معشوقتي الكويت
عضو مميز
بسم الله الرحمن الرحيم
انا صراحه لفتت نظري ظاهره غريبه من بعض ابناء القبائل الكرام واتمنى اني القى جواب واحد يبرر السبب الرئيسي من الظاهره هذي ...
قمنا نشوف بين فتره وفتره بالصحف بعض الاخوان اللى كانو ناوين خوض الانتخابات لكنهم قررو ترك المجال لغيرهم وذالك مو لاجل الوطن او المصلحه العامه !!
نجد عباراتهم
(( بعد التوكل على الله قررنا عدم خوض الانتخابات لصالح القبيله وابناء القبيله ))
يعني صراحه لاتعليق على هالكلام وكأن الاخوان نازلين الانتخابات حرب بين القبائل ومنو يحظى باكبر عدد من كراسي مجلس الامه !!
تاركين مصلحه البلد ومصلحه الشعب وراء القبيله وشؤن القبيله ...
ملاحظه : عشان مايتهمون بعض الاخوه الحضر والشيعه ويقولون الموضوع يثير الفتنه ترى انا كويتي ومن قبيله لكن اللى قاعد اشوفه هذا غلط بحق الكويت والشعب الكويتي عشان جذي كتبت الموضوع هذا ...