سؤال وجواب سؤال إلى كل رجال مطلق ؟!

قريت بالنت ان الرجل في حاله الطلاق يتألم اكثر من المرأه بس يحاول يخفي شعوره ويبين انه قوي ومو منكسر

بس الصراحه هالكلام ما دش مخي !
لان اللي اشوفه عكس هالكلام
المره هي اللي تنكسر وتتأثر نفسيتها وتكره الزواج كله
اما الرجل ع طول يفكر يتزوج ويتسرع بالزواج غالبا ع شان يقهر طليقته

السؤال هل بالفعل الرجل يتأثر ؟؟
وهل يندم ع هالقرار خاصه اذا كان بينهم اطفال وحب ؟
اتمنى يكون الجواب من واحد مطلق او ينقل لي كلام واحد مطلق

اتحفونا بالردود
 
اضافة بسيطة
ترى الاطفال مو عائق

الرجل اذا حب زوجته حب عيالها واذا ما حبها مادرى عنهم


لا مستحيل حب اطفاله ما يأثر عليه شي هذا اذا كان عقله سليم
اما العاهات اللي عندنا بالمجتمع هذي حالات شاذه

حب الابناء فطره
 

hakeem

عضو ذهبي
للأمانه المرأة غالبا هي من تحمل أعباء الطلاق

من أولاد ومسئولية

وغالبية الرجال ما يهمهم

وقله من النساء تضحي بأولادها كيدا في الرجل

او تتركهم وتقول انا متنازلة عنهم للزوج

حتى تتشفي فيه

أو حتى تستطيع الزواج بحرية من شخص آخر دون قيود




واحده من النساء زوجها تزوج عليها

فما عجبها وطلبت الطلاق

وبمجرد انتهت عدتها تزوجت صديق زوجها ويسكن بالبيت المقابل لبيت زوجها
 

سداح بطاح

عضو مميز
لا مستحيل حب اطفاله ما يأثر عليه شي هذا اذا كان عقله سليم
اما العاهات اللي عندنا بالمجتمع هذي حالات شاذه

حب الابناء فطره
مو المششكلة اغلبهم عاااااااااهات وانت شايف المجتمع
 
للأمانه المرأة غالبا هي من تحمل أعباء الطلاق

من أولاد ومسئولية

وغالبية الرجال ما يهمهم

وقله من النساء تضحي بأولادها كيدا في الرجل

او تتركهم وتقول انا متنازلة عنهم للزوج

حتى تتشفي فيه

أو حتى تستطيع الزواج بحرية من شخص آخر دون قيود




واحده من النساء زوجها تزوج عليها

فما عجبها وطلبت الطلاق

وبمجرد انتهت عدتها تزوجت صديق زوجها ويسكن بالبيت المقابل لبيت زوجها

ههههه شر البليه ما يضحك
مو صاحيه هذي تبي تقهره بس
 

مشعل نجد

عضو جديد
السلام عليكم،،

محبتي للبحث وتثقيف نفسي جابتني لكم، وفوق هذا حبي للكويت وأهلها.

أشكر كل من أثرى الموضوع بمشاركاته ولا أعلم ما إذا كانت تلك تحليلات أم تجارب!!

عن تجربتي: أنا مطلق ثلاث طلقات (طلاق ورجعة ثم طلاق ورجعة ثم طلاق) لم يكن هناك مشاكل شخصية بيننا ، كل مافي الموضوع عدم توافق لم يتم اكتشافه إلا مؤخراً.

زواجنا استمر خمس سنوات ولدينا طفل وكان الزواج عن حب وكلنا من قبيلة نجدية متحضرة يعني ثقافياً متوافقين، ولكن تعارض قناعاتنا بحقوق كل واحد فينا هي اللي سببت عدم التوافق والطلاق. كنا نجامل أحياناً وما اكتشفنا هذا بوضوح إلا بعد ثلاث سنوات من الزواج.

الطلاق الثالث تم الأسبوع الماضي، وهي صار لها تقريباً عشرة شهور في بيت أهلها وفعلاً في البداية ضاق صدري وصدرها وصرت أحب العزلة لدرجة إني أسافر بالحالي. لكن الآن الحمد لله مقتنع إن الطلاق حل وليس مشكلة ومرتاح نفسياً وبدأت أبحث عن زوجة.

لازم يستوعب المجتمع إن الزواج مباشرة بعد الطلاق له عدة تفسيرات وأسباب تعتمد على وقت الافتراق وشخصية ونفسية المتزوج وقناعته بقراره، فعلاً بعضهم يتزوج مباشرة عشان يغيض طليقته وبعضهم يبي يقول للناس إن العيب فيها مب فيني.
وبعضهم متعقّل يحسّ بالوحدة لأنه تعوّد على نمط حياتي معين ومايبي يغيره، ويرى إنه مادياً ونفسياً جاهز فيبحث عن زوجة.

