ملاقاتي من جديد ... ( المطوع والمنقبه - خدم تتشرط - منو يحميهم ؟ - طبيب اسنان فاصل)

روائي

عضو مميز
مرحبا جميعا أيها الأعزاء على قلبي
نعود اليوم بملاقات جديدة ومميزه بعضها مضحك والاخر محزن .. وطبعا ملح الصفحه ردودكم وتفاعلكم مع المواضيع المدرجه في ملاقاتي .... طبعا قاعد اكتب بالايفون وارد في بدليات ههههه اعرف ناس يتصيدون علي :/


إلى ميدان ملاقات........


المطوع والمنقبه :

أنا بسأل سؤال في البداية .. منو هو المطوع ومن هي المنقبه؟!
هل هم مثيرين فتن ؟ هل هم سماسرة دعارة؟ هل هم تجار اغذيه فاسده ومخدرات ؟ او رمز للارهاب واصبحو ماركة مسجله كما يقال ،
أليسو جنود الله في الارض وحافظين للقرأن والسنه ناضجين فكر واصحاب ايمان قوي ونظرة مستقيمه للحياه .. طبعا وان اختلفنا مع البعض لكن هذا الصحيح لكن ارى واسمع باذني كلام ذم وتخوين وتكفير لهم من ناس ماعندي تعليق عليهم انتوا علقو عليهم ..
كنت في بيت احد الاصدقاء وكان اخره جالس معانه في الديوانيه مع والده المسن .. وكان الوالد يتفرج على قناة رقص شرقي واغاني وحاحنا نسولف بزاويه بروحنا وقال اخو صاحبي المتدين لابوه بان يغير القناك وانها لاتناسب سنه والمكان الذي نجلس فيه .. لكن والده وبخه جدا وقاله انتو خراب الدنيا انت لازم تحلق ذقنك ترا ماراح تدخلك الجنه!

وفي قصة اخرى قبل اسبوع كنت في مطعم قيصر طبعا غرامي شوربتهم لازم اسبوعيا اذوقها مره حاولت اسويها جان تصير عجين خخخخ ترستها طحين
المهم كنت جالس على طاوله لحالي وجدامي طاوله فيها ام وابنائها بنت وولدين احدهم صغير والثاني لم يتجاوز ١٨ بتسالوني شلون عرفت الام قالتله متى تطلع ليسن ونرتاح كل يوم مخالفه وصافط عكس السير وتقوله جان لفيت السكان عشان مايحطون كابح!!
المهم اثناء تناولهم الطعام اسمع الاخو الكبير يقول لاخته راح البسج نقاب فردت بغضب ليش انا اخونجيه!! الله يعني النقاب للاخوان فقط؟! شوفو النظره وهل كل الاخوان موزينين ؟! فيهم جلاب وفيهم ناس عايين على باب الله .. المهم قالت الام ولايكون بتصير مطوع علينا قالها ليش لا ! قالتله ترا هذا مودليل تدين واغلب اللي الملتحين ديكور اسالني عنهم ... مادري الاخت عيونها تكشف اللي بقلوب الناس!
وبكل وقاحه تدخن وتقول احنا عايله منحرفه !!!!!
قلت اي معذوره تبين تاخذين راحتج ........

المهم ترا المطاوعه اخوانه والمنقبات خواتنا ولانعيب بالكل ولاننظر للقاعده برمتها شواذ بل انه في القاعده شواذ لكن في ناس بالمقابل تخاف الله ومبروكه ونثق فيها يكفي لابغينا رقيه شرعيه رحنا للشيخ فلان او لاقدر الله دفان دقينا عالشيخ فلان
او في اي قضيه دينيه او دنيويه هم مراجعنا اكيد ..

خدم تتشرط..!!

