سؤال وجواب وظيفة البنوك - ساعدوني

[الحمدلله على كل حال]

السلام عليكم

انا شاب كويتي شهادتي ثانوية ماعندي خبرة

وسمعت انه البنوك افضل قطاع من ناحية الراتب

منو يعرف كم يعطون من غير دعم العماله وهل اقدر اشتغل فترتين صباحية ومسائية

واي بنك يوظف اللحين ؟؟

 

[م.مبارك الرشيدي]

وسمعت انه البنوك افضل قطاع من ناحية الراتب

القطاع النفطي أفضل رواتب بدون منازع
ويظل القطاع البنكي رواتبه ممتازة

منو يعرف كم يعطون من غير دعم العماله

380 - 650 دينار
حسب البنك
بس الراتب مو كل شي
اسال عن الامتيازات مثل التامين والبونصات السنوية والاجازة وعدد ايام الاجازة

وهل اقدر اشتغل فترتين صباحية ومسائية

على حسب البنك
بس عموما على فترتين صعبة شوي
فيها تعب

أي بنك يوظف الحين؟

كل البنوك توظف ، دش على مواقعهم بتلقى فيه الوظائف
قدم عليها



والله يوفقك
~~

 

[الشكوىى لله]

شوي صعبه

بدون خبره أو دبلوم سنه عل أقل
خصوصًا البنوك الأ أذا الـ ( و ) !

موجوده حتى لو شهادتك أبتدائي

عمومًا شركة الـ koc منزله أعلان توظيف
للعقود ( قطاع خاص ) حاله من حال البنوك
لكن تكويت و مميزات زينه تعجبك

http://kockw.com/sites/EN/Pages/Join Us/Join-Us.aspx

http://q8ow.com



موفق خير يالغالي

 

[الحمدلله على كل حال]

جزاكم الله خير

لو عندي واسطه ما كتبت موضوع بالمنتدى

والفرص الموجوده بالنفط حاليا عقود مقاولين وصحيح مافيها واسطة لكن يكرفونك كرف يطلعون دينار دينار من عينك انا رفيجي كان فيها وطلع من الشهر الثاني

 

[م.مبارك الرشيدي]

وياك وويا من يقرا انشالله
ليش ما تكمل دراسة ؟

 

[الحمدلله على كل حال]

ادرس حقوق بمصر باقي سنتين واخلص وانا زهقت من الفرارة بالشوارع والمجمعات

 

[م.مبارك الرشيدي]

توك بنص المشوار
خلص الحقوق وعقبها يحلها الف حلال