سؤال وجواب عندي شركه توصيل ومافي اقبال ومحتاج نصايحكم

S

Salem Al-Ali

عضو جديد
السلام عليكم

عندي شركه توصيل طلبات وسويت كل شي بس مافي اقبال

سويت جوائز وعروض

خليت التوصيل مجاني في شهر فبراير حق جميع العملاء

توصيلنا يعتبر ارخص توصيل والمميز ان السعر ثابت على جميع المناطق 2.5 د.ك

كل هذا ومافي طلبات

شنو الحل .....ياريت تفيدوني باحسن طريقه للاعلان ....شنو اسوي علشان ازيد الطلبات

هذا حسابنا فالانستغرام https://instagram.com/delivery_company/
 
التعديل الأخير:
ترتيب حسب التاريخ ترتيب حسب الأصوات
م

محمد001

عضو فعال
المشكلة أن فكرة المشروع انتشرت بكثرة،
أتوقع لو تقدر تتعاقد مع أصحاب المشاريع الصغيرة أمورك طيبة،
واجد ناس عندهم مشاريع منزلية ويحتاجون أحد يوصل لهم،
تقدر تعلن على الإنستقرام عن طريق الحسابات المشهورة إلي متابعينها بالملايين،
بالنهاية الكويت ديرة واسطات يعني إذا عندك واسطة قوية توفر لك عقود مع جهات معينة راح يكون لك ربح ثابت على الأقل.
 
تأييد 0 تصويت سلبي
S

Salem Al-Ali

عضو جديد
محمد001 قال:
المشكلة أن فكرة المشروع انتشرت بكثرة،
أتوقع لو تقدر تتعاقد مع أصحاب المشاريع الصغيرة أمورك طيبة،
واجد ناس عندهم مشاريع منزلية ويحتاجون أحد يوصل لهم،
تقدر تعلن على الإنستقرام عن طريق الحسابات المشهورة إلي متابعينها بالملايين،
بالنهاية الكويت ديرة واسطات يعني إذا عندك واسطة قوية توفر لك عقود مع جهات معينة راح يكون لك ربح ثابت على الأقل.
أنقر للتوسيع...

فكرتي الاساسية اني اسوي موقع نفس ايباي بس بلشت بالتوصيل قبل الموقع علشان اشوف اقبال الناس بس بعد اللي شفته متردد اني اقط مبلغ كبير على الموقع والبرنامج وبالاخير ينسحب عليه!

وجربت اكلم اصحاب المشاريع الصغيرة تقريبا كلهم متعاملين مع سواق او عندهم عقود مع شركات توصيل ثانية

ونفس الشي سويت اعلانات بحسابات الانستغرام اللي عندهم فوق المليون متابع ومافادني بشي
 
تأييد 0 تصويت سلبي
A

Abdullah2012

عضو جديد
Salem Al-Ali قال:
فكرتي الاساسية اني اسوي موقع نفس ايباي بس بلشت بالتوصيل قبل الموقع علشان اشوف اقبال الناس بس بعد اللي شفته متردد اني اقط مبلغ كبير على الموقع والبرنامج وبالاخير ينسحب عليه!

وجربت اكلم اصحاب المشاريع الصغيرة تقريبا كلهم متعاملين مع سواق او عندهم عقود مع شركات توصيل ثانية

ونفس الشي سويت اعلانات بحسابات الانستغرام اللي عندهم فوق المليون متابع ومافادني بشي
أنقر للتوسيع...
شوف الله يسلمك, لازم تبنه على كذا شغله, الكويت مافيها سوق مثل إلي تتصوره, الشيء الوحيد إلي ممكن يمشي عندنا هو الأكل,
مثال شفته بسوق الأجهزة والإلكترونيات, بعض قطع الغيار "خصوصا إلي بالكمبيوتر" تصنع وكفالتها 10 سنين, يعني لو شريتها واستخدمتها شهر تقدر ترد تبيعها من غير فرق بالسعر, بالكويت ؟ راح يكسرون بشغلك, تخزن ولا تبيع ابرك لك.
وقس على ذلك, سوق الطيور مثلا, يشترون منك ويملون من الطير وباجر يبون يرجعونه, يفترض وجود سوق هواة, بحيث يتم التبادل والبيع والشراء للشيء كهواة و وجود ثقة بين المتعارفين, هذا شيء لا نملكه بالكويت, شوفهم, ما يلفت إنتباهم إلا الكبير والغالي, مع انه الصغير قد يكون ذكي وطيب.

إلي يثير الإستغراب, انواع المشاريع إلي تنجح, الله يوفقهم ما قلنا شيء, لكن إلي نجح واشتهر اشياء مثل, شغل أكل, تبيع كفرات اجهزة, اما إذا افكارك كبيرة وكونها تستهدف المستهلكين, اقولك إذا عرف السبب بطل العجب, سوقنا سوق "حريم", من الأخر, فكر مع من تتعامل.

هذا قبل لا تتطب بمشروع ebay.

اما شغلك الحالي,
قاعدة عملاء == دعاية
دعاية == تعامل مع الناس.

جرب دعايات مستهدفة, بحيث انت تفرض السيناريو وشنو تتوقع يصير و من إلي تستهدف بالذات, وكيف راح تخليه يتذكرك بعد فترة او يذكرك في مجالسه.

هذا كله مجرد رأي, قد اكون مخطئ او على صواب, بكلا الحوال هو غير ملزم لشيء.
 
التعديل الأخير:
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى