قبل فترة بسيطة اختربت الثلاجة عندي صارت ماتبرد
وبما ان اخوكم خبير ويحب الفهلوة
وبما ان عندي ثلاجتين بالبيت فقلت كل يوم بجيب فني او فنيين بالكثير وبشوف فهلوتهم
وفعلا تمت اسبوع خربانة وخلال هالاسبوع متى مافضيت دقيت على فني ويحضر للبيت ويشوفها
اجمع تقريبا الفنيين على خراب المروحة "هنا عرفنا العلة وتأكدنا"
وكان سعر التصليح يبدأ بـ18 دينار ويصل الى 32 دينار من غير مبالغة
تفاوت رهيب وعجيب بسعر التصليح!!
الأكيد ان حسيت ان الوضع فيه لعب وان تكلفتها بسيطة
وللشرح أكثر وعلى افتراض ان هذه الثلاجة
بالصورة حاط لكم اربع دوائر
كل دائرة تجدون بها برغي مقفل
اذا فكيت الاربع براغي يطلع معاك الديكور اللى هو "الواجهة"
وبالديكور هذا يوجد واير فيه "كلبس" افصل الكلبس يطلع الديكور كااااااااااااااامل معاك
يعني الشغلة اذا كنت بطيييييييييييييئ جدا تفكها من غير مبالغة بخمس دقائق
بعد مايطلع الديكور تجد مروحتين "مراوح" مروحة للثلاجة ومروحة للفريزر
خراب أي وحده فيهم يعني عدك كفاءة التبريد
ومثل ماقلت لكم الفنيين رايحين جايين على الثلاجة فعرفت الخراب وطريقة الفتح شغله سهلة وبسيطة جدا جدا جدا جدا
لكن السعر حسيت انه مبالغ فيه
هنا قررت ان اخوض التجربة وأصبح فني
بطلت الديكور بنفسي ووجدت الواير وفصلته
وحصلت المروحتين "وحدة طافية"
المروحة لها برغي واحد ان فتحته تطلع معاك كاملة
فتحت البرغي وطلعت معاي المروحة
وهذه المروحة طبعا من غير "الريش" لان الخربان مكينة المروحة فقط وهي اللى تفر الريش اللي هي شفرات المروحة
قطع غيار الثلاجات والمكيفات يبيعها الحساوي
اخذت قطعتي ورحت لأقرب فرع لمنطقتي اللى هو بالري
عطيت العامل المروحة وقلت له ابي نفس هذه
عطيته القطعة دش بالمخزن دقيقة وعطاني هالقطعة
من غير مبالغة طبق الاصل فقط الربل الاسود لان قطعتي كنت فاصخ عنها الربل وصورتها
والا نفس القطعتين بالضبط
واللى بالدائرة الحمره هذا الكلبس اللى تفصله وتركبه سهل جدا
قلت للبايع بكم هالقطعة قال بـ3 دنانير!!!!
والله ياجماعة بثلاث دنانير فقط لاغير
اخذتها ورديت للبيت وحطيت المروحه مكانها وركبت الكلبس
ورجعت ديكور الثلاجة وسكرت الاربع براغي
وناديت ولدي وقلت له شغل بلاك الكهرباء وانا ابوك وابتعدت عن الثلاجة وصرخت على ولدي
يافلان شغلها وغمضت عيوني
قالي يبا اشتغلت قلت له مامسكتك الكهرباء قال لا
هنا شعرت انني فني جدير بالاحترام والثقة وبغيت انزل اعلان بالوسيط اني اصلح ثلاجات
ملاعيين الخير الفنيين والله من 32 دينار الى 18 وطلعت التكلفة فقط 3 دنانيروراس مالها اربع براغي وكلبس!!
نصيحتي لكم
هذا الكيس تبع شركة الحساوي مصورة لكم
بحال ان اخترب أي شي عندك
مكيف وحدة ثلاجة فريزر
دق على كذا فني واعرف العطل اللى يجمعون عليه الفنيين
اذا القطعة سهلة وتشوف مكانها سهل
فك قطعتك وروح اقرب فرع للحساوي واشترها بنفسك وركبها
واذا مالك بالفك والتركيب وتحس انه صعب او تخاف
الفني اذا قالك الخراب كذا ولازم تبديل وهذا يكلفك 20 او 30 دينار
قوله حاضر انا اجيب لك القطعة بجم تركبها؟
راح ينصدم لان التركيب مستحيل يطوف الـ5 دنانير
والقطعة ماراح تكلفك شي
اذا بالحساوي بخمسة الفني حاسبها لك اقل شي بـ15 او عشرين لان هذه لعبتهم
روح لأقرب فرع واخذ القطعة الخربانة معاك وعطها العامل راح يجيب لك اختها بسعر جدا ممتاز وراح تشوف بمعرض الحساوي
الفنيين يشترون قطع معاك "لتكملة سلخ زبائنهم"
هذه اذا ماجاب لك قطعة مستعملة!!
احذروهم فإني لكم من الناصحين
وبما ان اخوكم خبير ويحب الفهلوة
وبما ان عندي ثلاجتين بالبيت فقلت كل يوم بجيب فني او فنيين بالكثير وبشوف فهلوتهم
وفعلا تمت اسبوع خربانة وخلال هالاسبوع متى مافضيت دقيت على فني ويحضر للبيت ويشوفها
اجمع تقريبا الفنيين على خراب المروحة "هنا عرفنا العلة وتأكدنا"
وكان سعر التصليح يبدأ بـ18 دينار ويصل الى 32 دينار من غير مبالغة
تفاوت رهيب وعجيب بسعر التصليح!!
الأكيد ان حسيت ان الوضع فيه لعب وان تكلفتها بسيطة
وللشرح أكثر وعلى افتراض ان هذه الثلاجة
بالصورة حاط لكم اربع دوائر
كل دائرة تجدون بها برغي مقفل
اذا فكيت الاربع براغي يطلع معاك الديكور اللى هو "الواجهة"
وبالديكور هذا يوجد واير فيه "كلبس" افصل الكلبس يطلع الديكور كااااااااااااااامل معاك
يعني الشغلة اذا كنت بطيييييييييييييئ جدا تفكها من غير مبالغة بخمس دقائق
بعد مايطلع الديكور تجد مروحتين "مراوح" مروحة للثلاجة ومروحة للفريزر
خراب أي وحده فيهم يعني عدك كفاءة التبريد
ومثل ماقلت لكم الفنيين رايحين جايين على الثلاجة فعرفت الخراب وطريقة الفتح شغله سهلة وبسيطة جدا جدا جدا جدا
لكن السعر حسيت انه مبالغ فيه
هنا قررت ان اخوض التجربة وأصبح فني
بطلت الديكور بنفسي ووجدت الواير وفصلته
وحصلت المروحتين "وحدة طافية"
المروحة لها برغي واحد ان فتحته تطلع معاك كاملة
فتحت البرغي وطلعت معاي المروحة
وهذه المروحة طبعا من غير "الريش" لان الخربان مكينة المروحة فقط وهي اللى تفر الريش اللي هي شفرات المروحة
قطع غيار الثلاجات والمكيفات يبيعها الحساوي
اخذت قطعتي ورحت لأقرب فرع لمنطقتي اللى هو بالري
عطيت العامل المروحة وقلت له ابي نفس هذه
عطيته القطعة دش بالمخزن دقيقة وعطاني هالقطعة
من غير مبالغة طبق الاصل فقط الربل الاسود لان قطعتي كنت فاصخ عنها الربل وصورتها
والا نفس القطعتين بالضبط
واللى بالدائرة الحمره هذا الكلبس اللى تفصله وتركبه سهل جدا
قلت للبايع بكم هالقطعة قال بـ3 دنانير!!!!
والله ياجماعة بثلاث دنانير فقط لاغير
اخذتها ورديت للبيت وحطيت المروحه مكانها وركبت الكلبس
ورجعت ديكور الثلاجة وسكرت الاربع براغي
وناديت ولدي وقلت له شغل بلاك الكهرباء وانا ابوك وابتعدت عن الثلاجة وصرخت على ولدي
يافلان شغلها وغمضت عيوني
قالي يبا اشتغلت قلت له مامسكتك الكهرباء قال لا
هنا شعرت انني فني جدير بالاحترام والثقة وبغيت انزل اعلان بالوسيط اني اصلح ثلاجات
ملاعيين الخير الفنيين والله من 32 دينار الى 18 وطلعت التكلفة فقط 3 دنانيروراس مالها اربع براغي وكلبس!!
نصيحتي لكم
هذا الكيس تبع شركة الحساوي مصورة لكم
بحال ان اخترب أي شي عندك
مكيف وحدة ثلاجة فريزر
دق على كذا فني واعرف العطل اللى يجمعون عليه الفنيين
اذا القطعة سهلة وتشوف مكانها سهل
فك قطعتك وروح اقرب فرع للحساوي واشترها بنفسك وركبها
واذا مالك بالفك والتركيب وتحس انه صعب او تخاف
الفني اذا قالك الخراب كذا ولازم تبديل وهذا يكلفك 20 او 30 دينار
قوله حاضر انا اجيب لك القطعة بجم تركبها؟
راح ينصدم لان التركيب مستحيل يطوف الـ5 دنانير
والقطعة ماراح تكلفك شي
اذا بالحساوي بخمسة الفني حاسبها لك اقل شي بـ15 او عشرين لان هذه لعبتهم
روح لأقرب فرع واخذ القطعة الخربانة معاك وعطها العامل راح يجيب لك اختها بسعر جدا ممتاز وراح تشوف بمعرض الحساوي
الفنيين يشترون قطع معاك "لتكملة سلخ زبائنهم"
هذه اذا ماجاب لك قطعة مستعملة!!
احذروهم فإني لكم من الناصحين
التعديل الأخير: