غزل فهد بن جافور
ياصاحبي هاللون ما يستويلـي،،تمللنـي ملـلٍ بليـا نجاحـي
ما قلت يا لطف الحشا عزتيلي،،قلبك متين ولا مشى بالنصاحي
ضيعت يازيت الوصايف دليلي،،في مرّتك هاللون ناوي اذباحي
ان كان مالي ياعشيري ذبيلـي،،ارخص لنا ياعل دربك سماحي
لوكان حبك في ضميري محيلي،،كل يشد اليا جفـاه المراحـي
ما يطرد المقفين كود الهبيلـي،،والحر ياشاف الجفا منه راحـي
ياغزالٍ سـم حالـي وقلبـي شايعـه
سم حالي بالغلا والحديث اللي نظيـف
كبدي اللي من حريمة عشيـري مايعـه
والسبايب كلمةٍ قالها جرحـي لطيـف
جعل ربـي ماسمعهـا وعنـده ضايعـه
والحريمه جعلها ماتصير مـن الوليـف
عين طيره حاكـم للحبـاري طايعـه
اخلفت رمايهـا بالمحاجـر والرفيـف
بالحبيب شارتين بالظبـى اللـي رايعـه
عنقها عنق المها والحجاج اللي نظيـف
كن قمر اربع عشر فـي لبابـه طالعـه
ماتطرف من حشا جيبها يكشف كشيف
ليت خلي يمشي الحـق وانـا طايعـه
يحط ميزان الغلا وانتقاسـم بالنصيـف
