سؤال وجواب طريقة للعيش بمنزل وحدي

desert beast

عضو جديد
أنا أحب أهلي. بس ودي أعيش بروحي, لأسباب شخصية. شنو رايكم؟ عطوني اقتراحات. ولا تقولون تزوج, لأن توني صغير. الشقق بالكويت غالية. أعتقد أقل شقة ب500 دينار. تعرفون شقة محترمة والايجار مو غالي؟ أنا الحين معاي 4,000 دينار تقريبا, فقاعد افكر اسوي مشروع. واشتري بيت لما تييلي فلوس
 

سداح بطاح

عضو مميز
ممكن البيت ضيق ممكن محد محتاجه في البيت
والريال يبي يستقل الناس اسرار وظروف
شوف اذا تقدر تصبر في مكانك اصبر الى ان تييك بيزاتك ويفرجها الله
واذا ماتقدر ما كو الا سكن هالعماير العزابية بس اسل عن انظف مكان
والله يوفقك
 

غيـم

عضو جديد
نفسسسسسسككككك ، احب اهلي ، بس ابغى اعيش لوحدي ، ما بغى اتزوج، ولسه عمري صغير اساساً ، وماتوقع اني حقدر اتقبل فكرة اني اعيش مع الجنس الآخر في يوم ، بس افرق عنك اني انثى ، وانطوائيه بمعنى ماعندي اصحاب واكره الجمعات بشتّى انواعها « بيتوتيه » وراضية بذا الشي الحمدلله ، وكأنثى « انطوائيه اخر ليفل » اعيش في بيت كل ابوه اجتماعيين ومنظمين ما شاء الله ، والتنظيف دوري فالبيت واشياء ثانيه ... ، مافي كلمه توصف الاجهاد النفسي اللي اعيشه، حتقبل كل شي لو كان لي غرفه لوحدي او وقت اقدر اختلي فيه بنفسي، لي خصوصيتي ، لا مافي ابد ، يعني حتى مكان لي لوحدي مافي ، حرفياً انا انام في غرفه ومعايا ٢ من خواتي جدتي وخالتي ، واذا بغير او احط شي فغرفتي ماعندي حرية القرار ، ومعد فاتحت امي بالموضوع عشان خاطرها وما ازعلها ، يعني مادري ايش اقول بصراحه ، انا بجد احتاج اقتراحات حلول . وقبل كل شي الحمدلله على كل حال
 

ِAsaad94

عضو جديد
نفسسسسسسككككك ، احب اهلي ، بس ابغى اعيش لوحدي ، ما بغى اتزوج، ولسه عمري صغير اساساً ، وماتوقع اني حقدر اتقبل فكرة اني اعيش مع الجنس الآخر في يوم ، بس افرق عنك اني انثى ، وانطوائيه بمعنى ماعندي اصحاب واكره الجمعات بشتّى انواعها « بيتوتيه » وراضية بذا الشي الحمدلله ، وكأنثى « انطوائيه اخر ليفل » اعيش في بيت كل ابوه اجتماعيين ومنظمين ما شاء الله ، والتنظيف دوري فالبيت واشياء ثانيه ... ، مافي كلمه توصف الاجهاد النفسي اللي اعيشه، حتقبل كل شي لو كان لي غرفه لوحدي او وقت اقدر اختلي فيه بنفسي، لي خصوصيتي ، لا مافي ابد ، يعني حتى مكان لي لوحدي مافي ، حرفياً انا انام في غرفه ومعايا ٢ من خواتي جدتي وخالتي ، واذا بغير او احط شي فغرفتي ماعندي حرية القرار ، ومعد فاتحت امي بالموضوع عشان خاطرها وما ازعلها ، يعني مادري ايش اقول بصراحه ، انا بجد احتاج اقتراحات حلول . وقبل كل شي الحمدلله على كل حال

هي جملة وحدة, فترة و رح تعدي و تضحكي عليها مستقبلا"
 
يا الله ياغيم .....

الموضوع من عام 2014

والان 2019

يعني من خمس سنوات مضت

اغلب الظن ان صاحبه تزوج واستقر في بيت مستقل هو وزوجته وعنده طفلين او ثلاث حاليا

بشكل عام ...

كثير من الازمات عندنا او مانراها مشاكل يحلها عامل ... (( الزمــــن )) ..!!!

بكره ان شاء الله تتزوجين وتنشغلين في بيتك الجديد وتستقلين بنفسك واولادك


بالتوفيق .....






..
 
أعلى