في الزمان الخدم معاشاتهم ٤٠ و٤٥ وكانو يشتغلون ولايتذمرون لانه يبون يعيشون اللي ينطون بلهفة كل شهر الفلوس اللي تتحول لهم .. اليوم الخدامه معاشها وصل معاش حارس مدرسه ! وجان زين تشتغل مثله وتكون امينه على البيت واصحابه ..طبعا في موضوع سابق دافعنا عنهم لكن بعد موكل الكويتين وحوش في ناس اعرفهم يشترون للشغاله مثل مايشرون لعيالهم وينجبون لها اكل قبل لا هم يكلون ولها يوم راحه وغيره وغيره
اليوم الخدامه تقولك لازم اشوف البيت وعدد افراده وجم المعاش و وشنو اسوي بالضبط بس بدون شغل اضافي اذا فيه اخذ ازياده ! ياسلام
تدرون في خدامه شقالت حق حجيه قالت لها انا ماعرف اشتغل الا اذا حطيت مكياج لازم اتمكيج كل يوم ابي مكياج !!!
عاد شفت الحجيه قربت يمها واتلفت بويها عزكم الله
ههههه قلت زين ماسوت فيها .


من يحميهم؟

في بعض حالات التخلف العقلي يمشون بالشوارع والاسوقه بدون رقابه من احد بعضهم بريئ مايعرف شي يتعرض لضرب والاعتداء ولا يعرف يعبر .. والاخر قد يؤذي نفسه والأخرين .. عندهم اهل وبيوت بس مخلينهم بالشوارع تخيلو في واحد امه عندها خير ماشاء الله كل يوم تعطيه مصروف عشرين دينار يعني يروح الجمعيه يشتري حسابه مثلا دينار يحط العشرين ويطلع ! او في مطعم او حلاق ! مما يجعله عرضه للاستغلال من البعض ومادري شلون امه تخليه جذي!!
في واحد ثاني كسر خاطري مره كان قاعد عالرصيف ويبحي وقلتله اشفيك ومارد علي بس المهم عرفت انه في صبيان رمو عليه صخر .. حسيت بلحظه انه الصاحي مع الاسف تجرد من الاحساس وهالمسكين دامه يبجي اكيد يحس بس الدنيا العبت فيه ....


خلو قصة طبيب الاسنان غدا باذن الله انا بنام تعبت وانا اكتب ههههه

تصبحون على خير وموعذنا باجر نكمل ملاقات ونشوف ردودكم :)
 

روائي

عضو مميز
طبيب اسنان فاصل!

طبيب الأسنان مهم جدا في صناعة جمال إبتسامة نجوم السينما وهوليود لكن ماذا اذا كان هذا الطبيب جزارا او مثل مانقول عليمي او مونظيف او او او ؟!
المهم ذهبت لاحدى العيادات من باب الفضول وكثر ما تكلمولي عنها فتحمست لذهاب .. دشيت ولا العياده تصفر ! قلت اشوه يعني بدش اول واحد المهم يقول قالت الممرضه لطبيب في مريض صدقو انه طلعلي بره يرحب ويهلي ومستانس قلت ماشاء الله خوش عياده وخوش استقبال شي يسعد النفس .. وماعرفت السبب الا لما انسدحت عالمرتبه او السرير مادري شسمونه المهم قالي في ايه ياطلال قلتله ضرسي فيه كذا وواحد ثاني بعد بادي يعورني .. المهم قالي الاولاني عاوز قلع قلتله اقلعه قلعه الله خل يولي لول
الثاني قالي بشيل مكان السوس واحطلك حشوة الاستعاضه الدائمه قلتله اوكي .. طبعا يه يبي يخلع ولا ماسك جلابتين كبار !! قلتله شدعوه ضرس ادمي ترا مو ثور !
قال لاه ماتخافش طبعا بعد ماعطاني بنج قلتله طقني ابره ثانيه هههه مارتحت لشكل الاداه اول مره اشوفها عوده جذي حسسني جنه بيشيل الفك كله .. المهم وهو ياي يشيل طق ضرسي من فوق وتحت حيل وضغط بايده الثانيه على صدري لوووول بقوله تراك كسرتني بس هونت بقوم بس ماقدرت اتحچي الجلابتين بحلجي عالضرس جان يشيله حيل وكسر الضرس اللي يمه !!!!
قلتله افا عليك دكتور موجذي !! المهم قالي مفيش حاقه انتهينا قلت زين ما انهيت حياتي متسند على صدري خنقتني ماتسوى علي ومشكله يقول بسم الله الله واكبر حسسني جنه بيصلخني!
المهم الضرس الثاني يوم يه بيحفر دققت على ادواته ولا كلها دم !!! قلتله دكتور شنو هذا وين التعقيم ، قال انتو الكوايته بتخافو ليه ده دم والمكان بيتعقم قلتله اي معلوم نخاف ومعلوم منتشر عندكم داء الكبد الوبائي جان يسكت ... قالي دي الحشوه مدى الحياه .. قلت زين وطلعت وحسيت مكان ضرسي اللي انخلع بدى يعورني من قوة الخلع زين ماطلع مخي .. عاد قبل اسبوع انكسرت الحشوه وقلت لايانصاب تقول دائمه من عذر عيادتك تصفر ومن عذر تاخذ فلوس لي جدام يالفقر ومن عذر طلعت تستقبلني ههههههه محد يايهم من سنه يمكن
عاد تحلفت باللي امدحوها وبمدحه وباخذهم وبقول علي الحساب بس دشو داخل :/

