بعد ما أتحفنا الريس بتصريح "الاشاعات" عطلت التنمية
رد اليوم وأتحفنا رئيس الوزراء بتصريح يجيب الملاريا والهربس ونقص المناعة المكتسبة
يقولكم سموه ان دولة الرفاة "اللى عايشينها الحين" ماراح تستمر!!!
تخيل عزيزي المرفه الكويتي ان حياتك الحاليه عند سموه تعتبر رفاه!
تخيل ياللى راتبك مايوصلك عشرين يوم من الشهر والا هو مصفر ماراح تستمر!
تخيل يامرفه ان موعدك الحالي بالمستشفى ان كان بعد ست شهور بوقت الرفاه راح يكون بعد ست سنوات ان راحت هالرفاهيه
انا بعرف منو قال لسموك ان الكويتي من يتخرج من الأبتدائية يتوظف وزير؟
منو قال لسموك ان الكويتي ان مرض الحكومة تدزة بطيارة خاصة؟
منو قال لسموك ان الكويتي من يتزوج يستلم بيته بليلة الدخلة؟
منو قال لسموك ان الكويتي إن رزق بطفل يمشيله 500 دينار شهريا؟
منو قال لسموك ان الكويتي من يخلص الثانوية يختار الجامعة والتخصص اللى يبيه؟
منو قال لسموك ان الكويتي ينزله بونص وتذاكر سنويا؟
منو قال لسموك ان الكويتي عنده شاليه ومزرعه وجاخور؟
منو قال لسموك ان الكويتي بالعطله الصيفه اذا مو بزلمسي اكيد تحصله بجنيف؟
خلنا من هالسوالف كلها وتعال خلنا نشوف بعض رفاهيتك انت ونقارنها برفاهية اي كويتي موجود بالمنتدى!
صور لسموك مكلفة المال العام بس ثمانية وعشرين الف دينار!!!
هذا المخيم يتم تداوله بين "المرفهين" الكويتيين انه لسموك وعلى "حساب" وزارة الدفاع وتخيلوا جم تكلفته؟
*نعتذر عن رداءة الصور لرفعها من النقال!
بالنهاية نتمنى من "البعض" المقتنع والمدافع واللى مايرضى بإنتقاد هذه "النوعيات" التى تدير البلد ان يشرح لنا لماذا يعاملون الكويتيين هكذا!
علشان لايكون "فداوي" يردح على الحق والباطل
ومقدما لن يجرؤ أحد من هؤلاء الفداوية بالدفاع عن هذه الكوارث لانه سيكون "مصلع"