مقهوور

السلام عليكم

ما علييه مقهور وبدش بصلب الموظوع

يا جماعه شهالمصخرة

ندرس وانييب نسب وننطر الديوان متى يفتح باب التسجيل ونسجل ونصف دور ننطر بالسنين والبلوة حتى يوم نترشح للعمل نقعد اشهر نعابل بهالاوراق عشان نباشر عمل

اخر شي اييك وافد يقدم اوراقه باي ادارة يوقعله الوكيل ويتوظف بارده مبرد ؟؟

ما جنها مصخت شوي ؟؟؟

لا والقهر يوم توظفت دخلت الادارة ولا ثلاثة ارباعها وافدين ؟؟ ناس طافت الاربعين سنه خدمه وليلحين يشتغلون ... والبلوة شغلهم كله حجي فاضي ادخال بيانات وكتابة تقارير وسكرتارية !! زين واحنا ودراستنا وتعبنا والسنين الي نطرناها هذي منو بعوضنا عليها ؟؟ اربعين سنه يعني حتى قاعد ياخذ فرصة الشباب عقبه ؟ انزين وبعدين وتاليتها حتى طواري المستشفيات صارت لهم ننطرهم بالساعات ؟

يبه حتى احنا اوادم ولنا حق مو غلطتي اذا دولهم فقيرة وغير منظمه
الحمد لله محنا ضد الخير تبرعات وقاعدين نتبرع قروض تنمية لدولهم ولا راح نعترض الحمد لله فينا الخير

بس هم احنا لنا حق ما يصير تعيش ناس على حساب ناس

ما يصير تضيع عمري انا يالكويتي وانا بارضي عشان ناس غرب ؟

ننطر الديوان ننطر بالشوارع من الزحمه ننطر بالمستشفيات بالمستوصفات حتى معاملاتنا بالدوائر الحكومية معاهم القطاع الخاص صار كله لهم ما يبون غير الوافد والخبرة محد عنده استعداد يعطي الكويتي فرصة يعلمه وياخذ منه

زين يوم تبي وافدين بهالديرة ييب ناس متعمله ونظيفه ناس تساعدك تجدمك لي جدام مو ناس تخالف وتوصخ وانتاجيتها ضعيفة
ابي اروح قراج بصلح ابي صحيح حمام تكرمون ابي فراشين شغلهم نظيف ماكو

هذا يغش وهذا يخرب وهذا ياييبينه من قرية النظافة ما يعرف شلون قايله

انتو شنو

يبه خافو ربكم يا مسؤولين الفقر هذي ارضنا وهذي حقوقنا
 
تخيل في اكثر من وزارة اعرفها الوافد يتوظف ويخصص له مكتب ويتم ادخاله معظم الخفارات والنوبات والاعمال التشجيعية والكويتي لا مكتب ولا اعمال اضافية واذا تكلم قالوا له جيب واسطة ولا كل ........
لكن لما تكلمهم عن الوافد يقول مسكين حرام فقير ولما تدقق تلاقيه يحب الوافد لأنه مطبل له وعشان اشياء اخرى للاسف
 

تويتر الكويت

عضو مخضرم
حتى لو الدولة عندها فلوس توزعها يمين و يسار ؟؟ّ!
وهل توظيف المواطنين بدل الوافدين يعتبر في نظرك توزيع للفلوس يمين و يسار
الدولة ملزمة شرعا و عرفا و دستورا وحتى بالقانون الدولي الدولة ملزمة بتوظيف المواطنين
 

عمر بن معاويه

عضو مخضرم
وهل توظيف المواطنين بدل الوافدين يعتبر في نظرك توزيع للفلوس يمين و يسار
الدولة ملزمة شرعا و عرفا و دستورا وحتى بالقانون الدولي الدولة ملزمة بتوظيف المواطنين
رأيي الشخصي
ان الدولة تعتقد ان الوافد انتاجيته اكبر و راتبه اقل مقابل المواطن راتبه اعلى و انتاجيته و انضباطه اقل
 

bujassim

عضو مميز
حتى لو الدولة عندها فلوس توزعها يمين و يسار ؟؟ّ! الدولة تفكر بترشيد الصرف خصوصا بالوضع الاقتصادي الحالي و انخفاض اسعار النفط

الدولة تفكر بترشيد الصرف على المواطن فقط

اما التجار يعطونهم مناقصات بالهبل
وكافي انها توزع فلوسنا يمين وشمال على الدول
سواء ارتفع النفط او انخفض النفط

لكن لي راحوا عند راتب المواطن قالوا لا لازم ننزل من رواتبهم عشان نوفر للخزينة

وبالمقابل كل شي مرتفع سعره

علاوة الأولاد 15 دينار رفضوها
و4 مليار راحت منحه حق مصر !!
 
الوافد راتبه اقل من الكويتي يعني اوفر للدولة

يا حبيبي هذا كلام ماخوذ خيره وعذر طلع غير صحيح كله لتبرير وجودهم

انا كويتي متعين على الثامنه معاشي بعد تقصص التامينات 560 !!! السايق بادارتنا معاشه 400 دينار ؟؟!!! شتحجي انت ؟؟

روح شوف معاشات الاطبه والمستشارين وغيره وغيره شكثر

هذا غير العمالة السايبه قاعده تكلف الدولة مليارات سرقة ونصب

هذا غير استهلاك الوافدين وكثرتهم صارت عبئ على البنية التحتية يعني قاعده تقط على الديرة عشانهم مو عشانك يا الكويتي قولي وفهمني التوفير ووين وشلون ؟؟

ورب الكعبة قام يكسرون خاطري الشباب الصغار توهم متخرجين وداشلك الديوان حسباله بيحصل شي ما يدري ان لو يقط الجنسية بعيش ملك

والله حرام والله
 
تخيل في اكثر من وزارة اعرفها الوافد يتوظف ويخصص له مكتب ويتم ادخاله معظم الخفارات والنوبات والاعمال التشجيعية والكويتي لا مكتب ولا اعمال اضافية واذا تكلم قالوا له جيب واسطة ولا كل ........
لكن لما تكلمهم عن الوافد يقول مسكين حرام فقير ولما تدقق تلاقيه يحب الوافد لأنه مطبل له وعشان اشياء اخرى للاسف

جنك تسولف عن ادارتها ومديرنا هذا هذا الكلام حصل معاي طردنا مديرنا من مكاتبنا عشان جم مصري من ربعه

صرنا غرب صارت هذي حقوقهم
 
أعلى