أتمنى أكون أضفت وأفدت والله يعطيكم العافية.
 
إللي راح تتأثر نفسيته ويتعب وماراح يكون إنسان طبيعي في تعامله مع الناس أهمه العيال وخاصه لو كانو يهال


المشكله اليهال إذا اكبروا وخاصه إذا كانو أولاد لما يكنون في عز المراهقه محتاجين الابو مو الام لأنه الأم ماتقدر عليهم إذا إكبروا وصاروا مراهقين

ولد عمره 15 أو 16 وطلع وقال بروح مع ربعي بطلع وياهم شلون مو لازم الابو يشوف ربع ولده ويشوف اهل ربعه ويقعد وياهم يمكن يطلعون موزينين لا من الأهل ولا من ربعه

ومن بداية الزواج الأحسن المره لاتييب يهال في بداية الأربع السنين الأولى من الزواج يمكن بعد سنه من الزواج كل واحد يكتشف بالثاني شي مو زين فلما يقررون الطلاق يكون الطلاق بدون يهال عشان لايكنون الضحيه



أما الزوج والزوجة لمن يطلقون كلها أيام راح يضايقون وبعدها يرجعون لحياتهم العاديه


اول مايتزوجون الريال والمره لازم يتمون 4 سنين بداية زواجهم بدون يهال عشان يشوفون تستمر الحياة الزوجيه وله أكو خلافات بينهم مو على طول المره تحمل


ولمن المره إيها الريال مو على طول بعد اسبوعين او ثلاث تملج عليه على الأقل إتم خمس أو ست شهور تشوفه ويشوفها ويكلمها عشان يعرفون بعض أكثر
 
التعديل الأخير:
بعمر المراهقه لازم الابو يطلع مع اعياله الأولاد وين مايروح اعياله الأولاد يطلعون وياه

حتى أهمه وين مايطلعون الأولاد أي مكان لازم الابو يطلع وياهم


خل دايمن يودينهم ويقعدهم بوسط الريايل يعني يودينهم الديوانيات والمسيد والأعراس وغيره عشان يتعلمون مو على بو واحد عمره 6 وله 7 سنين يقعده بيتهم لا يودي ويقعد بوسط الريايل عشان يتعلم


والأم والابو لازم يفتشون غرف إعيالهم الكبتات فوق وتحت والجناط وتحت السرير وتحت الشرشف والمخاد يعني كله السرير ينفظونه نفاظ في الغرفه داعوس داعوس فيها طبعا بغيابهم لراحو المدرسه أو واحد منهم راح مع أمه أو ابوه

أهم شي النصايح شغاله 24 ساعه

ولو حبو الأم والأبو يعرفون شي ومايعرفون أو ما يعرفون يتصرفون أو مالقو حل الاستشاري الأسري موجود ماعليهم إلا يروحوله
 
التعديل الأخير:

حكاوي عيوني

عضو جديد
نعم يتاثر ونفسيته تتعب ايضن ولكن اريد مشورتكم
انا مطلق من سنتين وكنت احب طليقتي بجنون
وهي ايضن كانت تحبني ولكن قدر الله وماشاء فعل
وانفصلنا لكثره المشاكل التي حصلت بينها وبين اهلي
حاولت جاهدا ان اصلح الامور لكن دون جدوي فكان الطلاق هو الحل

ولكني اخاف ان ارتبط باخري وانا لازلت افكر بطليقتي في كل وقت ولا اريد ان اظلم الاخرئ بذالك
فسوالي هل تستطيع الزوجه الثانيه ان تنسيني الحب الاول
هل منكم جرب ذالك او حصل له نفس قصتي
 

شمري كويتي

عضو مخضرم
نعم يتاثر ونفسيته تتعب ايضن ولكن اريد مشورتكم
انا مطلق من سنتين وكنت احب طليقتي بجنون
وهي ايضن كانت تحبني ولكن قدر الله وماشاء فعل
وانفصلنا لكثره المشاكل التي حصلت بينها وبين اهلي
حاولت جاهدا ان اصلح الامور لكن دون جدوي فكان الطلاق هو الحل

ولكني اخاف ان ارتبط باخري وانا لازلت افكر بطليقتي في كل وقت ولا اريد ان اظلم الاخرئ بذالك
فسوالي هل تستطيع الزوجه الثانيه ان تنسيني الحب الاول
هل منكم جرب ذالك او حصل له نفس قصتي

اذا تقدر ترجع طليقتك رجعها اذا طلقتها طلاق رجعي
وابعدها عن اهلك لانهم هم سبب طلاقك سبب كلامك
اسكن في سكن بعيد عن اهلك حتى لا تخسر زوجتك
واذا ماتقدر تسكن في سكن مستقل لا تسمح لاهلك بالتدخل في حياتك
 
أعلى