سؤال وجواب الفرق بين النقل والندب

مسك الورد

عضو بلاتيني
مساء الخير :)
شنو الفرق بين النقل والندب؟
شنو الأفضل النقل او الندب؟ المميزات والعيوب؟
علما بان النقل والندب بنفس المكان فقط من قسم الى قسم
شكرًا جزيلا
 

أم فواز

فـزّاعة
هلا ب @مسك الورد

الندب .. يعني تجربة .. ينتدبونج للقسم اللي تبينه ومدة الندب تتراوح من ٣ شهور الى سنة .
في الفترة هذي تثبتين نفسج اذا كنتي حابة تكملين معاهم عشان يثبتونج .

اما النقل ف يصير على طول .. تقدمين طلب نقل للقسم او الادارة اللي تبينها بس لازم تكون الادارة موافقه عليج ويبونج .

بس اللي اعرفه ان النقل والانتداب موقّف بقرار من مجلس الخدمة المدنية.
 

قبس

عضو مميز
هلا ب @مسك الورد

الندب .. يعني تجربة .. ينتدبونج للقسم اللي تبينه ومدة الندب تتراوح من ٣ شهور الى سنة .
في الفترة هذي تثبتين نفسج اذا كنتي حابة تكملين معاهم عشان يثبتونج .

اما النقل ف يصير على طول .. تقدمين طلب نقل للقسم او الادارة اللي تبينها بس لازم تكون الادارة موافقه عليج ويبونج .

بس اللي اعرفه ان النقل والانتداب موقّف بقرار من مجلس الخدمة المدنية.
اذا اسعفتني الذاكرة فا النقل من وزارة الى وزارة لازم يكون بدايته ندب ومن ثم التثبيت ويكتمل نقل الموظف
اما على مستوى الوزارة فا الندب و النقل كما اسلفت اختي ام فواز

وخبري النقل والندب لوزارة الكهربا والماي او وزارة الاشغال واقف من فترة طويلة
 

غيث

عضو مخضرم
مساء النور وعوده حميده حياج الله مسك الورد
الندب نقل مؤقت لفتره زمنيه لا يترتب عليه تغيير مسماج الوظيفي ولا مخصصاتج المالية والإدارية
النقل نقل ثابة وكامل يترتب عليه تغيير مسماج الوظيفي وكل شي إذا هناك فرق بطبيعة عملج
 

مسك الورد

عضو بلاتيني
شكرًا جزيلا ماقصرتوا جداً استفدت:):إستحسان:
سؤال ثاني بليز لو كان الشخص يتولى منصب في ادارته وبيروح ندب للقسم الثاني وتالي رجع مكانه القديم يقدرون يجردونه من منصبة؟ يعني هل الندب خطر او فيه مخاطر وله شي عادي؟
 
عمري ..شوفي الندب اذا محتاجينج بمكان وبمده معينه كسد نقص وينتهي الندب بانتهاء المده المتفق عليها وقتيه او عند عوده صاحب العمل الي انتي سديتي النقص في غيابه

وفي ندب الترقيه اذا نجحتي في مقابله كمديره او مساعده مدير عند استلامك للمنصب الجديد فمسماك الوظيفي ندب وعند انتهاء سنه واخذتي امتياز تثبتين على منصبك الجديد ويصدر قرار بالتثبيت
 
أعلى