هل صحيح يا حدس الي تسونه؟

[بو ردح]

سمعنا هالخبر بالدائرة الثالثة؟

تلقى بعض المواطنين في الدائرة الثالثة اتصالات هاتفية على أرقام المنزل تحث على انتخاب مرشحي حدس الصانع والشايجي

وتبين من خدمة كاشف الارقام في بعض البيوت أن رقم المتصل هو نفسه رقم خدمة حملة ترشيد
ومنا الى الحكومة الإصلاحية
​

هل صحيح؟ هل يعقل؟
أذا كان صحيح أحنا نحتاج فتوى شرعيه لأنه بالنسبه لي هذا استغلال للمال العام بغض النظر عن القيمه..المسأله مسألة مبدأ​

 

[kuwait the first]

قوية!!!!


تلومون باسل الجاسر لما يهاجمهم !!! من حرة قلبه

 

[الديفي]

اليوم الصبح انسدت نفسي .. وجدت صور الصانع والشايجي على مشاشات السيارات

والطريف ان جاري " الرافضي " رمى صورهم بلارض !!

 

[ستانفورد بينيه]

اليوم الصبح انسدت نفسي .. وجدت صور الصانع والشايجي على مشاشات السيارات

والطريف ان جاري " الرافضي " رمى صورهم بلارض !!

عزيزي الديفي اعتقد انها بداية يوم غير موفقه !!

 

[انتخابات2008]

فعلا استغلال للمال العام وكله باسم "تطبيق الشريعه الاسلاميه" والله اذا تموا بالمجلس ترى لا طبنا ولا غدا الشر

 

[7adsawy]

كل من رمى مسلما بما ليس فيه فقد بهته
قولوا كلام يتصدق حبايبي
طبعا هالكلام انقال بس اللي يضحك ان التلفون طلع بداله والحجي خوااارة
ولا عزاء للعاقلين
نشر الاشاعات بدون تثبت شيسمونه

 

[انتخابات2008]

اخوي 7adsawy
مؤكد انك لما تدق عليهم ماراح يقولونلك لان اول مايرد موظف الخدمة يقول "ترشيد" اهم يتصلون على ارقام البيوت اللي عندهم بس لسوء حظهم بعض البيوت فيهم كاشف ولا تنسى ان الشركة ملك للشايجي ومموله من الحكومة افليس هذا استغلال لمال الحكومه؟؟ الحكومه تعطيهم فلوس حق حمله وطنيه وهم يستغلونها لحملتهم؟؟؟
واحب اقوللك ماكو دخان من غير نار وكلام يتصدق ونص لان الشركة مثل ما ذكرت مملوكه للشايجي
وانوه ان انا مو ضد حدس على وجه الخصوص لا انا ضد كل من هو ضد الكويت ومصالح الكويتيين ولا اهم موجودين من 1981 شفادونا فيه؟؟؟ اصلا على هذيك الايام كنا احسن 1000000 مرة من الحين بس لما تشوف اهم شنو تحققلهم تلقى انهم بدوا في جمعية الاصلاح الاجتماعي بيت صغير بالروضه واليوم قلاع بكل منطقه تقدر تقوللي من وين؟ جمعية الاصلاح مو حمعية نفع عام؟؟ يعني جمعيه خيريه يعني اللي داخل من فاعلين الخير طالع للمحتاجين ابي الرد لو سمحت!!! لان حدس عليهم علامات استفهام كثيييره
تقبل تعليقي ترى ماكو شي شخصي بيني وبينك

السلام عليكم ​

نتشرف بدعوتكم لحضور افتتاح المقر الانتخابي للمرشح
( باسل جاسر الجاسر) والمشاركة في
ندوة( اولويات الكويتين الضائعة ... الاسباب والحلول....)
مساء يوم الثلاثاء الموافق 29/4/2008بعد صلاة العشاء
في جنوب السرة بجانب صالة الجيعان على امتداد شارع دمشق ​

حضوركم يشرفنا و يشرفني انا شخصيا ​

المرشح على استعداد تام للاجابه عن جميع اسئلتكم واقتراحاتكم لمجلس افضل على بريده الالكتروني الخاص وسيقوم بالرد شخصيا
ask.aljaser@live.com​

__________________

 

[7adsawy]

