ملاقاتي روائي تعود اليكم في: - فيلمين في عرض واحد - سكران يطاردني

روائي

عضو مميز
:D:باكي:مساء الخير ياصبايا وياشباب
ازيكم اخباركم ايه كويسين؟؟ > ملاقاتي شرقيه اليوم لوول
ودلوقتي عاوزين تضحكو اكيد وتستمتعو مع فهلواتي وملاقاتي اللي تتمخطر في ساحة الاجتماعيه تتمخطر كده بالراحه :D
>> خل نرجع لجنسيتي ابرك قبل لا انحذف انا والموضوع لول
قبل لا اخذكم لميدان ملاقاتي في شغله اعرضوها علي الشباب وهي تغيير اسم ملاقات الى روائيات > نسبه لي :cool:
فمادري انا حبيت تشاركوني الراي

..

..

..


إلى ميدان ملاقات


فلمين في عرض واحد!!!

احب في احيان كثيره دخول السينما يوم الخميس بليل متاخر عشان مايكون فيه يهال ولا شلة جاي الضحا اللي يقعدون يسولفون. ولا في بالهم الفيلم حتى مادري قلت اماكن يعني..!
لكني غيرت مره التوقيت لانه الفيلم كان توقيتين والتوقيت الاخر كان بعد السادسه مساءً

وياويلتي ويلتاه .... دشيت طبعا الصاله هاديه وانا مواعيدي اجنبيه ادش قبل وقت العرض بدقيقتين وطبعا بعد العلانات المليقه اللي تاخذ ربع ساعه مادري داشين نشوف اعلانات قلت محطات تحط اعلانات !!
المهم ابتدى العرض انا مستانس متسمت قاعد بالنص قلت اشوه مافي حد الا جم واحد متفرقين .. المهم وانا مندمج بالفيلم طبعا فيلم رعب اشوي التفت ولا عشرين واحد يايبن واقعدو حوالي لووول طبعا وراي سطرت مراهقات بنات صغار واقعدو يسولفون ووحده انا مثبتها طول العرض حاطه ايدها على عيونها
مادري شحقه داشه اذا خايفه خخخخ
وكل ماطلعت لقطه تفزز ارفست الكرسي منور....!
اللي انا قاعد فيه :باكي:
واختها تصرخ كل ماطلع شبح خخخخ والله انا اخترعت منهم ولا الفيلم اشوفه عادي لول الرعب الحقيقي عشته من الشقيقتين
ويميني اجنبي خال ولا بس اسود وصوت ضحكته جنها صوت حيه
ويساري وياهل ياعيوني كل شوي حط ايده على جتفي خرعني اكثر من مره :باكي:
وفي نهاية الفيلم قمت انا والتفت عالبنت الصغيره وقلت لها ها ارتحتي الحين بتطلعين جان تضحك قلت لها انا بسالج سؤال ؟ انتي في حد دفعاج فلوس عشان تقعدين وراي تخرعيني
:باكي:
جان تستحي ويضحكون عليها خواتها خخخخ

وانا طالع جان اتعرجب بالدرج لووول حوبتها

وطبعا اتضح لكم عنوان المقاله الاولى :)

سكران يطاردني ....!
كنا شايلين للمنزل الجديد قبل سنوات .. وكان معاي عيال عمتي .. وبعد مارتحنا جم يوم .. قررت اني اتعرف عالجيران وطبعا قبل ماكنت اسوق فا كنا نتمشى بالفريج المهم فرينا وتعرفن عالجيران وعزمناهم وقلت لهم خلونا نكمل للجمعية نشتري اغراض حق سهرتنا بليل ونرد واحنا بالرده طبعا هم اثنين معاي وماشاء الله معروفين بالنادي اللي فيه المنطقه ويلعبون العاب قوه وكرة قدم محترفين المهم. كان ورانا ريال كبير لابس بيجامه صراحه منظره محرج ملابسه متسخه وشعره طويل جنه جاك سبارو المهم قالي تعال لو سمحت !
قلتله هلا امرني!
قالي ابي حراميه يسرقون دجاج بيتنا !!
قلتله نعم!!
قال انتو حراميه!!
قلتله لا محنا حراميه جان نعطيه ظهرنا ونمشي. لول
عاد وحنا نمشي في البراحه المظلمه وهو يلحقنا وكل ماقلنا كلمه يرددها ورانا المهم قلت ياجماعة الخير هذا شكله فيه شي يا انه معبي الطاسه او انه مينون رسمي !
المهم جان يقعد مثل الكلب عزكم الله ويقوم ينبح !! ويقول انا كلب الحديقه ياحرامية الدجاج اللي راح اصيده بعضه فيكم واسعره!!
قلت انسعر!!!! لا مش ممكن وفركناله لوول طبعا انا صرت عداء لدرجة اني سبقتهم قطيت الرياضيين ورا ظهري بيني وبينهم كيلو لووول هرمون الاندريالين H عندي
واسمع واحد منهم يبجي يقولي وقف وقف انا تعبت قلت مالك امل اوقف انا ناقص انعض وانمرض يصير فيني داء الكلب البشري !!
عاد اغراضنا تناثرت على طول الساحه وراها باسبوع سمعنا كتبو عنه الجرايد انه ضبطو منشعا في منطقه ..... بالبيجامه عاد قلت لهم هذا هو المسعور جار السوء مجاورين جلب اجرب لابركتن فيه
عاد قالولي ليش مادش معانا نادي ماشاء الله سريع قلتلهم لا ماقدر ظهري يعورني !!
قالولي يمه منك قبل اسبوع ماشفناك طحت من ظهرك الا سبقتنا
عاد قلتلهم شي طبيعي لانه الشجاعه والقوه ٩٠ بالميه منها بالقدم والباقي تتوزع :p


ونامل انه ملاقاتنا او روائياتنا تكون خفيفه عالقلب :>
 

روائي

عضو مميز

أم فواز

فـزّاعة
حلوة سالفة السينما مو مليقة
بس الملاقة واصله حدها في سالفة حرامية الدجاج ههههههه

وانا مع أختي تاج عالروس .. ملاقات احلى من روائيات
والرأي الاول والأخير لك يا روائي :مصباح:
 
أعلى