طبعا مانعيب بطيبب الاسنان انا بالنسبه لي احسن عيادة الميدان خصوصا باجيال فحيحيل عندنا دكتورين واحد امهر من الثاني وفنانين حتى الخلع فنانين ولا يعورون الصروس اللي يم الضرس المخلوع مثل صاحبنا الجزار ..!
اللي هو دكتور انيس ودكتور ميثم الكويتي طبعا دكتور ميثم توب وان بالنسبه لي :)
 

روائي

عضو مميز
قولنا مينو هاذي العيادة لكي نحترسها
يازوووول !!!!!

ههههههه الله امر بالستر يازلمه
بعدين بروحها طايح حظها بعد اطيح حظها زياده حرام عالعموم هي بالمنطقه العاشره معروفه تحديدا بالعاشره :)
اما بره مايعرفونها
 

أم فواز

فـزّاعة
كل المواقف اللي ذكرتها تهون .. ماعدا طبيب الاسنان :oops:
معقول في عيادات وبائية جذيه عندنا بالكويت ؟
يعني لو تقول لي واحد شاري شهادته وفاتح شقته كعياده اصدق
بس عيادة والناس تروح لها وتعالج عنده ؟؟


عزيزي ..
ما خفي أعظم
اعتقد فيه بلاوي اكثر من اللي موجود الحين

انت شفت منطقة جليب الشيوخ ؟
ومريت على سوق الحراج ؟
ييت صوب تجمع فيه محلات ودكاكين هنود وشفت البلاوي اللي تصير ؟
طيب مرة دخلت على سكيورتي امن في بعض المجمعات ولقيتهم مجابلين شغلهم ؟

يا روائي لا تزيد همومنا اكثر ترى كافي اللي فينا :وردة_ذابلة:


وتراك عورت قلبي على الاشخاص اللي فيهم تخلف عقلي ..
بعضهم يكسر الخاطر خاصة اللي يلويون صوب الجمعيات ..
والادهى ان فيهم حريم .. تلقاى اهلها نايمين وهي طالعه الصبح
وماتدري وين بتروح ..


اما سالفة الخدم هذي عاد حدث ولا حرج
انا اعتقد في المستقبل راح يصير فيه خدم يخدمون الخدم اللي في البيت واخد بالك :D
 

روائي

عضو مميز
كل المواقف اللي ذكرتها تهون .. ماعدا طبيب الاسنان :oops:
معقول في عيادات وبائية جذيه عندنا بالكويت ؟
يعني لو تقول لي واحد شاري شهادته وفاتح شقته كعياده اصدق
بس عيادة والناس تروح لها وتعالج عنده ؟؟


عزيزي ..
ما خفي أعظم
اعتقد فيه بلاوي اكثر من اللي موجود الحين

انت شفت منطقة جليب الشيوخ ؟
ومريت على سوق الحراج ؟
ييت صوب تجمع فيه محلات ودكاكين هنود وشفت البلاوي اللي تصير ؟
طيب مرة دخلت على سكيورتي امن في بعض المجمعات ولقيتهم مجابلين شغلهم ؟

يا روائي لا تزيد همومنا اكثر ترى كافي اللي فينا :وردة_ذابلة:


وتراك عورت قلبي على الاشخاص اللي فيهم تخلف عقلي ..
بعضهم يكسر الخاطر خاصة اللي يلويون صوب الجمعيات ..
والادهى ان فيهم حريم .. تلقاى اهلها نايمين وهي طالعه الصبح
وماتدري وين بتروح ..