الله يهداكم ربع الجاسر وااايد متحسسين من الصانع ؟؟؟
حبيبي مو شرط اذا طاح الصانع بتفوزون
اعذرني بس حركاتكم كللششش مو بر يئة وصدقني حرام ثم حرام اذا في احد دق من مكان حكومي لفرض انتخابي
اخوي انا كنت بمكتب الصانع بصور اوراق قلت بفلوس ؟؟ قالوا لا بلاش ! قلت اوراق تبع الانتخابات ترى والله وربي فوقي بس ورقتين
قالوا مايجوز وفعلا ترى مايجوز
اخوي ترى معارضينه قبل ربعنا يشهدون بنظافتنا ونزاهتنا واذا بدر موقف شخصي فانشالله راح نحاجيه بس الا والحرام ربي يبعدنا عنه

 

[المهم^الكويت]

تبي اتعرف ليش رقم ترشيد؟؟ تفضل هني http://kuwait-sons.com/index.php?opt...=45&Itemid=128

 

[انتخابات2008]

شفته يا المهم الكويت ويعطيك العافيه على هالاثبات القوي فعلا اذا مات الضمير يموت كل شي بالانسان ومايشوف الا نفسه وفلوسه
وبالفعل هذا استغلال للمال العام.. ينادون بشعارات تطبيق الشريعة الاسلامية ولكنهم لايطبقون اهم ما بالشريعة الاسلامية الا وهو الامانه والمصداقيه وصحوة الضمير

 

[كويتي مهم]

شدعوه..!!!! قوية والله اذا صج الكلام فهذي طامة كبرى!

 

[متابع..]

حدس تحلل لها وتحرم علينا !

 

[7adsawy]

اقول ليش ترددون اشاعات وتصدقونها ؟؟؟
ترى ربي ما يطق بعصى خافوا على اعلراضكم ولا تطعنون بناس شريفة وخصوصا اتمن مو متاكدين !!
سبحان الله مافي دليل واحد وبديتوا تتناقلون السالفة!!
ترى ما تسوى الانتخابات تحطون بذمتكم !!
الظلم ظلمات يوم القيامة وكما تدين تدان
اللهم اني ابرأ اليك مما يقولون

 

[نقطة نظام]

تبي اتعرف ليش رقم ترشيد؟؟ تفضل هني http://kuwait-sons.com/index.php?opt...=45&Itemid=128

قد طالعت الرابط الذي اورده الاخ المهم الكويت والذي قد انتشرت المسجات عنه ايضا ً...وبرغم من اختلافي في كثير من القضايا مع حدس...الا انني قد خرجت بنتيجة واحدة وهو "كيدية" هذا الاعلان...

فهذا الاعلان ذكرني بحركات قوائم الجامعة في المهرجانات التي تسبق الانتخابات...فيكفي ان تحاول ان تأتي بأي مستمسك ان جاز التعبير...وتقوم بتهويله وتضخيمه...في فترة الانتخابات حتى يصبح مأخذا ً على المرشح...وسوف تجد من يصدقه..!!!

وليس سرا ً ان السيد عبدالعزيز الشايجي يملك هو واخوانه هذه الشركة وغيرها من الشركات...ولكن الضرب بهذه الطريقة المشينة عبر تحوير الموضوع ولكأنه استنفاع وسرقة.. وهو

وان اختلفت مع حزبه معروف بنزاهته بين اعضاء البلدي...لهو امر مؤسف فعلا..!!

 

[7adsawy]

عسى الله يدافع عنك مثل مادافعت اخوي وانت ما نعرفك ولا تعرفنا
ان الله يدافع عن الذين آمنوا
جزاك الله خيرا

 

[jrman]

والله إني ما أحب حدس.. بس نظاف.. وما أعتقد أبدا يسوون هالسوالف..

 

[" غريب الدار "]

والله كذب ونفاااق وتلميع وتشويه للحقائق

خافوا ربكم ترا والله ما ينفعكم عملكم هذا اذا وقفتوا يوم العرض أمام ربكم ؟؟

والله ما ينفعكم لا الجاسر ولا غيره ..

اتقوا الله في أنفسكم ..

قال الحبيب صلى الله عليه وسلم ::

( كفى بالمرء كذبا أن يحدث بكل ما سمع )

!!!!!!!!!!!!!!!!!!!!!!!!!!!!!

 

[الدبلوماسي]

فيه احد ممكن يزودنا بالرقم اللي اتصلوا عليه

 

[7adsawy]

والنعم والله كلام يجمد على الشارب
كفو والله ورحم الله امرءا ذب عن عرض اخيه المسلم
حفظ الله لكم اعراضكم كما حفظتم لنا اعراضنا والاختلاف النظيف الراقي يثري الساحة السياسية

 

[خلك كويتي]

هذا ما يسمى استغلال المرافق العامة لمصالح شخصية