الشاعر الكبير حمد العزب في ذمة الله

ام العيال

عضو مخضرم
image.jpg


نعى عدد من رموز وشعراء الساحة النبطية الخليجية، الأديب والشاعر الكويتي حمد العزب، الذي وافته المنية، مساء الأربعاء، بعد معاناة طويلة مع المرض.

كان العزب قد أصيب بأزمة صحية قبل عامين ونصف العام، وسافر للعلاج بفرنسا، إلا أن حالته الصحية تدهورت، وأصيب عقب عودته للكويت بغيبوبة كاملة.

يعرف العزب بكونه، واحدا من أشهر الأسماء الإعلامية بتليفزيون الكويت، وكان يقدم برنامج (ديوانية شعراء النبط) الشهير، ويعد واحدا من رموز شعر النبط في الساحة الخليجية.


وهذه بعض قصائده

الشاعر الكبير المعروف (( حمد العزب ))
وهي اهداء الى صاحب السمو الملكي الامير عبد العزيز ابن فهد ال سعود


يامير جينالك من البعد عانين = جينا على دعوتك ياطير حوران
في لازمك نمشي على العسر واللين = لو كان من دونك اجبالٍ ووديان
سمي جدك ياطليق الحجاجين = امشاهدك يجلي عن القلب الاحزان
يابن الملوك اللي على المجد وافين = حرار نجد اللي على الخيل فرسان
يامن على سيرة هل الدين ماشين = يامطوعينٍ كل طاغي وشيطان
انتم ذرى الاسلام ماضي وهالحين = وانتم سند من ضده الوقت وانهان
يامير لو قلنا بمدحك دواوين = والله مانوفيك حقك ولو كان
امرددٍ يامير من بين الاثنين = من بين ابوك وبين جدك اكحيلان
ومن بين عمان وخوالٍ مسمين = ساسك حشا مافيه ميله ونقصان
عنك الردى ابعد من الجدي ضعفين = وابعد من سهيل اليماني اليا بان
والله عطاك من الجزيلات ثنتين = مخافته ومراقبه سر واعلان
والثالثه تواضعك للمساكين = ماغرتك دنيا خرافات والوان
يابن الفهد ياعز الاقصى والادنين = ياغيث ربعه كان وجه الزمن شان
عبد العزيز اسمك حفيد العزيزين = نسل الفهد عريب جدٍ وعمان
يامير ماحقك من الشعر بيتين = حقك على راسي وعيني والامتان
دعيتنا وحنا لشوفتك شفقين = وزيارتك تبقى على الصدر نيشان

وهذه له في لعب الفرينسي في الافراح

يالله المطلوب يالوالي= ياكريم الجود سبحانه
لابدينا بزين الامثالي= زان قول الشعر والحانه
هاتو الدله وفنجالي = دلتن باللهيل مليانه
للحضور تصب وتشالي= مرحبا والنفس طربانه
لابتي يامزبن الجالي= مزبنه من دون عدوانه
في نهار الكون عيالي= لاختلط عجه ودخانه
بنت ياللي لبسها غالي= كنها وسط البحر دانه
ضامرً والعود ميالي= والعيون عيون شيهانه
ماتلقت صوب الانذالي= والردي ماشانها شانه
عينها لمعرب الخالي = تقصر الخطوه على شانه


سلام رديّه علـى منهـو حضـر = على جميـع كبارهـا واصغارهـا
ياللي سرى ليلك على نور القمـر = قصايدك ما قلت ويـش اخبارهـا
يا مقلّط الدلّه علـى جـال الجمـر = عزّ الله انك مـا ظبطـت ابهارهـا
ياللي بغيت العلـم منّـا والخبـر = جتك العلـوم طوالهـا واقصارهـا
حنا ترانـا اللابـه اللـي تفتخـر = عند الخوي والضيف والا جارهـا
اهل القنازع باللقا واهـل الظفـر = لا ثـار بالميـدان عـجّ امهارهـا
مثل السحاب اللي على الوادي حدر = سيله اذا جا القاع شال احجارهـا
يوم الفشق كنّه مثل وبـل المطـر= من مزنةٍ ترعـد وتقـدح نارهـا
كم شيخ قومٍ قد نواهـم وانكسـر = خِلّي نهار الكون وسـط اغبارهـا


وله ايضاً

أنا باديـن بالله ولا باديـن غيـره = عزيز الجلاله راعي المرقب العالي

حضرنا لراعي العرس وهذا لتقديره = عزيزن علينا وكل طيب يجي غالي

علينا معزت طيب الذكر والسيـره = ولاخير فلـي مالـه أول ولاتالـي

نقدر هل المعروف والطيب والغيره = ولانلتفت لراعـي القيـل والقالـي

عسا كل طيب ما تعطل مشاويـره = يوفقه ربـي بيـن لقفـا ولقبالـي

ترى إلي يخلي واجبه يان تقصيره = ولجات عنده مانحطه على البالـي

نقول الرفيق صد ياجعلهـا خيـره = وأن جا تعنـا كـود للـي تعنالـي

عسى الله يدبرنا على خير تدبيـره = يعز البلد واللي لها فـي وضلالـي


وله الكثير الكثير وكذلك وهو راوي للشعر والقصص وعندما يهل القصيده عنده استعداد
لو تكون من مئة بيت يقولها بكل سهوله وانطلاق بدون انقطاع والقليل من يكون مثله
وربما ينعدون على الاصابع في عالمنا العربي بهذه الفطنه والبلاغه بالحفظ والتشكيل

انا لله وان اليه راجعون يعتبر موسعه شعريه وهرم ادبي وملك الحفظ في الشعر النبطي
ومن واجبنا عليه لو مانعرفه شخصياً ان نترحم عليه وعلى جميع موتانا وموتى المسلمين
فهو في ايام اسعدنا بحضوره في محافلنا الاعلاميه وشرف الكويت في كذا محفل
اللهم اجبر عزا اهله وصبرهم على فراقه ،،،

 

( القلب الكبير )

المعرف السابق:النوخذة بوعبدالله
رحمه الله و غفر له ولجميع أموات المسلمين
نسأل الله أن يلهم أهله الصبر
ويأجرهم في مصيبتهم
ويعوضهم خيرا منه
 

أم فواز

فـزّاعة
الله يرحمه ويغفر له ان شالله
ويلهم ذويه الصبر والسلوان
مشكورة ام العيال :وردة:
 

١١١

عضو فعال
الله يرحمه.
فعلا كان متميز ومنفرد ومثال في طرحة الشعبي . الله يرحمه .
 

ياسين الحساوي

عميد الشبكة "مشرف "
طاقم الإشراف
رحمه الله وغفر له وأسكنه فسيح جناته
كان شاعرا وراويا موثوقا للتراث الشعبى

***
شكرا لأختنا أم العيال​
 

خيــال

عضو بلاتيني


إنا لله وإنا له راجعون

عسى الله يرحمه ويلهم أهله وذويه الصبر والسلوان


شكراً ام العيال لفتة كريمة منك لأحد رموز الشعر في الخليج :وردة:
 
أعلى