اما سالفة الخدم هذي عاد حدث ولا حرج
انا اعتقد في المستقبل راح يصير فيه خدم يخدمون الخدم اللي في البيت واخد بالك :D

هههههه انا ادري انه عندج موعد باجر الظاهر زدت من خوفج لول
اي والله مع الاسف لكن الله يفرج الامور وتنحل باذنه تعالى
ودعواتي لج بالشفاء :)
 

أم فواز

فـزّاعة
هههههه انا ادري انه عندج موعد باجر الظاهر زدت من خوفج لول
اي والله مع الاسف لكن الله يفرج الامور وتنحل باذنه تعالى
ودعواتي لج بالشفاء :)

قط مرة سمعت عن واحد عنده موعد بطبيب الأسنان وكشرته جذيه :D

الله يسلمك يارب ومشكور على الدعوة الطيبة مثلك :وردة:
 

روائي

عضو مميز
قط مرة سمعت عن واحد عنده موعد بطبيب الأسنان وكشرته جذيه :D

الله يسلمك يارب ومشكور على الدعوة الطيبة مثلك :وردة:

هههههه عاد الاسنان ولا جراحه ادش اضحك حتى لما يغروني ابره تيني موجة فصله ههههه اقعد اضحك والممرضه تقولي لاتتحرك لا تنكسر الابره لول
اجمعين وطمنينا عليج
 

مسك الورد

عضو بلاتيني
o_O:eek::باكي: كل هالضيم بطبيب الأسنان وانت قاعد؟ ليييييييييييش؟ جان قمت وطلعت
انت انتحاري
طبيب الأسنان بروحه رعب وهالمرة قصاب
 

أبوطلال

"رئيس المشرفين"
طاقم الإدارة
طاقم الإشراف
حى الله اخونا طلال ... لا خوش ملاقات شغل سنع وعدل ..ياروائي
هالشايب حده ازقرتى يتابع قناة وناسة ورقص شرقى .!!!
شكله تسكع كثيرا بالزمن الماضي فى ليل شارع الهرم والاريزونا وشارع الحمراء فى بيروت قبيل الحرب الاهلية 1975

اما طبيب الاسنان هذه حكاية بروحها ..طبيب الاسنان بروحه فيلم رعب من خلال ادواته الطبية وأبر التخدير
والمشكلة ان كان غير متمكن من اجادة عمله يزيد من ألم مريضه ومعاناته النفسية من جراء اوجاع الضرس
والمفترض بكل طبيب اسنان ماهر ان يعالج مريضه نفسيا قبل الشروع بعلاجه عبر تهدئته وان الامر بسيط ويجعله يتقبل ويتهياء لأبر التخدير والخلع او الحفر المؤلم
بعضهم يقعد يهول بالامر نفس صاحبنا الطبيب اياه وان بدر اعتراض من المريض بان الامر مؤلم ..رد عليه هو انت بتخاف والا ايه وليه انتوا الكوايته خوافين ؟؟!!!
بعضهم على اسلوبه مال تصكه بحفارته والجلابتين حقته على وجهه هههههههه ..معلش لكونى عانيت من هذا الامر مرة ونفس اسلوب الطبيب اللى تعامل مع الاخ روائي
كنت بخلع ضرس العقل ..الطبيب وهو فى الحكومة وليس عيادة خاصة هول لى الامر وان خلع ضرس العقل امر صعب وقد يترتب عليه اثار جانبية سلبية منها خدر بالفك لاكثر من سنة وعليه ان اكتب اقرار وتعهد بعدم تحميلهم اى مسوؤلية ؟!!!وان خلعه صعب جدا ومحتاج فتح لحم الفك اولا لكى يسهل خلعه لصعوبته ..المهم حسبى الله عليه حاس نفسيتى بتقبل الخلع ..ومع هذا وافقت وعندما بدأ الخلع بعد ابرة التخدير وجدته لايجيد عمله وبدفاشه كما هو طبيب روائي .عندها طلبت منه الكف عن العلاج ومع هذا يردد هو انت خايف ليه دول نسوان وستات بيجوا يخلعوا وهى بتضحك ؟!!!..!!. تضحك ؟! والله من شاف وجهك المائل لليسار وخشمك هذا بو مترين واسلوبك الدفاشه ماظنتى يضحك الا ممكن يضحكون على خشمك اللى اطول من دوام الاحد .!!!.
.المهم تركت الطبيب بوخشم ..وبعدها بالصدفة بعد كم سنة قام طبيب كويتى شاب صغير كبر عيالى اظنه توه خريج بكل سهولة بخلع ضرس العقل ولم يهول الامر بعد فحص السكر والضغط فقط قام بخلعه فورا فى دقائق وسريعا ولم اشعر بأى ألم ..
وبوخشم اياه سوى لى سالفة وقصة عنتر وعبله وحرب داحس والغبراء علشان ضرس ..المهم خلعته وبقيت بلا عقل ههههههههههههه
تحياتى ...​
 

