختلفين فكريا والدليل اكثر من 700 صوت مشترك لانهم يدرون اذا الروضان وصل راح يقعد فترة طويله لان راح يكسب ثقت الشعب الكويتي .
 
السلام عليكم
توقعاتي نجاح المرشح سالم الدعسان والاسباب
انه محبوب جدا لدي الدائرة لانه انسان محترم وخدوم وسيرته طيبة جدا وانه ليس صاحب شعارات بالية بل ان قال فعل ومثقف واهدافه وبرنامجه الانتخابي يهم كل مواطن والمهم انه ليس منتمى لاي حزب ولاطائفة وينادي بالوحدة الوطنية ولافرق بين الكويتين كلنا سواسية --
ووجد حلول جذرية للاسكان == وحلول للارتقاء بالمستوي التعليمى والصحي === وينادي باسقاط فوائد القروض == وينادي بان الحكومة يجب ان تدعم السلع الاساسية ووضع قوانين للحد من الغلاء المعيشي


وجميع الكلام المذكور من خلال متابعتي لتصريحاته وايضا تناقشت مع اللجنه الاعلامية عن طريق التلفون والله العظيم اني اتشرف ان اكون معه باللجنة الاعلاميه النسائية لانى سالت عنه وايد وكلهم يمدحونه واهم شي انه غير طائفييييييييييييييي واحنا بنات الجابرية كلنا معاه والله يوفقه
 

kdd25

عضو جديد
توقعاتي هي:

السعدون
المسلم
الصرعاوي
الطبطبائي
الشايجي
الصانع
العمير
الشايع
والكرسيين الباقيين بين:

الروضان/ المليفي/ الخالد/العصيمي/العمر/ الخرافي

مع اني اتمني نجاح الغانم لسيرته الطيبة واخلاقه العالية وبعده عن الواسطة ايام التدريس وحتي بعد التدريس
شكرا وبالتوفيق للافضل
 

أم سليمان

عضو فعال
أشكر كي دي دي على هذا الإطراء رغم وجود المخضرمين .... ويالله هذا سباق ونشوف من يغلب ... وأكيد الكل هدفه الكويت .......
 

kuwaiit

عضو
واحد زائد واحد =اثنين فيصل المسلم ناجح ماينجح في حالة وحده اذا واحد زائد واحد =7
 

بو لولوه

عضو ذهبي
فيصل المسلم: عنده قاعدة من قبلية وقاعدة إسلامية.
أحمد السعدون: لأنه أحمد السعدون.
عادل الصرعاوي: قاعدة إسلامية ويجذب المحافظين أيضاً.
أحمد المليفي: لديه حس انتخابي استثنائي وقدرات خطابية متميزة.
وليد الطبطبائي: السلف المتشددين والإسلاميين الآخرين.
ناصر الصانع: حدس وما أدراك ما حدس.
علي العمير: السلف الكلاسيك ودعم حدساوي.
خالد الخالد: التحالف الوطني + المنبر + لبراليين مستقلين + محافظين معتدلين (وللأسف فرصة أسيل العوضي ليست بنفس القوة).
فيصل الشايع: مثل الخالد.
صالح الملاّ: مثل الخالد والشايع باستثناء التحالف وإضافة المتعاطفين بعد مقلب عدم ضمه للقائمة.
 

Kuwaiti Patriot

عضو جديد
عبدالله العمران

اخواني و اخواتي والله اني اشوف ان عبدالله العمران راح يكون مفاجأة الدائرة الثالة... لازم تشوفون تصاريحه... و بالتوفيق للّي يستاهل.
 
انا اتوقع ان ناس وايد من القدم بيطيحون ودماء يديده بتدش
الاول اتوقع المسلم
والثاني الطبطائي
والثالث النامي
والرابع المزين
والخامس الصانع
والسابع الصرعاوي

لاني ملاحظه ان الانتخابات المره هذي مو سهله علي السلف وحدس
 

ياكويت

عضو ذهبي
من غير ترتيب
فيصل المسلم
عادل الصرعاوي
احمد السعدون
صالح الملا
علي العمير
خالد الخالد
احمد المليفي

تبقى 3 كراسي، تظل للمتبقين .. لأن الاقوى اعلاه فقط !
 
أعلى