روائي

عضو مميز
حى الله اخونا طلال ... لا خوش ملاقات شغل سنع وعدل ..ياروائي
هالشايب حده ازقرتى يتابع قناة وناسة ورقص شرقى .!!!
شكله تسكع كثيرا بالزمن الماضي فى ليل شارع الهرم والاريزونا وشارع الحمراء فى بيروت قبيل الحرب الاهلية 1975

اما طبيب الاسنان هذه حكاية بروحها ..طبيب الاسنان بروحه فيلم رعب من خلال ادواته الطبية وأبر التخدير
والمشكلة ان كان غير متمكن من اجادة عمله يزيد من ألم مريضه ومعاناته النفسية من جراء اوجاع الضرس
والمفترض بكل طبيب اسنان ماهر ان يعالج مريضه نفسيا قبل الشروع بعلاجه عبر تهدئته وان الامر بسيط ويجعله يتقبل ويتهياء لأبر التخدير والخلع او الحفر المؤلم
بعضهم يقعد يهول بالامر نفس صاحبنا الطبيب اياه وان بدر اعتراض من المريض بان الامر مؤلم ..رد عليه هو انت بتخاف والا ايه وليه انتوا الكوايته خوافين ؟؟!!!
بعضهم على اسلوبه مال تصكه بحفارته والجلابتين حقته على وجهه هههههههه ..معلش لكونى عانيت من هذا الامر مرة ونفس اسلوب الطبيب اللى تعامل مع الاخ روائي
كنت بخلع ضرس العقل ..الطبيب وهو فى الحكومة وليس عيادة خاصة هول لى الامر وان خلع ضرس العقل امر صعب وقد يترتب عليه اثار جانبية سلبية منها خدر بالفك لاكثر من سنة وعليه ان اكتب اقرار وتعهد بعدم تحميلهم اى مسوؤلية ؟!!!وان خلعه صعب جدا ومحتاج فتح لحم الفك اولا لكى يسهل خلعه لصعوبته ..المهم حسبى الله عليه حاس نفسيتى بتقبل الخلع ..ومع هذا وافقت وعندما بدأ الخلع بعد ابرة التخدير وجدته لايجيد عمله وبدفاشه كما هو طبيب روائي .عندها طلبت منه الكف عن العلاج ومع هذا يردد هو انت خايف ليه دول نسوان وستات بيجوا يخلعوا وهى بتضحك ؟!!!..!!. تضحك ؟! والله من شاف وجهك المائل لليسار وخشمك هذا بو مترين واسلوبك الدفاشه ماظنتى يضحك الا ممكن يضحكون على خشمك اللى اطول من دوام الاحد .!!!.
.المهم تركت الطبيب بوخشم ..وبعدها بالصدفة بعد كم سنة قام طبيب كويتى شاب صغير كبر عيالى اظنه توه خريج بكل سهولة بخلع ضرس العقل ولم يهول الامر بعد فحص السكر والضغط فقط قام بخلعه فورا فى دقائق وسريعا ولم اشعر بأى ألم ..
وبوخشم اياه سوى لى سالفة وقصة عنتر وعبله وحرب داحس والغبراء علشان ضرس ..المهم خلعته وبقيت بلا عقل ههههههههههههه
تحياتى ...​

حياك الله شرفت ونورت صفحتي

هههه بوخشم هذا الظاهر طول الوقت حاول يخلع خشمه عباله ضرسك عشان جذي قالك صعبه شيلته لول
انا رعبي الاكبر اني ملقوف وقت مايحط الدر او المثقب اقعد اعد ضروسي بلساني والعب ههههه يعصبون علي يقولولي لا ينشق لسانك معىد لاتحركه اقولهم لاشعوريا شسوي خخخخخ

الله يكافينا شر الغشمه والدخلاء عالمهنه
 
أعلى